LiHKG Tools
歡迎 訪客, 登入
首頁 ›› 自從住咗hall先知,扑野原來可以咁簡單 (尾已爛)
作者: 乳陰服務熱線 2017-07-02 03:05:10
LIHKG Link
最後更新: 2017-07-23 04:52:16 最後擷取: 2017-12-14 21:01:21
#1 2017-07-02 03:05:10 縮小字型 放大字型

《序—寂寞惹的禍》

大家好,我叫Kelly,今年year1。

話就話係year1,但我唔係真既freshman,因為我之前係另一間u讀過2年。
我係tran u黎到呢間學校。

呢到對我黎講係一個全新既地方。

我咩人都唔識,又無報任何ocamp,可以話係零社交。

因為同科既同學都比較乖,感覺上同佢地都係兩個世界既人,我無刻意同佢地打交道。

係呢個咁陌生既環境下,我無u life可言。
我每日只係過住上堂落堂既生活,今個sem仲要只係讀五科,其實我得閒到不得了。

「你轉咗過黎?」

開學無耐,我收到Nic既whatsapp。
佢係一個追過我既男仔,我地好似有成三年無聯絡過。

「係呀。」
「咁得閒一齊食個飯喇。」
「無問題。」

就係咁,係我無乜朋友既情況下,我地好快出咗黎食飯,食既係學校既canteen。
#2 2017-07-02 03:06:58 縮小字型 放大字型

「點解你會轉過黎既?」Nic食住個燒肉飯咁問我。

「無呀,之前個間u麻麻地,見gpa唔錯咪試下申請其他u囉,點知呢到又收我,梗係即走喇!」我笑住答佢。

「啱喇,呢到幾好玩架,想要u life既話實滿足到你。」佢係到讀咗3年,對呢間學校既文化一定好熟悉。

「哈哈,無用喇,我無報咩ocamp,咩人都唔識,而家悶到死,唔係你搵我食飯我落堂都係返屋企架咋。」

「得閒上黎我hall一齊打下邊爐撚下雀囉,我可以介紹啲朋友比你識既。」我知Nic有上莊,我諗佢係hall既生活一定係多姿多彩,可惜我無住hall。

「唔喇,都唔識你啲friend,好怪喎。」我比較怕生,唔想刻意去同啲陌生人打交道。

「玩下就識架啦。」之後佢就開始講下係hall既生活、呢幾年過成點比我聽。

呢日之後,我係呢間學校多咗個朋友,就係佢。
好多時佢會主動問我一唔一齊食飯,其實我唔同佢食都係自己食,不如有個人陪我講下野好過。所以我地成日一齊食飯。

「下星期我開始返工啦。」今個sem上堂既時間多數都係朝早或者中午,於是我搵咗份part-time做,消磨到時間之餘又可以搵下錢。

「返工?咩返呀。」Nic咬住個腿蛋治問我。

「賣糖呀,貪佢近學校又夠hea,啱我。」我答。

「幾好呀,得閒去你到搵你夾下糖食先,哈哈。」

「黎囉。不過最衰係逢星期四我11點就落堂,但星期四佢要我返夜,中間個啲時間都唔知點過好。」因為我屋企同學校都有啲距離,我又唔係好想返屋企再出黎返工,一來一回好浪費時間。

「咁慘,住hall咪好囉,咁你有得返去訓下覺嘛。」

「頂,唔好講喇,好後悔無報hall。」

「你頭先話你逢星期四要返夜呀?」佢再問我。
「係呀。」

「得啦,我逢星期四day off,你上黎我hall到hea囉,比埋張床你訓又點話,我最多係隔離打機架姐。」佢好認真咁講。

「下,會唔會唔係幾好呀,你roommate呢?」雖然我心入面係幾想有個地方比我hea完再返工,不過我始終覺得女仔人家上男仔房唔係幾好。

「屌Kenny早出晚歸架,成日唔係到,不過就算佢係到都無乜所謂啦,佢好nice架,見到既介紹埋比你識。」

「咁到時睇下點先啦。」
#3 2017-07-02 03:08:57 縮小字型 放大字型

隔咗一星期後,就係星期四嗰日,我真係上咗Nic到。

11點令鐘,佢落黎同我食早餐,之後我地去咗一轉惠康,陪佢買咗啲日用品我地就返hall。

「我一訓醒Kenny已經唔係到,我諗佢出咗去架喇。你一陣放心訓啦,我打機。」佢抽住啲洗衣粉同廁紙,額頭已經滲咗好多汗出黎。

「好呀。喂洗唔洗幫你攞一袋呀,你出哂汗喎。」我想伸手幫佢拎佢手上面個抽廁紙。

「屌你啦,出汗小事啦,唔好當我流既先得架。」佢側一側身唔比我拎,之後就繼續行。

結果上到去一開門,入面有三個人六對眼一齊望咗過黎。

「Kenny?喂你地神早流流做咩係我房呀!」Nic好驚訝咁叫咗下,望住入面班男仔講。

「屌你,我今日cancel咗個lab呀,我咪叫埋佢地黎打機囉。」我諗講野果個就係Kenny,Nic既roommate。

「Nic哥,本身想叫埋你架,但我地食完野返黎就唔見咗你,以為你去上堂咋。原來約咗女。」呢個時候打機男A望一望我,之後陰陰嘴笑咗下。

「係囉係囉,喂hello呀,我叫Jeffery呀!」打機男B講完之後笑住向我揮一揮手,我企係Nic後面都唔知比咩反應好。

「…..hello呀。」我唯有應返佢。

「Kenny,去我地房打喇,唔好阻住人喇。」打機男A用手肘撞一撞Kenny,之後向佢地打眼色。

「屌你地咪亂講野啦,佢係我中學同學Kelly呀,佢天地堂先上黎hea下咋。你地唔好嚇親人啦,佢啱啱升上黎呢到架咋。」Nic一輪嘴咁講,但我見三個男仔仲係個副笑得好衰格既樣望住佢。

「又中同又天地堂又啱啱升上黎,好多野喎。唔洗解釋啦,我地識做既!」Kenny走過黎門口拍一拍Nic,又擰轉頭同打機男A、Jeffery點點頭,之後佢地都一齊行咗過黎。

