LiHKG Tools
歡迎 訪客, 登入
首頁 ›› 我和Miss的約會,是留堂?(續Miss成日留我堂 (尾已爛)
作者: 戴立晨_Lason 2017-08-05 19:30:51
LIHKG Link
最後更新: 2017-08-16 12:13:15 最後擷取: 2017-10-18 15:19:47
#1 2017-08-05 19:30:51 縮小字型 放大字型

講明先
甜度:3/10
長度:短
類型:搞笑、愛情、校園


好耐冇見啦咁多位,亦都深潛咗好耐,唔知大家仲記唔記得小晨我,唔記得都冇所謂啦,反正呢一刻我點都要寫落去,因為應承咗你哋呀嘛。(希望唔會冇人睇啦,就算得番一個睇,我都好開心)
由於呢幾個月發生咗太多野,加上幾忙,冇乜時間續寫啦,同埋係好唔開心,唔想上水去面對。以家總算過咗自己個關,終於可以寫埋落去。一開始純碎係滿足自己嘅FF欲才開Po寫文,點知反應超出我預期,因為我覺得會冇乜人睇。而且一開波咩都唔識,不時出口得罪過咁多位巴打,同你講番聲Sorry先,個時又壓力大,臨緊DSE 呀麻(藉口嚟嘅啫)。唔知你地考成點啦,我呢,個時就晚晚失眠咁濟,考得比預期差好多,咁成績就唔多講啦,亦都唔好問。不過都希望你地都有一個自己滿意嘅成績啦。
講番之前個故先,我認為就零分重作㗎啦。所以你地唔洗去之前個個Po睇番,棧傷心。我自認係一個嚴重嘅完美主義者,所以希望接近完美。以家寫緊,希望一次過出。同埋要你地等咁耐,真係說1萬聲對不起。仲有就係,我都唔知寫幾耐,不過會盡快㗎啦。
帶定頭盔先,可能有人唔識我,小晨文筆一向麻麻,行開搞笑風,為興趣而寫,屌得細力啲。
上一個po想屌我嘅,係下面繼續屌我,我認我衰仔!

好啦,去文!


____________________________

第1章 「咁就留咗我堂」

距離放學時間尚餘10分鐘~

我拍拍隔離位嘅阿星細細聲問佢

我:「喂,喂,淨間放學有咩搞?」

阿星:「冇呀,咪搞下三上呀,宇都宮,唱下「明日花昨日已開~」咁囉」

我: 「屌你,又打丁,打少日啦!」

阿星:「學生哥唔打丁有咩做呀?

我:「陪我搵啲野搞。

阿星用雙手成交叉形狀攬住自己。

我:「屌你,唔係搞gay呀仆街。 隔離街開咗間手作呀,聽講個手作妹好正呀,就算唔睇得,都有得食呀。」

阿星:「都唔係一件壞事黎嘅。

我:「 得啦,就咁......」

突然英文堂嘅Miss大聲中出我,並叫我起身。

Miss Cheung :「 Lason,臨放學都要傾計,放學傾都可以㗎姐,有咩咁急要而家講呀,你比個合理原因解釋就唔留你堂。」

我 :「 講句野唔洗留堂嘅,Miss比次機會呀。」

Miss Cheung : 「 啱啱比咗1分鐘機會你啦,你都要繼續講。」

我 :「咁你即係留硬我姐,我講咩都冇用啦。 」(屌,講咁多!咪又係留,八婆,比乜春原因呀。)

Miss Cheung : 「一陣放學留係呢個班房等我。」

我:「係嘅Miss。」(食屎啦,八婆)



坐番低之後

阿星:「咁點呀?仲搞唔搞?」

我:「得啦,好快姐,最多咪講兩句。我好快收佢皮,canteen等啦。

阿星:「嗯。」



講番啲背景先
我呢就緊中五級,叫Lason,全名戴立晨,通常得主角先有全名,慶幸嘅係我就係今次嘅主人翁。呢間學校就出咗名成績好運動勁。而我就係運動好,比人挖咗過黎,成績就唔洗提啦............。而我讀緊嘅呢一班,可想而知就係成績最差個班,但運動係最好嘅個一班。隔離位嘅阿星就係我嘅好朋友,同埋波友,每逢星期六日我地得閒都會打番場友誼波,係真係個隻友誼波!
小介紹就完啦,繼續~


放學後

我又真係好乖乖咁留咗係課室。始終唔敢搞啲花樣出黎,因為我想升班呀~


課室只有Miss Cheung和我。

我立刻說:「Miss 我知錯啦,我下次唔敢啦,念在你大人不記小人過就放過我啦。」話後便攞起書包往門口進發!

Miss Cheung : 「 咪走住!企起度!你知唔知你成績一落千丈呀?呀Lason」

我:「 知。」

Miss Cheung :「 你知唔知再唔補底就攞U㗎啦,你仲要係全班最差個個。」

我 :「 知,我乜都知!求下Miss你放咗我啦~

Miss Cheung :「 仲駁嘴!今日留堂!Miss 我教番你啲現在式,過去試,將來式。再唔改番好,你唔洗指意踢波!」

我 : 「 下,Miss …..Miss你...你認真㗎?」

Miss Cheung : 「乜我講得好唔認真咩?」

我:「認真 ,認真!認真~」

Miss Cheung : 「咁就即該開始啦。」



一個咁後生嘅Miss 就咁就坐咗係我隔離。我估Miss26-29到。眼大大,雙眼皮。皮膚光滑,化咗個淡妝,鼻尖尖,但下把又唔會尖到吉死人。波波目測有D,實際唔係好知。微啡嘅頭髮。我認為佢有嘅長腿。175cm高到。175係香港女仔黎講已經算高,不過我179,高Miss少少。仲有芳香脫俗嘅香水!黑絲!恤衫!短裙!足以勾起男人嘅每一處神經。


#2 2017-08-05 19:36:47 縮小字型 放大字型

第2章 「又留我堂?」


第二日早會嘅時候

阿星:「你琴日搞咩搞咁耐?