「玩得開心啲!」佢地三個異口同聲咁望住Nic講,之後就一齊係到鳩笑。

「玩你老母呀,再講打鳩你地呀拿。」Nic個樣好尷尬,其實我同佢一樣。
#4 2017-07-02 03:10:46 縮小字型 放大字型

佢地真係走哂,間房得返我同Nic,同埋佢地留低既一份尷尬。

「sorry呀,我唔知佢地會係到架。男仔講野把口係仆街啲,你唔好介意呀。」佢極唔好意思咁講。

「都唔關你事既,不過頭先真係好尷尬呀,屌。」我好真心咁答佢。

「屌我都覺,我會叫佢地唔好亂講野架啦。」

「你叫佢地唔好誤會呀,搞到我好似同你返黎唔知做乜咁。」我都唔想咁講,但係好明顯佢地以為我地係準備扑野。

「得架啦,今晚我打鳩佢地就無野架啦,你放心係到啦。」

嗰日我真係喺Nic房訓咗個晏覺,訓醒見到佢好專心咁打緊機。

自此之後,逢星期四我就會上Nic到「借宿一宵」,時間係日頭咁解。

因為我好懶訓,每次上到去都會訓到仆街。

而Nic每次都會打機,直到我訓醒為止。

我地既關係都因為咁而變得愈來愈熟。
#5 2017-07-02 03:12:09 縮小字型 放大字型

「喂,我訓唔著呀。」呢日,我諗係前一晚太早訓,我係Nic張床到碌咗一陣都完全無睡意,仲好精神。

「嘩你個懶訓精都會話訓唔著?少見喎。」Nic既視線無離開過部電腦,因為佢打緊LOL。

「訓夠啦琴晚。屌你不如唔好打機啦。」我索性坐直個人,之後望實佢。

「好好好,你比我完埋呢場先,屌你老母死台狗識唔識打機架!」

過咗一陣,佢就熄咗部電腦,之後成個人轉咗過黎床呢邊既方向。

「呀姐,你想點呀。」佢笑笑口咁講。

「無呀,我訓唔著都唔知有咩做。唔想望住你打機呀,我又唔識打。」我答。

「咁呀,開套戲黎睇下囉,反正好耐無睇戲。」佢講完就開咗部Macbook搵戲。

「睇阿飛正傳好無呀?經典野黎,幾正架。」佢開咗條link出黎,之後問我。

「係咪王家衛架?無所謂呀,睇囉,反正我未睇過。」

就係咁,我地就一齊睇咗第一套戲。

一開始,我同Nic都係坐係床到,挨住幅牆咁睇;部Macbook就浪住係佢大脾上面。

之後佢話咁樣坐唔係咁舒服,我地就變咗墊高個枕頭,半挨半訓咁挨係床到。

雖然我地兩個無刻意挨住大家,不過因為hall個張係單人床,空間真係唔係話多,所以我地都貼得好近。

我感覺到自己個心跳得有啲快。

我同自己講:幻覺黎架姐,嚇我唔到既。
#6 2017-07-02 03:14:25 縮小字型 放大字型

記得有幕張國榮同張曼玉講咗句好經典既對白:「十六號,四月十六號。一九六零年四月十六號下午三點之前的一分鐘你和我在一起,因為你我會記住這一分鐘。從現在開始我們就是一分鐘的朋友,這是事實,你改變不了,因為已經過去了。」

「屌,呢啲咁撚矯情既對白,有人現實中咁同你講野,你好快撚啲跑走添啦,佢痴線架。」Nic一路笑一路講。

「戅鳩,破壞哂啲氣氛。」雖然老實講我都覺得佢講得幾啱。

個日既晏就係一個歡愉既氣氛下渡過咗。

因為Nic份人本身講野好無厘頭,所以同佢相處都幾開心。

而我係學校既空餘時間幾乎奉獻哂比佢,我開始覺得自己幾依賴佢。

我地除咗逢星期四會見之外,其他日子只要夾到時間,都會一齊食飯。

我開始期待每個星期四既來臨,因為我唔再係喺佢到訓覺,而係睇戲。

兩個人一齊睇戲。

「今日想睇咩呀小姐。」佢訓係床到問我,我就挨咗係佢隔離個枕頭到。

「不如睇One Day呀,我好鍾意呢套戲,想睇多次。」

「好呀。」

我地唔知幾時開始,睇戲會熄哂成間房既燈,直頭連窗簾都閂埋,係伸手不見五指既程度。

剩餘既燈光就係黎自電腦,就好似真係置身戲院入面咁。
#7 2017-07-02 03:15:28 縮小字型 放大字型

「好舒服呀,如果日日都可以樣過就好,好悠閒好正。」我同佢講。

「我都覺得好正,開大冷氣睇戲,仲可以訓係到unun腳,正過比錢出去睇多多聲。」佢真係un住腳咁講。

「係囉可,仲有條女訓你隔離同你睇戲,益咗你啦!」

「係既,不過如果換個靚啲既女比我會再開心啲囉,哈哈!」

「仆街喇你。」

呢種相處模式對我黎講好似拍緊拖,可能因為我同前男友都係咁樣相處。

所以我覺得我同Nic就好似拍緊拖咁。

特別係兩個人一齊訓係床睇套戲、簡簡單單咁過一個晏就,比我個感覺係:我同Nic真係拍緊拖。

我唔知呢啲係感覺定係錯覺。

但係我知自己好投入同享受呢種feel。
#8 2017-07-02 03:17:18 縮小字型 放大字型

「唉,其實個女主角仲好鍾意男主角呀,點解唔一早講出黎。」我望住女主角係電話亭講I miss you,但電話另一邊既男主角已經收咗線。

「講咗出黎邊有戲做呀,係咁架喇。」佢無理好氣咁應我。

「丫,你份人浪漫少少得唔得架姐,下下要窒我架咋。」我打咗佢一下,之後繼續望住個Mon。

「我係鍾意窒你呀,唔得咩。」佢好用力咁摵咗我塊面一下。

「屌你痛架。」

「你都戅鳩,唔痛摵黎做咩。」

我無應佢。

「你唔係嬲呀嘛?小器鬼。」佢一野箍住我條頸,將我成個頭擰向佢個邊。

「無呀。」

「你仲話無,成個樣嬲爆爆咁。」佢又走黎摵我,不過今次好輕力。

「屌你食屎啦成日恰我。」我擰轉個頭唔比佢再整我塊面。

佢突然將我成個人壓落床,反轉個人訓係我上面。

「我係鍾意恰你,唔得咩。」之後佢就錫我。

我個心跳得好快好快,完全抵受唔住呢種誘惑,特別係呢個環境之下。

我好熱情咁回應返佢,我地濕吻咗好耐。
佢既唇好軟,我覺得好正,因為我好耐未試過咁有feel咁同人打茄輪。
之後佢由頸開始錫,一直向下錫到落我個肚到,之後佢想除咗我條底褲。