我:「搞英文囉.....

阿星:「咩呀?搞英文Miss? 」(越講越大聲)

我:「屌你咩,咁大聲..... 」(壓住把聲講)然後同側邊嘅同學作一個Sorry嘅手勢。

我:「Miss 話幫我補底,所以琴日教我gramm….」

阿星:「下,玩埋底底咁刺激呀。

我:「屌你,我都未講完,認真啲啦,仆街仔。

每朝都同阿星嘻嘻哈哈咁,你屌下我,我屌下你,就過咗個早會。中學嘅生活的確只能口味。






哈哈哈話咁快又到英文堂啦,拿拿拿講明先,呢堂我唔會傾計,睇你點留我。

Miss Cheung :「Good morning class!」

全班 :「Good morning Miss Cheung。」


Miss Cheung : 「 Turn your books pages 13,please ………………………………………………………………………………………………………………………………………………………………………………

距離落堂尚餘1分鐘

一個平時講野講唔停嘅人,忍口忍一堂,我覺得已經可以頒個奬比佢啦。我要多謝Paco,多謝.......................

正當我ff緊嘅時候,Miss Cheung又中出我啦。

Miss Cheung : 「Lason ,今日放學留堂。」

我秒回Miss

我:「今日放學練波。」

Miss Cheung :「咁我問下足球隊嘅負責老師,睇下係咪要練波,唔洗練嘅話,記一個小過,罪名係欺騙老師。」

我:「你唔比我球會練㗎咩?你唔可以咁㗎喎Miss。」

Miss Cheung :「得啦,我打比你媽咪,叫佢打比球會,你今日唔洗指意走咗佢。」

我:「喂,邊有人..........」

Miss Cheung :「唔好喂我,我有名,我叫......」

我:「係啦,Miss Cheung 呀麻,我留下來便是啦。」

Miss Cheung :「乖~」




坐番低之後

阿星:「你琴日搞咩呀?又留嘅?

我:「係囉,又留嘅,我都唔知呀。

阿星 :「祝你好好運。 」阿星拍一拍我膊頭

我:「唔講呢啲住,傾下一陣lunch食咩先啦。」

阿星:「食吉野家!

我:「又食吉野家!食KFC!

阿星:「叫乜春雞呀,er….食椰撚啦!(椰林閣)」

我:「屌,一陣問問享利同志偉先。」


無錯,中學生涯入面,討論Lunch食咩,已經係各間中學嘅熱門議題。我地每日唔討論唔安落。




話咁快時間又滴滴答答到3:30呢個放學時間。課室裏有個叫Lason嘅小伙子正苦惱著。

阿星見狀就問我

阿星:「你搞咩呀?塊面那埋一舊咁嘅...

我:「我諗緊走唔走好呀,你話啦,走唔走好。」

阿星:「哈,真係笑咗出黎,想走咪走囉,過多幾秒你想走都走唔到呀。哈哈。」

我聽完阿星嘅話後,便一提勁,拿起書包往唔遠唔近嘅門口進發。當正去到門口之際,Miss Cheung 突然出現在我眼前。

Miss Cheung :「坐番低!」

我:「係...」

阿星:「唔阻你地補課啦,走先啦,bye Miss。」

Miss Cheung :「bye~」


講完再見,我就行番去個日留堂坐嘅位置。

Miss Cheung見狀立即說

Miss Cheung :「今日我坐左邊,你坐右邊。」講嘅時候臉上帶有一點紅光。

我:「係嘅,係嘅。」(哈哈,又驚我目及佢,驚嘅咪咪撚補囉,又要驚,又要補。)


坐低之後

我望一望Miss Cheung,原來佢今日係白色恤衫,黑色短裙,又黑絲。仔細一望白色恤衫透咗個紫色Bra。白色衫好易透㗎麻,你地啲Miss又唔係唔知。但就成撚日就引誘啲學生犯罪,你地過唔過易得去先。

起呢度,講番我啲性格先,我係比較大情大性嘅個一類。 有話不妨直說。 兜個圈托咩。

我就直接同Miss講

我:「你知唔知你咁著,會令人有遐想㗎?」

Miss Cheung被我突然一問,顯得不知所措。

Miss Cheung :「下 ,我......er……打開練習....er…..23頁」(越講越紅)

我:「 你咁樣我好難專心做練習㗎喎。」

Miss Cheung:「你.....你..唔望咪得囉..」

我:「唉,咁你今日就唔好話我變態啦,我係一個好正常嘅男生,有一定程度嘅生理反應,你唔好怪我呀,我做練習先。係喎....今日做幾耐?」

Miss Cheung :「下,做幾耐.....你又講埋啲變態野!

我:「你唔係諗緊個啲呀,你地啲老師真係好搞笑,明明自己諗歪,就成日誤會人地嘅意思。」

Miss Cheung :「咁你真係變態呀麻,叫我點唔避忌你一下姐。」

我:「唉,咁今日留到我幾點呀?」

Miss Cheung :「練到你唔會錯為止。」

我:「呢個又好笑,你地啲老師成日講埋哂啲無可能嘅事.......點.......」

Miss Cheung :「唔好咁多廢話,做!」

我:「係!
#3 2017-08-05 19:40:17 縮小字型 放大字型

由於我英文真係差,佢就不斷係旁邊指導我,佢教我嘅時候比起上堂嘅聲線係幾溫柔。不時傳出頭髮嘅香氣,係形容唔到嘅香氣。由於我有鼻敏感,我認唔住打咗個乞嗤。

我:「sorry, sorry.

Miss Cheung :「係咪冷氣機太凍呀,我幫你熄細佢呀。」

我:「唔係,唔係,我有鼻敏感,你啲頭髮太香,所以.........」我鍊住個鼻咁講。

Miss Cheung :「哈....Sorry…..」


擾攘完一輪之後


終於補完課啦,望一望錶,7?7777?7點啦喎!望一望窗出面嘅校園,陰暗一片。連球場嘅光都無,睇黎,校隊都練完波。

臨走嘅時候,係班房門口,我有意無意咁問Miss。

我:「Miss呀,你知唔知學校之前有一排教員室老師桌啲野亂哂,傳聞話有有鬼,搞到而家教員室長期開燈先無事。仲要啲電費係我地有份比。」講完之後Miss雙手捉住我,成個身貼到我好近。而..軟嘅喂!嘩....嘩....食哂....食哂.....食哂對波餅呀!

Miss Cheung :「晨呀,我好驚呀..........呀!」佢「呀 」個陣我熄哂課室啲燈,而且走廊都無乜燈,成個環境好陰暗。

我:「 熄個燈姐,唔洗驚成咁呀。

我地由5樓慢慢行落去1樓,Miss沿途成個人震哂。

咁我就講啲說話分散佢注意力啦,又係我衰,係我嚇佢先。

我:「Miss呀,一陣你搭咩車走?」

Miss :「搭..搭地鐵。」

我 :「我搭巴士喎,咁一陣門口就say goodbye and thank you Miss Cheung la」

Miss Cheung :「唔得呀!陪我搭地鐵!」

我:「下,點解呀?你唔比個合理理由我,我罰你留係學校。

Miss Cheung:「係你嚇人先㗎........ 」Miss講到就喊咁,楚楚可憐嘅樣子

我:「好啦好啦,係我衰,陪你搭,陪你搭,唔好喊啦。」講完之後,我伸出無比佢捉住嘅個隻手,幫佢抹抹啲眼淚。哈,成個小朋友咁,又幾盞鬼喎。

去到一樓地下蓋操場。

仆你個街,有個黑影街行緊過黎。

我:「Miss 你見唔見到有黑影?」

Miss Cheung:「你唔好再嚇我啦,咦,真......真係.....有呀。

Miss即刻躲在我後方,雙手捉實我件校服。

我:「唔好捉得咁大力啦。就爛啦。 」眼見粒鈕扣真係就爆啦。

黎個黑影越黎越近,阿晨佢都吞了一口口水。

突然黑影發起一束光芒。

我:「嘩,咁猛嘅,識發光㗎喎。

Miss Cheung :「呀! 」 無錯,佢又嗌嗌。

黑影首次開腔

黑影:「 留到咁夜呀,啱啱聽到上面有人嗌,就諗住上去睇下發生咩事,原來係你地,快啲走啦!一陣有啲咩事,我擔當唔起。」

我:「係嘅!走㗎啦,走㗎啦。唔好意思。」
(屌你,比你嚇撚死啦。)

Miss 係我講野嘅同時亦都係我膊頭露出半個陰頭。

校工:「嘩,你膊頭有隻女鬼呀! 」 就咁,個校工就跑走咗。

Miss Cheung係我膊頭講

Miss Cheung :「 乜我真係好似女鬼咩?嘻嘻。」

我:「鬧人嘅時候,比女鬼更恐怖。

Miss Cheung :「喂呀,你好衰囉。

我:「唔好喂我,我有名嘅,叫我Lason。」

Miss Cheung :「係啦 ,Lason 小Dee Dee行去地鐵站啦。」


沿途行過去地鐵站都惹來途人嘅目光

我:「喂,你覺唔覺好多人望住我地呀?

Miss Cheung :「下,係咩,嘻嘻。」

我:「你係咪嚇到傻咗呀。

我無意中發現,原來Miss Cheung一直拖住咗我隻手。可能佢啱啱一直都緊貼住我隻手,直到佢拖緊都唔覺。

我:「喂,喂,你呀。(我望一望我隻手)」

Miss Cheung先知道發生咩事。

Miss Cheung :「Sorry Sorry。」 Miss紅起臉上來。

我:「我發覺Miss你都幾易怕羞㗎喎。」

Miss Cheung :「係咩!?..........」




就係咁,我地就行到去地鐵站,由於唔同路,各自搭上車便結束今日嘅補課。



____________________________
#4 2017-08-05 19:44:10 縮小字型 放大字型




唔記得上傳番個坐位表
#5 2017-08-06 00:08:12 縮小字型 放大字型

第3章。「關係昇華?」

呢幾個星期不停嘅補課補課同補課,我同Miss Cheung嘅感情亦都越嚟越好,感覺好似老夫妻一樣。不過我有喜歡嘅人㗎啦,就係坐我前面嘅卓瑩bb。所以?師生戀咪搞!同埋Miss 好似都有男朋友啦。


距離足球學界不遠矣
有一日上堂嘅時候
阿星問我

阿星:「喂,你唔好再去補課啦,你好耐冇掂過波啦,足球隊冇咗你,等於唔洗踢啦。」

我:「我不時都掂下波㗎啦。」
(我指我有時都抽到Miss Cheung 水,掂到幾下波。)