「唔好呀。」我一路輕喘一路推開佢隻手。

佢無應我,只係輕輕咁除咗我條底褲,然後輕輕係我既下面吸吮。

「呀…丫….好舒服呀….」我不自覺咁叫咗出黎。

佢之後用脷奶我,我爽到成個人震咗下。
痴線,技術真係好好。

之後佢又爬返上黎錫我。

有少少咸味,我知係我啲液體,不過我都覺得有啲核突。

所以我轉咗去幫佢。
因為我唔係好識用口,我只係用手上下套弄下佢。

佢聲音導航咗我一陣,就將我成個人擰轉身,屎忽對住佢。

佢好快就入咗黎,用一個幾有節奏既速度出出入入。
成間房好靜,所以「啪啪」既聲音特別響亮。

我後來先知hall既隔音唔係幾好,唔知嗰時會唔會有人聽到我地大戰緊呢。
#9 2017-07-02 03:18:24 縮小字型 放大字型

之後佢射咗係我patpat上面,我地兩個好似軟皮蛇咁攤咗係到。

我個心有種難以形容既感覺,可能因為我第一次同唔係男朋友既男仔扑野,仲要係hall。

感覺好奇怪。

「落去食啲野囉,肚餓呀。」佢執返散落一地既衫褲比我,佢都著返自己啲衫。

「好呀。」我唔敢問佢我地咁樣算係咩關係,因為佢就好似若無其事咁。

我地落到去食完野之後我就返工,佢就返hall。

我地無再提起呢次既事。

我係唔敢提;而佢,我唔知佢係唔想提,定覺得根本無必要提。

呢次之後我上親佢到,佢都會攬住我訓,又會錫下我咁,我地好似情侶咁。

留意返,只係「似」,唔係真係情侶。

我知道我地有咗身體上面既突破,但係關係上毫無突破。

因為佢無開口叫我做佢女朋友。

我地之間就好似無發生過呢件事一樣。
#10 2017-07-02 03:22:01 縮小字型 放大字型

「你係咪傻架,你咁樣咪益咗佢,條友擺明鳩痕搵你打友誼波啦!」我同我中學同學呀宜講,因為佢啱啱調黎呢個hall,所以都知Nic係邊個。

「我唔知呀,個一刻好難忍得住架嘛。」我答佢。

「如果你對佢無咩既,你咪當玩下算囉;如果你真係鍾意佢既,試下問下佢。」

「下,唔好啦,我怕柒呀。」

「柒咪柒囉,柒一次可能換到個男朋友返黎呢,你諗你喇。」

同樣既星期四,我照上咗Nic到。
佢又好似平時咁攬住我,然後問我想睇咩戲。

「其實呢,我有啲野想問你。」我唔敢望佢,只係望住個床尾。

「咩事呀。」佢好似估到我想講咩,把聲有啲唔自然。

「其實我地係咩關係?」我而家知道我問咗世界上最戅鳩既問題。

「下,咪friend囉。」佢坐返直個人,之後低頭㩒電話。

「你成日同女仔做呢啲野架?」我繼續追問。

「唔係呀,好耐無啦,不過我都唔想拍拖,而家咁樣咪幾好。」佢無望過我,只係一直望住部電話。
#11 2017-07-02 03:24:02 縮小字型 放大字型

我唔知係咪住hall既文化改變咗佢,定係佢從來都係一個咁樣既人,只係我唔知道;不過係我眼中既佢同以前真係好唔同。

至少以前我感覺到佢有用過心追我,對我既好係發自內心。

而家既Nic好陌生,好似同我以前識既佢唔一樣。

我無苦苦糾纏落去,只係輕輕用其他野就帶過咗呢個咁白痴既話題上。

原來我太認真喇。好彩係我未踩得好深既時候,我抆返隻腳出黎,所以我好快就無事。

後來聽好多唔同既人講,住hall其實每日都發生緊呢啲事。

我本來都唔信宿舍係一個咁既地方,我以為係都市傳說,用黎呃鳩啲無住過hall既人。

但係呢,原來係真架,住hall真係好淫亂。

之後呢四年,我好似睇咗好多套唔同既電影咁,一幕幕唔同既故事係我四年既大學生活掠影飛舞。

以下只係將我曾經聽過既、遇過既荒唐化為文字,同你們分享我過去幾年既所見所聞,用短篇形式同大家講下故仔。

「屌,扑野咋嘛,有幾咁閒姐。」

Ok,願聞其詳。
#12 2017-07-02 03:30:01 縮小字型 放大字型

《一、打死不離襟兄弟》

Tiffany係個啱啱新入hall既女仔。

佢笑得好甜,有個好深既酒渦;配有一頭黑色既長直髮,身形嬌小,可以話係普遍男仔都會鍾意既類型。

「喂,個條女幾撚正喎,未見過既?」開學無耐係lobby見到Tiffany行過,個時Jeffery同我講。

「聽講佢係新搬黎,year1咋,住10樓架,好似叫Tiffany。」Kenny氣定神閒咁講,皆因佢係個收風王,好多野都係由佢把口到聽返黎。

「叫Tiffany呀,仲要係year1,正喎。我一定要識到佢。」Jeffery充滿信心咁講。佢其實係hall已經食唔少女,可能因為佢高大個樣又唔錯,最緊要係把口夠花,好多女仔都會落搭。