阿星:「下,你有掂過波?」

我:「咁我星期六日都會去球會掂波㗎麻。」

阿星 :「我以為你星期六日都係番黎學校同Miss Cheung補課炸。」

我:「無咁誇張呀。」

阿星:「你知啦,你同Miss行得咁密,全班都知啦,搞埋師生戀都有可能呀。」

我:「喂,咪亂講啦,我有心上人啦。」(我望一望前方嘅卓瑩)

跟住,坐卓瑩隔離嘅海倫偷偷成張椅子向後。睇黎要聽啲八卦嘢。

我:「你係咪咁八卦先?」

海倫:「係咪八卦下都唔得先?超!」 海倫坐番向前

阿星:「唉,你好自為之啦。」



呢幾個星期入面,Miss Cheung都以成績為由,日日留我堂咁濟。就係其中一次補課入面。


我:「Miss Cheung我就黎踢學界啦,你係時候放生我啦。」

Miss Cheung :「唉,都困咗你咁耐,見到你叫有啲進步,唔放你走都唔得啦。」

我:「咁我多謝你先。係呢Miss,你成日同我補課,你唔洗陪下屋企人之類?譬如話男朋友呀之類。」

Miss Cheung :「嘻,做咩無啦啦問我有冇男朋友嘅?」

我:「冇,問下姐。」 到我有少少臉紅

Miss Cheung :「有!古!怪!」

我:「好奇,我好奇心旺盛 !」

Miss Cheung :「古古怪怪咁,我唔話你知bo。」

我:「唔好講呀,你呢世都唔好講呀。我唔想知。」

Miss Cheung :「嘻,小氣鬼!」





話咁快黎到足球D1學界啦,Miss亦都無再留我堂,比我去為校爭光。

黎到決賽嘅賽事。

我校落後敵方 1:2

尚餘比賽結束還有20分鐘
20分鐘要追兩球!
有難度!

尚餘比賽結束還有15分鐘
足球落在學界嘅首席射手戴立晨身上,晨由中圈扭過一個!兩個!三個!帶波到邊翼出波


亨利:「晨!波!」


見到享利已經係禁區準備接應晨嘅橫傳啦,有冇機呢,享利黎個頭槌!.....嘩...........Goal入咗啦,比數追成2:2。戰況非常緊湊呀。係佢地慶祝嘅同時,係呢到宣傳下先,你而家收睇緊嘅係體育02嘅FB直播,想留意往後嘅學界賽事,記得去關注你而家身處嘅專頁啦。

係呢場比賽啦,你見到戴立晨呢位學界首席射手,真係有板有眼,好sharp,可以話係帶領成隊xxxx書院,踢出新天地,重整呢個隊伍嘅士氣。

番到黎比賽啦,距離比賽結束尚餘三分鐘,呢場鬥得難分難解嘅比賽,究竟係邊間可以奪冠呢。畫面見到戴立晨博得一個35碼嘅罰球。

觀眾席:「晨!加油呀!」




咦把聲咁熟嘅,仔細一望,係Miss Cheung喎。好啦,呢球要轟到佢稀巴爛!





晨一拉弓!射出!唉呀,對方嘅門柱救咗佢地一命呀,球又落係晨個一邊嘅球員。球員阿星係右路出波到禁區頂。志偉黎個衝力射球。轟呀!goal!goal!goal!呢球有今生冇來世呀,比數改寫成3:2啦。




嗶嗶嗶!

xxxx書院成功衛冕冠軍,繼續享受學界嘅殊榮。恭喜,恭喜。直播已經完結啦,真係多謝一班咁熱血嘅青年為我地上演咗一場咁激烈嘅賽事。跟住最接近我地嘅係排球學界嘅賽事,有請觀眾............
#6 2017-08-06 00:16:49 縮小字型 放大字型

回到休息室

亨利:「喂,Miss Cheung黎咗喎。」

阿星:「佢黎睇阿晨㗎。」

我:「收皮啦你。」

志偉:「而家啲後生仔咁幸福嘅。」

我:「少雷啦,好冇?


完場後,各個在球場各散東西。

Miss Cheung黎到我面前

Miss Cheung :「晨,你好叻仔呀,Miss Cheung請你飲寶礦力呀。

我:「多謝Miss,係喎,你咁閒走黎睇比賽嘅?你下晝無堂上咩?

Miss Cheung :「又真係無喎,嘻嘻!」

我:「我完咗就走㗎囉喎,你黎都冇用啦。」

Miss Cheung :「見你贏咗比賽,Miss 請你食飯慶功呀。

我:「好,但你比我番屋企沖個涼換番件衫先。」

Miss Cheung :「咁一陣xxx地鐵站等。」

我:「好,一陣見,bye~」

Miss Cheung :「see you。」



番到屋咗個靚涼,諗緊換咩衫好。

Er….呢件?.....嗯.....呢件,呀.....呢件好呀。

媽:「仔呀你著到咁誇張諗住去邊?」

我:「下,好誇張呀?...er…換過件,換過件。」

媽:「係咪同女仔食飯呀?」

我:「算係啦,咁你都知。」

媽:「好難唔知喎,你揀西裝喎,呀媽幫你揀啦。


最後我白色恤衫,純深藍色牛仔褲就出咗門口。


去到地鐵站,Miss Cheung一件白色背心,一條熱褲咁。

我:「hello!」

Miss Cheung :「hi !」面帶笑容,仲笑得好甜好美

我:「Miss,我地去邊到食?」

Miss Cheung :「出到黎,唔好叫我Miss啦,叫我英文名Christine 啦。我地去食茶記!」

我:「哦....好呀!」
(仲以為食啲高級野tim,ff too much)