「咪搞人啦你條仆街仔,人地freshman黎架咋。」我答佢。

「咁又點呀,你係咪有興趣先,無就讓細佬行先啦。」

「我又唔係你,無興趣呀,我怕你玩到人地quit hall咋。」

「你理鳩得我啦,可能我遲下好鍾意佢呢。」佢好古惑咁笑咗下,我地就無再討論落去。
#13 2017-07-02 03:30:47 縮小字型 放大字型

唔係話道德撚要企係高地,不過我其實覺得Jeffery成日咁樣玩啲女仔唔係幾好。

不過做兄弟既就由得佢啦,無理由成個老母咁管佢咁多野,其實佢玩女關我撚事咩。

介紹返,佢同Kenny都係我係hall最好既兄弟。

我同Jeffery係roommate,而Kenny成日都會黎我地房打機。

因為佢roommate Nic成日都帶女返房,為保春袋Kenny都會避返三五七個鐘先。

呢樣野我地都見慣不怪,因為hall唔係得Nic係咁樣。

單單係我身邊既Jeffery都已經係另一個人版。

我已經唔記得Jeffery帶過幾多條女返房,反正就好多,仲要唔只得港女,韓妹、台妹,連鬼妹佢都食過。

「人一世物人世乜都要試下,你都應該explore下你啲口味。」佢有次食完個黑妹之後咁樣同我講過,個黑妹仲要係爆炸頭,真係痴撚線。

「我無你咁雜食呀屌,係呢,黑妹好唔好屌?」

「有啲鬆,可能啲黑鬼碌鳩太大,哈哈。」


所以我入hall咁耐都無見過Jeffery認真拍拖。

啲女仔對佢黎講只係用黎屌,唔係用黎愛。
我太了解佢份人喇。

所以我知道,萬一比佢識到Tiffany,佢既下場只會同其他女仔一樣:只供食用。
#14 2017-07-03 00:15:56 縮小字型 放大字型

幾日之後,我地8、9、10樓有個聯層樓飯,而Jeffery就好興奮。

「拿,仲唔比我有機會識到佢!我一定要抄到佢牌。」佢一路換衫一路同我講。

「屌,好心你啦咪成個狗公咁啦。」我忍唔住笑鳩佢。

「你識乜呀,好似你咁樣咪成世人食唔到女,成日戅鳩鳩自己一個係房打飛機囉。」

佢最鍾意拎我成日係房打飛機呢樣野黎攻擊我,因為我自從上年同Joey分咗手之後,都真係無乜異性埋身,連flirt既對象都無。

「收皮啦你,我唔似你飢不擇食咋。」

之後個餐飯,Jeffery又好好彩咁坐到係Tiffany隔離,而我同Kenny就坐咗係佢地附近。

雖然聽唔到佢地講咩,不過我見到Tiffany隔一陣就會大笑,似乎同Jeffery傾得興高采烈。

「喂,Jeffery好似得米啦喎,你望下個Tiffany笑得幾開心。」Kenny細細聲係我耳邊講。

「正常既,你知Jeffery個衰仔把口幾撚識氹女,浪過油咁;啲女最受佢呢套架啦。」我都細細聲咁答返佢。

「又有一個少女死係Jeffery既手下。」Kenny懶係傷感咁講。

「屌男人老狗咪扮感性啦,好撚嘔心呀。」我打鳩咗佢一下,之後我地兩條麻甩佬係到鳩笑。

果然,個晚返到房,Jeffery已經向我賽後報告。

「Tiffany都幾易溝,同佢講幾句讚下佢就好似濕撚哂咁,居然主動問我拎電話,話得閒同我食飯喎。我連點樣問佢拎電話個步都慳返,正。」佢好自豪咁同我講。

「嘩,又睇唔出條女咁主動,睇佢個樣好似好純咁。」我係真心咁樣諗。

「可能佢深藏不露,其實係個淫娃黎呢,哈哈!等我深入咁了解下佢先。」
#15 2017-07-03 00:17:47 縮小字型 放大字型

之後Tiffany就成為我間房既常客。

「喂,介紹你識呀,呢個係我roommate呀朗,我老死黎。」佢同Tiffany講。

「hello,我叫Tiffany呀。」佢對住我笑,然後點一點頭。佢笑起上黎眼都彎埋,係好典型既腰果笑眼,令人望到就覺得好開心。佢個樣真係好sweet。除咗咁樣我都唔知點形容好。

「hello。」我覺得自己有啲比佢電到,為咗唔好比人發現我成個痴漢咁,我同佢打完招呼就打開部電腦打LOL分散下注意力。

「咦,乜你有打LOL架?我都有玩架,不過好廢。」Tiffany對眼好似發光咁望住我部電腦,然後同我講。

「乜你有打機架咩?之前唔聽你講既?」Jeffery即刻問佢。

「係呀,我都唔知你有打。我又唔係勁,提黎做咩喎。」Tiffany有啲怕醜咁答。

「屌,唔撚驚!我同呀朗Kenny三個人carry你,無問題架!你一於黎同我地打,我地叫埋Nic,啱啱好五個人一隊,掂啦!你好快就可以屌打哂啲人架喇。」Jeffery拍哂心口咁講。

「係咪真架?好呀,我都想勁啲,我細佬成日都笑我唔識又學人玩,等我學識咗之後屠我細佬先!」Tiffany好興奮咁講,叫我地快啲約打機。

就係咁,我地幾條佬就晚晚打機,正確黎講係陪Jeffery 陪Tiffany打機。
#16 2017-07-03 00:19:44 縮小字型 放大字型

「拿,你試下中路強開佢,我地係附近睇住你,唔洗驚啲死台狗架!」Jeffery同Tiffany講。

「下,我唔知要點強開喎,我衝上去會唔會死架。」Tiffany好擔憂咁講。

「得架啦,我地會救你,你試下先啦。」我同佢講。

我地四個輪住咁樣教Tiffany,雖然多數都係Jeffery lead住佢,不過我地都有好多機會同Tiffany講野,就係因為教佢打機。

果次Jeffery要同人傾project出左去skype,得返我同Kenny、Nic同埋Tiffany係到,個時Kenny落咗去攞外賣。

我聽到Nic咁樣同Tiffany講:「有咩唔明你可以whatsapp我問我架喎。」

「你會唔會覺得我煩架,我好多野都唔明架喎。」Tiffany笑住咁講。

「點會煩呀,我好得閒架,你盡情地問啦。」Nic答佢。

如是者, Tiffany既whatsapp list上就多左Nic。

假如比Jeffery聽到,佢應該會嬲到仆街。

不過我都係扮唔知算數,反正Nic同Jeffery都係同一類人。

希望Tiffany自己醒目啲唔好咁易比佢地食到喇。
#17 2017-07-03 00:22:26 縮小字型 放大字型

五人團練呢個組合經常出現,慢慢仲開始一齊食飯。

我唔知Jeffery知唔知,不過我就知Nic都一定係溝緊Tiffany。

因為我試過係canteen撞到佢地,仲要唔只一次。

睇黎Jeffery今次有對手,因為Nic係個種好文質彬彬、青靚白淨既類型,同高大陽光既Jeffery完全係兩個好唔同既style。

當然佢地兩個既本質都係一樣:鍾意食女既仆街。
我係男人都係咁樣講架啦。

「呀朗!!!」難得day off,竟然有人會黎我,原來係Tiffany。

「喂,做咩呀。」我睡眼惺忪咁扒左個頭出房門問佢。

「唔好意思呀,係咪嘈住你訓覺呀。本身想黎搵Jeffery睇下佢食唔食lunch既,但佢好似唔係到?」佢望咗兩眼入黎。

「係呀,佢一早就出咗去喇。」

「咁你起身未呀,你去唔去食野?」佢問。

「哦,好呀,去食囉。」
#18 2017-07-03 00:25:49 縮小字型 放大字型

之後我地去咗canteen到食,我食雙餸飯,佢食沙律。

屌,啲女人真係特別鍾意食沙律。

「你神早流流食啲凍冰冰既野夠飽架啦?」我問。

「夠呀,我減肥嘛。」佢對腰果眼又出咗黎。

「痴線,你邊到肥呀。」女人真係3歲到80歲都話要減肥,我呀婆有時都話怕肥唔食呢樣個樣,而家連呀婆都要減肥呀,屌。

「肥架,你睇唔到咋遮住咗。」佢用手摵自己個肚,但係根本無咩肉。

傾傾下先知,原來佢同我一樣住荃灣⋯⋯

「咁啱既!我住楊屋道個邊架,你呢?」佢好興奮咁問我。

「我都係呀,哈哈,又會咁橋。」

「下次星期日如果你返屋企,我地可以一齊返hall喎!」

「好呀,你下次返去話我知囉。」

呢次之後,Tiffany開始會同下我whatsapp傾下計,講下自己做緊咩呀、上緊咩堂之類。我當然無同Jeffery講,廢時佢以為我想同佢爭飯食啦。
#19 2017-07-03 00:26:43 縮小字型 放大字型

「今晚我返屋企食飯呀。」Tiffany同我講。

「我都係荃灣呀,約咗中同食飯。」

「咁不如今晚一齊返hall囉。」

「好呀。」

我地約咗11點係荃灣地鐵站等。

個日好熱,我諗有成33度,就算去到夜晚都係一啲風都無。

Tiffany著住件白色既緊身吊帶背心,下身係牛仔熱褲同涼鞋。

雖然佢對波目測都無C,但係襯返佢細細粒既身形都夠哂,我忍唔住望多兩眼。

屌我都係覺得咁樣太痴漢,希望佢留意唔到我𥄫佢。

「等咗好耐呀?Sorry呀,頭先媽咪係都話要比啲生果我拎返hall,所以遲咗啲。」我見佢手上面抽住個環保袋。

「唔緊要啦又唔係趕時間,我地行啦。洗唔洗我幫你拎D生果?」

「唔洗啦,都唔係好重姐。」
#20 2017-07-03 00:28:25 縮小字型 放大字型

「你係咪住咗hall好耐架啦?」佢突然問我。

「下?唔係好耐既,我上年先開始住既。」我答佢。

「都係半個老鬼啦。你地幾個都係?」我諗佢係指我同Jeffery佢地。

「係呀,不過Jeffery住得仲耐啲,佢第三年啦。」

「哦…咁呢,Jeffery係咪好多女架?」佢好小心翼翼咁問。

「下,我唔知喎。平時我地都唔講呢啲野既,我地講下打波打機架咋。」

如果有男人咁樣答你,你千祈唔好信,因為一定係呃鳩你既。男人之間唔講女講咩呀。

「係咩…佢把口咁花,我諗佢應該好多女。」佢若有所思咁講。

「咁你覺得佢點呀?」

「佢幾好呀,講野又好笑,不過真係好口花囉。」

「咁呀,再了解下先囉。」我講唔出佢係個好男仔、你試下佢啦之類既說話,好似推緊個少女落火坑咁,都係出少句聲好啲。

「咁你呢?你有無拍拖呀?」

「我呢啲毒撚,邊到有女呀。」唔係扮毒,不過我好少無啦啦去溝一條女,我無Jeffery咁餓。

「唔係呀,你都幾好呀,邊到毒喎。」呢個女仔真係識講野,從佢言談之間已經知佢係個好圓滑既人,起碼唔會得罪人先。

「哈哈,唔係啦,好就唔會無女啦。」
#21 2017-07-03 00:30:25 縮小字型 放大字型

之後返到hall,Jeffery係房打緊機。

「喂,下星期我約咗Tiffany去行山呀!」Jeffery講。

「哦係咩,幾時約架。」

「咪今日囉,佢仲話想行大東山,嘩諗起都覺得痴線,不過同佢行就算啦屌。」佢仍然係望住電腦講。

「Jeffery哥為咗溝女,刀山都照狗衝啦可。」我潤鳩佢。

「洗乜講,Tiffany我食撚硬架啦。」

我係到諗,如果Tiffany比Jeffery食咗會點呢。

雖然我唔係鍾意佢,但係唔知點解都幾唔想佢落係Jeffery同Nic呢類男仔手上。

不過啲女就係鍾意呢類男人,男人不壞女人不愛呀嘛,老土但真係事實黎。
#22 2017-07-03 00:36:22 縮小字型 放大字型

我諗隔咗兩個星期幾三星期左右,我同Tiffany係呢段時間入面都會一齊返下hall咁,不過我地之間唔會提起佢同Jeffery或者Nic既事,佢無主動講我亦都無過問。有啲野扮唔知好啲,特別係呢啲關係上。

又有一晚我一出lift,見到有個女仔係我房門口出黎。我認得佢係住6樓,但係我唔知佢叫咩名。

「喂,啱先條女邊個黎架。」我一入房就問Jeffery。

「佢住6樓架,之前食煙識既。」佢漫不經意咁講。

「死仔,又溝新女呀?Tiffany呢?」我用拳頭中佢。

「拿,我純粹係explore下我啲圈子姐,又唔好講到溝咁嚴重。」佢攤開雙手聳聳膊頭,好似事不關己咁。

「收皮啦,講到咁有保留,溝掂Tiffany未呀你。」我問佢。

「唔好提啦,好難搞呀。佢好似會比你同佢出下街咁,但我flirt佢又無乜反應。都唔知佢真係咁撚純定咩,屌。」佢一路講一路開佢地啲對話出黎。

「屌你啦,人地year1可能真係咁純呢,咪搞鳩啲妹妹仔啦你。」

「丫你條仆街真係好多野講喎,關你撚事呀下。」之後佢就笑住咁作勢打鳩我。經過個晚,我諗Tiffany應該真係無受Jeffery溝。
#23 2017-07-03 00:38:24 縮小字型 放大字型

以Jeffery既性格,只要一有任何少少起色都一定會眉飛色舞講餐死比我聽。

但佢講到咁樣,都應該真係無乜進展。

加上有第二個女仔係我房出現,我諗Jeffery應該又有新目標。

隨住時間過去,我地五個既打機組合仍然不定時會出現,我地都有繼續教Tiffany打機。

不過我已經無再撞過Nic同Tiffany一齊係canteen食飯。唔知Nic係咪好似Jeffery咁,已經默默地收咗皮呢? 