沿途我一直跟住Miss尾,仿似一隻兵仔一樣。唔係仿似tim,我好樂意成為一隻兵。佢啲頭髮真係好香,有啲似提子味。定另一隻味呢?我都唔知。女人有咁多古靈精怪嘅香水,撚知邊隻味咩。一路行,我一路索呀索,好似好變態咁,不過真係停止唔到去索喎,有冇巴打可以解釋下?索完仲要好亢奮好撚頂癮呀!跟住又要假裝正經同Miss 講野。真係中學生先會明我講緊咩。尤其係啲男校生。





Miss Cheung :「到啦!」

門上嘅大牌寫住「xxx茶餐廳」


伙記比咗個卡位比我地兩個

Miss遞咗個餐牌比我睇,問我食乜。

咦........點解茶餐廳有情侶餐嘅?再睇落去,有散叫,好在。唔好ff咁多啦,人地唔會同你食情侶餐㗎啦。

Miss Cheung :「睇好食咩未?」

我:「ok !」我遞番個餐牌比Miss

Miss Cheung :「我唔洗睇㗎啦,我成日黎㗎。靚姐唔該.......................靚姐今日有冇介紹?」

靚姐:「有,情侶餐啦就!」Miss碌大隻眼,發哂光咁。

我:「唔洗啦,我要個豆腐火...........」

Miss Cheung :「好呀,就咁話啦靚姐,麻煩哂。」

我:「喂,Miss我想食....」

Miss Cheung :「都話唔好叫我Miss 叫我Christine 。」

我:「呀Christine 呀,我想食豆腐火.......」

Miss Cheung :「所以話,你呢啲細佬真係唔掂,明明情侶餐平過散叫。」

我:「er…..咁好啦。」
(乜而家啲Miss咁慳嘅。)
#7 2017-08-06 00:16:59 縮小字型 放大字型

當我地享用緊情侶餐嘅時候,個靚姐攞住部相機走埋黎。


靚姐:「黎黎黎, 靚仔靚女望望鏡頭,1,2,3。(咔嚓)一張就比我地鋪頭留念嘅,呢兩張就比你地嘅」
原來係啲即影即有相機,乜茶餐廳有啲咁樣嘅野嘅咩?

食完之後,望一望店內嘅裝潢,原來呢到冇單一個嘅坐位,全部都係雙人。原來係一間情侶茶餐廳,我屌你老味。我嘅第一次情侶餐就被Miss Cheung中出咗。


Miss Cheung攞住啱啱影嘅照片。

Miss Cheung :「嘩,你睇下你!哈哈,仲咬緊意粉呀。」

我:「佢突然過黎咔嚓,預唔到喎。」

Miss Cheung :「白痴仔!」

我:「係喎,你話你成日黎,但呢到情侶餐廳黎㗎喎,你點成日黎?」

Miss Cheung :「 我.....同爸爸。」

我:「你講大話!」

Miss Cheung :「冇呀....」

我伸手去到Miss Cheung 嘅腰部「gi」佢

我:「仲話冇!「ji」到你講為止!

Miss cheung :「哈哈哈,唔好呀,哈哈哈哈,講,哈哈,講啦,哈哈哈,放,哈哈,過,哈哈哈我呀!」



卿卿我我之後,行到黎一個公園到。
我地坐低咗。

我:「講!」

Miss Cheung :「之前成日同男朋友去囉.....」

我:「咁而家呢?」

Miss Cheung :「分咗手。」

Miss Cheung 眼睛開始泛起淚光。

我:「sorry…..」

Miss Cheung :「無野....我ok…...」

Miss Cheung:「呢個公園就係我之前同男朋友成日黎嘅地方,亦都係分手嘅地方.....」
(唔想知呀~)

我:「夠啦,唔好再講,我地起身走啦。」

Miss Cheung :「唔好走,陪多我一陣。」
講完之後Miss 成個挨埋黎,雙手攬住我隻右手,再次請我食波餅。由於小背心嘅關係,成條事業線見到哂。再加上佢啲頭髮貼住我塊面,好撚香!好!撚!頂癮!呀!巨龍哥都不禁微微升起。生理反應!生理反應!Miss 見唔到,你唔會見唔到,你一定見唔到~

由於Miss挨住我膊頭,佢嘅視線始終最後都係會見到。

我嘅靈魂就好似抽空咗咁,個天使不停掌摑我嘅臉,並說下流!卑鄙!賤格!

Miss Cheung:「喂,你條褲有野升緊上黎bo」

我:「Sorry ,生理反應。sorry。」

Miss Cheung :「你地個個男人都係咁嘅......嗚......嗚......嗚.......嗚
(咁你就咪撚挨落黎啦仆街,又要挨又要屌)

我:「sorry,sorry.」

Miss Cheung :「淨係識得講Sorry….嗚.....嗚........嗚.........」
(咁我唔講野囉,唔講sorry我都唔知講咩好啦,各位巴打評下理,除咗講sorry仲可以講咩?Sorry都唔比講,女人真係煩)

最後我左手攞咗張紙巾比佢。

Miss Cheung :「thank you......」

Miss Cheung :「我可唔可以攬住你呀晨?」

我:「下,你講咩話?你喊到講野講到嗚嗚嗚,我都唔知你講咩。」

講完之後,Miss鬆開我隻右手,大膽地坐上我大脾,跟住嘴埋黎。無得避,避無可避。你可能會話我,扮咩呀,唔想避就唔想避啦。我想講嘅係我個心係卓瑩嘅!

Miss Cheung成個胸壓咗埋黎,嘴內嘅舌頭開始係我嘴裏游走。唔得啦,扯到行一行,條牛仔褲頂住,頂到有啲痛。(劇情發展得太快啦!點解會咁㗎!)