呢個答案我唔洗問好快已經知,因為Kenny呢排成日走黎我地房。

Kenny講:「屌,Nic趕鳩我走呀,話條女上黎喎。」

我可以200%肯定,呢個女仔一定唔會係Tiffany。

因為Kenny講既時候,Tiffany都係我地房。

佢聽完個樣好似若無其事咁,唔知佢心入面係點諗呢。
#24 2017-07-03 16:11:28 縮小字型 放大字型

多得我同Tiffany住得近,造就咗好多機會比我同佢相處。

除咗五個一齊打機,我地每個星期起碼有一次既獨處機會,就係weekend喺荃灣返hall。

每次一到星期五、六,Tiffany就會主動問我呢個星期返唔返屋企,走既時候可以一齊返hall。我都因為咁多咗返屋企食飯。

「你條撚樣呢排食咗屎呀?成日返屋企既?」Jeffery有次問我。

「你理撚得我呀,我掛住老母啲家常便飯得唔得呀。」我敷衍佢。

我當然唔會話佢知我係因為有得同Tiffany一齊返hall先返得去咁密。

我同Tiffany既關係,看似係朋友但係又好似比朋友多啲咁。
我開始想行多步。

「你今個禮拜六得唔得閒呀?」我問Tiffany。

「做咩呀?」佢答。

「你之前咪話想試新開食魚生飯個間野既,不如我地去食囉。」

「好呀。」佢好快覆咗我。
#25 2017-07-03 16:12:13 縮小字型 放大字型

Yes!!!!!我忍唔住叫咗出黎,好彩個時Jeffery唔係房。

呢次係我第一次同Tiffany食飯、真真正正咁出街,唔係順路一齊返hall。

「等咗好耐呀?」我地約咗七點半係旺角等,因為個日我要返工,我收咗工就直接過黎旺角等Tiffany。

「唔係呀,我啱啱收工黎到咋嘛。」我答佢。

「咁我地行啦,我好肚餓呀。」佢笑住拉我行。

我地呢餐飯同平時一樣都係談天說地咁,氣氛好好,呢個係個好開始。

自此之後,我同Tiffany就食飯食得好密。

有時Jeffery約我食飯,我都推佢話唔得閒,都係因為Tiffany。

「屌你老母,呢排含春咁既樣,叫你食飯都唔撚去,溝緊女呀死仔?」Jeffery有次係我訓緊覺個時一野掀開我張被,之後撻張被落我個身到盤問我。

「我屌你老母呀,訓緊覺架,咪搞鳩我喇!」我打鳩佢,之後拎返張被繼續訓。

「仆你個街呀,扯開話題,扯開話題?打撚死你!」之後佢用拳頭窩我。

「屌!好撚眼訓呀!有咩留返訓醒先講啦好無呀屌你老母!」我燥鳩佢。

「即係真係溝緊女喇!邊個黎架!我識唔識!對波大唔大!」佢突然好興奮咁講,好似佢有份食咁。

「真係無呀屌,食下飯咋嘛。」我漏口講咗出黎。

「食飯?仲話無,屌都知你籠野。幾時比我過目下睇下屌唔屌得過?」佢索性坐上黎我床到之後講。

「食屎喇你,無你咁撚仆街呀我。」我一野用腳踢鳩佢。
#26 2017-07-03 16:13:13 縮小字型 放大字型

Jeffery唔知佢口中屌唔屌得過既就係Tiffany。

佢梗係想屌啦,我心諗。

不過我始終唔係幾敢比Jeffery知道我同Tiffany既事。

畢竟Jeffery曾經都想得到佢。

去到sem break,好多人都會返屋企,hall都因為咁而冷清咗好多。
連Jeffery都返埋屋企。

「屌,老母咋型呀,話我成日係hall唔返去,放假我點都要返去訓幾晚,唔係交唔撚到差。」佢咁樣咁同我講。

Nic同Kenny都去咗旅行,所以hall得返我一個係到。

仲有Tiffany。
#27 2017-07-03 16:15:23 縮小字型 放大字型

Sem Break無咩好做就係房到打機,只係間電腦房得返我同Tiffany。

「你點解放假都唔返屋企既?」我問佢。

「我daddy mammy都去咗旅行,我返去都係得自己,不如係hall喇,可能有人陪下我食飯呢。」佢苦笑咁講。

「有呀,我囉。」我講完之後,自己都尷尬到唯有望返個Mon。

連打幾場Normal 幾場Ranked 連Aram都玩埋之後,天都就黎光啦,我已經身心都攰死咁攤係床上上緊連登嚕。

Tiffany呢頭執完電腦走,果頭又推門入返我房,係張書枱到摷摷摷。

「你搵緊咩呀?」我問。

「我張房卡囉,唔知放左去邊,Jess又出左去。」Jess係佢roommate。

「Sosad,我借Jeffery張床你訓啦。」我講笑咁講。

「唔好笑囉。」

「叮」 佢WhatsApp響左一下。

「Jess 話飲完野就返,咁我等下佢啦,呀朗你有無iPhone叉電呀?」

「有呀,係我呢邊。」

Sem break既時候已經係冬天,廢青既我係張暖粒粒既電熱墊上面望住呢個長頭髮既女仔係自己書枱上面玩電話,難免又勾起咗對Tiffany既憧憬。

「Tiffany呀,我借半張被俾你啦。」同一時間,我都坐咗起身,讓咗近書枱果半張床俾佢。

「好呀。」佢好似毫不介意咁,大大方方咁佔據咗我讓出黎既半張床。
佢睇睇下連登睇到攤左落床,轉眼間我就變左作客咁,縮左係床角。

呢個場景令到我好尷尬。
唔多溝女經驗既我,唔知講定做咩好,我好怕行錯一步就GG。

咁我唯有一路睇下晨早有咩波賭,一路注視住Tiffany既長髮背影,佢平靜到好似完全唔怕生保咁。

整整Dead air左成半個鐘。
#28 2017-07-03 16:16:44 縮小字型 放大字型

「Jess仲未搵你呀?」我想試探下佢。

「Tiffany?」

屌,佢訓着左。

「唔⋯⋯我訓咗添。」Tiffany好似聽到我叫佢。

「哈哈,唔 唔 唔緊要呀,一係,係到訓都得架。」講完呢句我既心跳直飆左上200。

「唔⋯⋯」

我都唔知呢個係咩答案,Tiffany打側咁訓左係床既邊邊。

我唯有膽粗粗咁訓咗係Tiffany同牆既中間,Tiffany好香D沐浴露定洗頭水味,更加更加令我心跳血壓乜都升哂。

我靜靜雞靜雞雞咁伸左隻手過去,攬住咗佢。

「我想你留係到呀。」我靜靜咁係佢耳邊講。

佢好似聽唔到咁繼續昏迷。

我不斷不斷回想幾星期以黎既獨處,究竟Tiffany係咪俾緊機會我?係咪扮緊訓?