我:「Miss………...Miss(我推開咗佢)吓.....吓....吓...(唞緊大氣)Miss我唔可以,唔可以咁做。」

Miss Cheung好似乜都聽唔到,繼續嘴埋黎。1秒,2秒,3秒,我又推開咗佢,佢又開始流馬尿了。我今次唔理佢就直接頭也不回走了。一路行我一路覺得佢當咗我係佢前男朋友,我接受唔到,越諗越嬲,就搭咗地鐵番屋企。

番到屋企,我又諗,掉低人地一個女仔係公園好似唔係幾好喎。唉!屌!唔諗啦 ,沖咗個涼,閂埋房門,就蓋被子就大睡了。

究竟我同Miss又係啲咩關係呢?


________________________________________
#8 2017-08-06 00:22:47 縮小字型 放大字型

第四章 「平安夜約咗Miss Cheung?」


學界過咗,期中試就考完,英文由27分升到98分,總分為200分,都總算有進步嘅。真係要多謝Miss Cheung。不過自從上次之後,我都唔知搵唔搵佢好。期中試就考完,當然就緊係放假過聖誕啦。講起聖誕,今年唔通又lonely lonely Christmas,Merry Merry Christmas?係時候要搵條女過聖誕,掉低啲兄弟先。好似好仆街咁,但其實我係為自己終身幸福而戰。

放假前,當然就緊係番學校對卷同聖誕聯歡會之後先放假啦。

就係對卷日,我決定........


我拍一拍前面嘅卓瑩

我:「卓瑩呀.....er….聖誕節得唔得閒呀?」

隔離個海倫搶先講

海倫:「想約人呀,排到下年啦你!」

我:「哈......哈......哈....」
(你可否收收皮先呀呀海倫姐,關你撚事咩

卓瑩:「我實有一日得閒嘅,不過平安夜一定唔得閒。」

海倫:「都話你排排隊先㗎啦。」

我:「哈....哈......哈...咁約你得閒個日啦...」
(我死都要約呀,你吹啤啤呀。

卓瑩:「咁電話聯絡啦。」

海倫:「超!」

阿星:「喂,你有人約,我約邊個呀?唉....好兄弟喎.....

我:「人地都話平安夜唔得閒,咁我約你平安夜咪得囉白痴,硬係要搵啲位入我嘅。」

阿星:「哈哈!講下姐,唔好嬲,唔好嬲呀晨哥。」






番到屋企

我:「媽,我英文奇蹟地pass咗啦。」

媽:「嘩!好大進步喎,叻仔呀,底你個時咁努力同Miss咩 補課。」

我:「人地叫Miss Cheung呀。」

媽:「咁就趁住聖誕節,請人地食餐飯啦,最多呀媽比錢你囉。」

我:「哈,唔會啦...你比錢獎勵下我就得㗎啦。」

媽:「哦......講咁耐原來想要錢。咁........你請Miss食飯,我比。請到Miss食飯再獎多你500。」

我:「即係要錢就一定要同Miss食啦。」

媽:「你好等錢洗咩?」

我:「我想買新鞋呀呀呀呀。」
(中學生唔知點解特別鍾意買鞋)

媽:「同Miss食咪比你囉。」

我:「點解一定要同Miss食先?」

媽:「咁人地花咁多心機時間教你,將你由谷底救番上黎喎,緊係要多謝人啦。」

我:「咁我諗下啦下。」

媽:「嗯。」



對卷嘅兩日後就係聖誕聯歡會


班主任話每人要搵樣野表演喎,咁呢我就約好全班嘅男生係黑板前唱Lonely Christmas ,當然有啲唔肯陪我癲啦,話有女喎。

聖誕聯歡會當日

有人表演唱歌,有人表演跳舞,有人表演魔術。
最搞笑就係有人表演唱校歌,同埋有人表演帶祈禱喎。真係好撚on9囉。

好啦到我地啦!
#9 2017-08-06 00:33:51 縮小字型 放大字型

我地好自然咁行去海旁。
(其實海旁真係好閃,個個都拖住行,單身嘅你都係番屋企拖住自己左手打丁吧啦)

Miss Cheung:「我今日好開心呀,呀晨你呢?

我:「啲燈飾好靚啊呵.......」

Miss Cheung:「上次Sorry,我管理唔到自己個情緒。對唔住呀晨。

我:「唉,你都講咗好多次對唔住啦,我無理由唔原諒你啦。」
(到頭來,男人總是心太軟,或許,或許有時候真係心太軟。我都唔知道,我淨係知我原諒咗佢。)

Miss Cheung:「我可唔可以拖住你隻手呀。」

我:「又.....又..黎?

Miss Cheung :「我呀媽要我嫁人呀,2年後我就會離開香港........我怕我以後都拖唔到....你...隻手。」
(睇黎都係嫁啲有錢佬啦.......)

我:「我唔想知.....」

Miss Cheung :「淨係一次咁多呀...」

我:「我怕你拖咗,你唔捨得放手。」

Miss Cheung :「超!講到自己好有魅力咁。」

我:「咁你講,除咗你當咗我係你ex,我仲有咩魅力?」

Miss Cheung:「你認真嘅時候好型!

我:「個個男人認真嘅時候都好型㗎啦,呢層唔洗你講。有冇第二樣呀?」

Miss Cheung :「我鍾意你夠直接....所以我都想直接啲.....」

Miss講完之後,行到我前面,再一次錫我,今次冇再伸條利出黎,純粹蜻蜓點水咁。今次我Feel到嘅係愛,而唔係其他不知明嘅感覺,我相信我嘅直覺,這叫愛。係愛呀!

錫錫原來係可以感受到對方嘅訊息......

錫咗10秒左右,我冇推開佢,佢自己慢慢離開我嘅嘴脣。深情咁望住我。

Miss Cheung:「立晨,雖然我唔知點解我鍾意咗你,但我此刻只想擁有你。」

我:「你TVB編劇組過黎㗎~」

Miss Cheung:「嘻,你真係好搞笑,我就係鍾意咁直接嘅你!」

我都唔知自己同Miss嘅關係係點,連我自己係咪鍾意佢我都唔知,感覺好複雜。或許愛情從來都係一件咁複雜嘅事,只有內心嘅深處先會知,但係點搵到自己內心嘅深處呢?我不得曉之。

Miss Cheung:「係喎,咁我約定你1月再次補課,補到你坐3望4!」

我:「即係約我咁話啦喎。」


感覺同Miss之前嘅尷尬感已經消失得無影無蹤。定係一般男生都好難抵擋到少女嘅誘惑呢?


最後,佢拖住我隻手行到去地鐵站說再見。望見佢嘅背影係一個樂天嘅少女,但同時係收埋咗好多心事嘅一位少女。



________________________________________
#10 2017-08-06 00:36:52 縮小字型 放大字型

第6章 「喜歡你?」


下學期正式開始啦,代表補課亦都開始了。

某一天上堂嘅時候,阿星問我。

阿星:「喂,你聖誕節約咗邊個姐?

我:「唔話你知喎。

阿星:「屌....兄弟喎...得啦...唔好講囉......手作個雪糕妹有幾正我都唔會同你講......」

我:「唉,今日放學去囉,橫掂放學唔洗補課。」

阿星:「屌你啦10月同我講,而家1月先黎食。你食屎啦。」

我:「咪咁啦,之前日日補課呀嘛。

阿星:「你有你嘅Misssss Cheung就得㗎啦,唔洗我啦。」

我:「係嘅星哥,最多一陣放學請你請個大球。

阿星:「殺你!


放咗學之後,我地去咗隔離街間手作雪糕店。
屌你,伏撚咗,普通貨色,仆街星。我細細聲咁同阿星講。

我:「你幾時被車車死呀?

阿星:「哈,又係你話唔睇得都食得嘅。

我:「咁你食屎啦。

最後我地一人一個大球係學校附近徘徊。


食食下

阿星:「咦!你睇下,係Miss Cheung喎。

我:「係咩?睇過~

阿星:「嘩,有佬接佢喎,Ben跑黎喎。」

我:「........」

阿星:「你仲唔去追?」

我:「追鬼咩,你估拍TVB咩,追到咁上下就停咩,你都識講人地啦,Ben跑喎。

阿星:「哈,唔知你啦。」


一日之後,又要補課啦。

我:「今日要教啲咩呢?Miss Cheung?」

Miss Cheung :「打開grammar book第64頁,拿呢到呢........................」

我就好乖咁做緊練習,而Miss都好乖咁改緊我地啲功課。

咁我一路低頭做緊習,一路問Miss。

我:「Miss Cheung 呀........你......結婚啦?」

Miss Cheung :「哈,做咩咁問...你唔係唔想知咩?」

我:「冇....問下姐....」

Miss Cheung:「即係想知啦,個次咪話咗囉,到你畢咗業,我就已經唔係香港啦。呀媽要我嫁個有錢人。」

我:「乜自己真係冇得揀咩?而家特首冇得揀姐,連結婚對象都冇得揀?。」

Miss Cheung:「有得揀......我揀咗你啦。」

我:「同我表白咁話啦喎。」

Miss Cheung:「你當係啦.......」

我:「其實點解你會鍾意我㗎姐?

Miss Cheung:「你又問啦,我自己都唔知呀......個感情話黎就黎啦。愛係無原因㗎。嘿嘿。

我 :「但係我唔知我愛唔愛你.........」

Miss Cheung:「當你失去咗,你就會知道你愛嘅係咪個個人。所以你以家要好好珍惜.......我!

我 :「係咩?」

我又再次「ji」Miss ,又抽下水咁。又完咗一次嘅「約會」啦。


當失去咗先知道原來愛嘅係個個人?拍劇咩屌你。
媽,好亂呀我。



________________________________________
#11 2017-08-07 00:45:34 縮小字型 放大字型

第7章 「米奇與米妮」

話咁快黎到4月份,一個學期嘅尾聲,Miss Cheung話補咗咁耐課,係時候要鬆一鬆。就咁,我地就決定放復活節假黎到迪迪尼玩啦。


我:「嘩,好耐未黎過啦。

Miss Cheung :「我要去幻想世界!

我:「已解鎖成就.....變回小孩....

Miss Cheung:「咁先可愛呀!快啲啦,好多人呀呢度!」


黎到「灰姑娘旋轉木馬」

Miss同我就搵咗一人一隻馬騎。

Miss Cheung就遞咗佢部i窿比我

Miss Cheung:「晨,幫我影相我呀。

我:「3,2,1,笑!」

我遞番部i窿比Miss

Miss Cheung :「洗唔洗我幫你影番張?」

我:「唔洗啦.....」

Miss Cheung :「咁....就一齊影啦!

就咁,Miss就騎咗上我隻馬到,坐咗係我後面,左手攬住我條腰,右手自拍。

跟住我地就去咗玩「瘋帽子旋轉杯」

Miss Cheung :「 喂呀!唔好轉咁快呀!

我:「唔轉快啲點好挽㗎。
(仲唔轉到你仆街,嘻嘻)

出番黎之後,Miss Cheung就徹底被旋轉杯中出咗啦。

我:「Miss Cheung你冇野呀嘛?」

Miss Cheung :「仲唔過黎扶我....