我隻手最終都係忍唔住,逐啲逐啲向上進攻,一寸、無事,再一寸、無事。

我仲好記得係第四至第五寸中間,Tiffany捉住咗我手碗。

「唔好。」佢只係講咗呢句。
#29 2017-07-03 16:19:14 縮小字型 放大字型

兄弟飯局少不免飲個仆街,酒過三巡。

「喂,你(地)個Tiffany大計係咪無左架啦?」我借啲意問下Jeffery,同時又望左一望Nic 。

「屌,無啦,條女咁識玩,Flirt下又唔Flirt下,咁哂心機。我都係投資係Kolor到好過啦,身材又好又騎得」Jeffery 些少氣憤咁講。

「係囉,咁有心計,唔方簡單啦。」Nic加把口。

Kenny呢個時候已經Wing Wing地係卡位到攬住Jeffery。

「唔係喎,你地有野架喎。」Kenny唸唸有詞咁講。

「屌你老母,話左無咪無囉,我幾時會呃你班仆街仔架姐。」Jeffery不耐煩咁屌鳩 Kenny。

「屌,唔係你呀。係你呀!」Kenny探出個頭,隻手指住我咁話。

「WTF?你個仆街仔唔撚講?」Jeffery即時醒哂,一手捉實我手臂。

「我⋯⋯佢⋯⋯其實⋯⋯只係有幾晚訓咗咋。」

「我屌你老母。」Jeffery放低左張500蚊紙,頭也不回咁衝走咗。

兄弟飯局不歡而散,大家都認為我唔夠兄弟,溝同一條女都唔出聲。

Jeffery少咗好多返Hall,就算因為早堂而返,都去咗Kenny同Nic果邊三個人一起訓。

Tiffany係我地反面之後亦疏遠左我同佢地既圈子,打機唔再係五個人、唔再係every night。
#30 2017-07-03 16:20:10 縮小字型 放大字型

一次,我走去尾房,諗住搵Tiffany食Lunch。

「咁你起身未呀,你去唔去食野?」我腦海入面既對白。

不過係佢房門聽到既係一把男仔聲,我企左係到聽一把聲、變成兩把聲。

「呀⋯⋯黎呀黎呀⋯⋯快啲⋯⋯唔」女聲。

「邊個要快啲?」男聲。

「我要你快啲呀 BB,黎啦。」

「拿,你講架。」

「喔⋯⋯係呢到、係呢到,繼續呀繼續呀,呀⋯⋯」

之後靜音咗幾分鐘,我聽到有好微細既聲音,但係我聽唔清楚係咩聲。

「喂,過黎啦」男聲係門邊講,我即刻驚到企返左係門旁邊。

「又黎呢個?」女聲好似笑笑地咁問。
#31 2017-07-03 16:20:49 縮小字型 放大字型

幾秒之後,女聲應該行咗黎門邊。

「擘大少少,你個pat再高啲。」之後我聽到一聲「啪」,應該係手掌打落皮膚既聲音。

「呀、呀、呀….」伴隨住呢把女聲每一下既上飆,道門都會被狠狠推一下。

道門一路發出「bom、bom、bom」既聲音,頻率愈來愈密。

「我就黎射啦….」男聲好享受咁講。

我聽住頻率由慢變快,之後再變返慢;最後房入面鴉雀無聲。

走廊同房入面只係隔住一道門,佢地又點會估到成個過程比我聽到哂。

我居然聽到Tiffany同第二個男人扑野,哈哈。

Tiffany濕既係下體,而我濕既可惜只係眼框。
屌,原來我只係一個傻鳩。

Jeffery 無耐都知道我收左皮,我同Jeffery男人兩狗傾左一整晚計,原來我地都係咁戅鳩。

兩年後,Tiffany已經有條穩定既仔,條件好、人品好,不過唔知條仔知唔知Tiffany既另一面呢。


「你如果遇返Tiffany,可唔可以幫我問樣野?」Jeffery飲醉左問我。
「咩呀?」
「你定我張床好訓啲?哈哈。」
#32 2017-07-03 20:00:32 縮小字型 放大字型