跟住我地係附近一啲嘅精品店,買咗一個米奇和一個米妮耳仔嘅頭飾,但係戴米妮個個係我.........佢話咁樣好可愛喎...........


4月份熱屎辣辣,玩咗陣「幻想世界」已經出水。就過咗隔離嘅「探險世界」降下溫。

行行下「探險世界」發現有好幾個圖騰噴水,正正可以降下溫。

我:「Miss Cheung 你洗唔洗入去降下溫?」

Miss Cheung:「想睇我濕身呀!咸濕仔!

接下來,我地就玩會濕身嘅「森林河流之旅」。
每次玩呢個都好驚,因為我成日覺得啲人會射9我。但而家我係有啲期待,因為Miss Cheung好快就會被顏射。

不出我所料佢的確被人射中咗。

Miss Cheung :「咦,濕哂啦.....」

我:「白T又熱褲,又誘惑我咁話啦喎。

下圖為Miss Cheung 當日衣著(濕咗嘅衫請自行想像)





Miss Cheung:「嘻,就憑你呢一句,我去精品店買番件米妮衫先。」

我真係好佩服Miss,佢真係同我即刻往美國小鎮大街進發。不理途人嘅異目,一支箭咁衝入去精品店。

Miss Cheung:「晨,呢件靚唔靚呀。」


以下為當天Miss Cheung揀中嘅衣服圖:









我:「你唔係真係諗住買呀.....

Miss Cheung:「攞得上手就買㗎啦。

以下落黎嘅時間我地都係著住上面個件衫黎反轉成個樂園。
#12 2017-08-13 11:41:00 縮小字型 放大字型

飯後



我:「不如去海旁行下囉.....」

Miss Cheung:「好呀。」


我地搵咗附近嘅凳坐底



我:「Christine …….點解....你呢幾個月好似對我冷淡咗

Miss Cheung:「哈哈...咁尷尬你都講得出嘅。」

我:「我係咪太直接.......哈..哈..」

Miss Cheung:「嗯......咁係因為.........

Miss Cheung雙眼開始充滿淚光。

我:「喂......唔好喊啦.....
(屌你,又喊,一陣比人以為我蝦女人比人擺上連登呀)

Miss Cheung:「今日唔講....聽日..第日我都要講........我....好....好...x..x.....你...」

我:「下............你再講多次...












Miss Cheung:「我好討厭你....

我:「...係咪我做錯啲咩?我道歉呀.....

Miss Cheung:「你冇做錯,錯個個係我。

我:「...............」

Miss Cheung:「我真係好討厭你,你放過我啦........」

「叮叮叮叮」

Miss Cheung:「喂....係........好....」
Miss Cheung:「我未來老公黎接我啦.....唔講啦.....有緣..再見啦..」

Miss Cheung準備起身就走。
係呢一刻我淨係知道我要做嘅係......













我給Miss Cheung一個法式接吻。

Miss Cheung用手想推開我,佢越推我,我攬得越實。她一路流下眼淚,一路接受我嘅接吻。

我:「我知道你啱啱所講嘅都係厄我嘅,你心入面諗咩.........我諗...我好清楚..」

講完呢一句話,我冇再留Miss Cheung,Miss Cheung亦都含淚乘上Ben跑離開。





或許真的是失去了,才知道.......最愛的是............




________________________________________
#13 2017-08-15 01:17:51 縮小字型 放大字型

仆街,第7章原來漏咗段




以下落黎嘅時間我地都係著住上面個件衫黎反轉成個樂園。





到咗晚上


「Ba」「bala」 「Ba」 ………

煙花......

Miss Cheung死都要留到最後睇埋個煙花先肯走。

Miss Cheung:「好靚呀!

我:「係..係喎....」
(無乜咁特別姐,咪又係煙花)

Miss Cheung :「 答得好hea囉......

我:「.......」

Miss Cheung:「晨,望過黎呀。

「Ba」「bala」 「Ba」 ………

Miss Cheung給我一個深情嘅一吻。Miss Cheung嘅口水在我口裏隨意地流動,舌頭正攻佔我口內嘅每一處神經。
法式嘅一吻........在煙花下特別有.......感覺。


Miss Cheung:「不如.......我地今晚住呢度嘅酒店....好唔好呀?

我:「唔好呱.....
(玩咗成日好撚攰呀)

Miss Cheung:「難得一日出到黎迪迪尼玩,就留係度一晚啦。同埋我都未住過呢間酒店.....

我:「雖然我都未住過....但都係返屋企好啲。」

Miss Cheung:「咁就得啦!出發。

Miss Cheung就拉住我嘅手行過去酒店個邊。


去到酒店。

Miss Cheung:「唔該,要一間雙人床嘅房呀。」

我:「唔洗聽佢講,兩間房單人床就得。」

服務生:「唔好意思呀先生,呢度啲房都Full哂,只係剩番一間雙人床嘅房。」

Miss Cheung:「ok呀,就要個間啦!」

我:「........」
(又會咁啱Full哂嘅屌...)

服務生:「係....咁等我安排一下,請等等,麻煩你.............」




上到房


Miss Cheung :「哇,呢度啲風景好靚呀!」

我:「係幾靚Bo。」
(緊係啦,又山又海,實靚㗎)
#14 2017-08-15 01:25:25 縮小字型 放大字型

完咗第一季啦 (立晨角度,條仆街成日ff同Miss發生關係,搞到發夢都見到Miss,因為夢嘅關係,所以會短啲)


第二季(諗住嘗試以Miss Cheung角度去寫)不過,呢個要睇反應啦。唔知會唔會仲有人睇