《二、淫婦的自白》

「啊…」我發出一聲長長既輕喘,我既下體深深地吸住方俊既硬物。

我坐係方俊上面,不自覺地前後移動我既身體。

「啊…好正啊。」我好放蕩咁講。

方俊既尺吋唔算好大,話巨龍都稱唔上,但係佢最出眾既就係佢既下體硬如鐵。

粗度長度從來都只係其次,硬度先係最緊要。

如果夠硬,基本上任何體位都會好爽。

加上,方俊既下體係微微向上彎。

呢個特點令到佢進入我既時候更加頂得入我既深處。

「唔…啊…」我身體搖擺既同樣,方俊都同樣發出長嘆。

「試下坐爆我…」佢雙手環繞住我既腰。

「唔得架…咁多次你都未試過。」我答佢。

「咁你再努力啲。」佢摸一摸我個頭,我就搖得更加起勁。

「我...就黎...就黎射喇....丫...」方俊捉住我條腰,快速地抽插緊我。

因為我坐到好攰,所以我地轉咗做狗仔式。

我擰轉頭望一望佢,佢就錫咗我一啖。
我再錫返佢,我地條脷好快就融為一體,同樣佢都後入緊我。

係最後個十幾秒,佢重重咁訓落我個背上,粗暴咁蹂躪我個胸部,然後將所有快感都射咗係裡面。

我軟軟地攤係床上,回味緊頭先既高潮。

「鍾唔鍾意我咁樣插你?」完事後,他邊戴眼鏡邊問我。

「鍾意…同你做就鍾意。」

我望著佢戴返眼鏡既樣,同剛才瘋狂拍打我屎忽既方俊根本就判若兩人。

不過我就係鍾意佢平時沉實穩重既樣,同我相處既時候就表現得一覽無遺,將佢最原始既獸性表露出黎。
#33 2017-07-03 20:01:32 縮小字型 放大字型

我諗無一個同學會聯想到佢都有呢一面。

因為係人前佢係個乖仔,好典型書生型既男仔。

方俊係我以前男朋友。

我之所以會同佢有呢種關係,因為得佢可以滿足到我。

佢係我遇過同我最合拍既對手,我指係床上面。

「我差唔多夠鐘要搵我條女,再講啦。」佢著返自己啲衫就走咗。

佢走咗之後,我攤係床到,碌下電話睇下有邊個可以黎陪我。
#34 2017-07-03 20:01:47 縮小字型 放大字型

因為我好怕自己一個人。

可能因為咁,所以我總係要搵人每日同我whatsapp,哪怕我對果個人有無感覺都好,起碼有人聽我講野。

有人問過我,點解唔正正經經搵返個男朋友。

「無呀,遇唔到啱既人咪唔拍囉。」
我呢世人講過好多敷衍人既說話,我諗呢句應該係最真心真意。

係呀,真係遇唔到啱既人。

對我黎講,我唔係要咩有錢或者靚仔,因為呢兩個條件要搵既話唔會好難,但係要真係鍾意一個人,我覺得真係好難。

因為我係有性格潔癖既人。

只要對方一有啲我接受唔到既性格特點,我就會完全否定佢成為我另一半既可能性。

其實我好多可以拍拖既機會,因為間唔中都會有男仔追我。

佢地都好好,不過我唔鍾意。

無感覺既話,我可以同佢地上床,因為可以滿足到我既性需要。

但係我唔可以做佢地女朋友。

騎牛搵馬既野我從來都唔做,唔係我扮高竇,只係我唔想害人。

可能呢個已經係我僅餘有既良知。
#35 2017-07-03 20:03:35 縮小字型 放大字型

「你呢排點呀。」電話入面係我中學同學Danny,佢同我唔同U,不過間唔中都會聯絡下。

「無呀,都係咁啦,sem break好得閒。」我答佢。

「唔洗陪男朋友咩你?」佢問我。
「我幾時有男朋友連自己都唔知架?」我反問佢。

「咁不如出黎食個飯?反正咁耐無見。」

好典型既對答,然後我地順理成章咁出咗黎食飯。

我地之間既對話不外乎係講下大家過成點、重提中學既舊事、笑下邊個中同柒緊啲咩,反正都係為講而講既話題。

因為我知道佢既終極目的都只係為咗同我上床。

中學已經聽講過佢好貪玩,同一級都食過幾個女同學。

中學雞黎講已經算係好誇張。

佢無啦啦約我出黎食飯,目的都無他。

我唔會怪佢,因為我都係呢種人。
#36 2017-07-03 20:11:57 縮小字型 放大字型

「你一陣返hall?」佢食完碟意粉,放低枝叉問我。

「係呀。」

「時間都仲早,你無野做既話不如去飲杯野?」佢好誠懇咁望住我講。

我好配合地笑咗一下,之後咁樣答佢:「好呀。」

我地揀咗間係我學校附近既酒吧,個到唔大,基本酒吧要有既酒佢都有,幫襯既多數都係大學生。

今日係閒日,所以夜晚既客人唔算多,大概有三、四枱。

「做咩唔拍拖呀你,上到u大把仔啦你又有住hall。」我地叫咗兩杯whisky,呷咗一啖,成個人既體溫即刻上升咗。

「邊有咁多仔呀,我又唔係女神。」我答佢。

「咁無人追你咩,點都有一兩個掛。」佢繼續追問。

「真係無呀。」我嘗試用一個好無辜好誠懇既語氣同佢講,等佢知道我係百分百單身。

咁樣可以加快達到我地之間目的,因為佢完全無野需要顧慮。

我就係一個好寂寞好需要人陪既女人。

我地埋單之後,大家都有幾分醉意。我拖住沉重既身驅向前行,一擰轉身,Danny拖住我隻手。

「今晚陪我好無?」佢醉醺醺咁問我。

「嗯。」我點咗一下頭,之後同佢去咗開房。
#37 2017-07-04 13:46:09 縮小字型 放大字型

Hall唔係咁容易屈到蛇,特別佢唔係我間u,更加唔容易。所以我地要開房。

「開房」呢個詞語一啲都唔浪漫,因為我地之間根本乜都無。

用「開房」黎形容我地既行徑最好不過。

我地好快就入咗間時鐘酒店,同呀姐講咗要間房、過夜,比完錢就比咗間房我地。

一入去見到,間房唔係我想像中既昏暗,我以為會好似電視劇入面既色情架佈咁好暗好污糟,然後隔離房會有人吸下毒咁。

事實上成間房好整潔,啲裝修同普通酒店無咩分別,甚至可以話係幾骨緻。

唯獨唔同既係個到有塊落地大鏡,呢個應該係一般酒店未必有既。

Danny佢叫我沖涼先,之後攤咗係床到。

我好快咁沖咗次身,確保身上既汗味都無哂,我再噴一噴放係袋入面既香水,我包住條浴巾就出咗去,入面著住全黑既bra同t-back。
#38 2017-07-04 13:46:44 縮小字型 放大字型

Danny見到我出黎就即刻坐咗起身,我諗佢都清醒咗好多,之後將我成個人拉過黎、攬住我條腰。

「你好香啊。」佢除咗我條浴巾,身上面得返胸圍同底褲,佢個頭就係我上身到游走。

「點解中學個時都唔發覺得你咁正,原來你身材咁好。」佢用雙手搓我34c既胸部,然後輕輕咁彈我個乳頭。

「啊…」我既乳頭特別敏感,佢一彈我就忍唔住呻吟咗出黎。

「你個淫娃,今晚我就食咗你。」講完之後佢就伸咗條脷入黎我個口到,我同佢一路濕吻,一路撫摸大家既身體。

之後我索性成個人騎上佢到;佢坐係到,我就半跪係佢大脾上面。

我感覺到佢既下體已經頂住咗我。

不過我唔會咁快比佢得呈。

我移開我個身體,之後攤係床上面。
#39 2017-07-04 13:47:27 縮小字型 放大字型

「你幫我啊。」我將雙腿擘大,然後望實佢講。

「從來得啲女幫我,無我幫女架喎。」佢笑淫淫咁講。

「咁你咪要試下囉。黎啦。」我將其中一隻手放係我下體,然後輕輕咁上下掃動。

Danny見到我咁樣就好似發咗癲咁,首先撲上黎錫我個頭,然後一路錫到落下面。

「你真係好撚淫,不過我鍾意。」佢講完就開始吸吮我既蜜洞,我雙腳不自覺咁向上縮。

「唔準縮,放低,如果唔係我就停。」佢命令我。

「嗯…啊…」我已經講唔到野,因為佢會突然間好大力咁吸一下,我成個人好似觸咗電咁。

「正唔正呀。」佢轉咗用手指幫我。

「正,好正。」我毫不猶豫咁答佢。

「想唔想再正啲?」講完佢就加快咗佢用手抽插我既速度。

「你快啲比我,我好想要。」我放軟咗我既聲線,甚至有啲哀求佢既語調。
#40 2017-07-04 13:48:15 縮小字型 放大字型

之後我地終於玉帛相見,除哂身上面所有既衫褲,佢下體既硬物入咗我裡面。

除咗狗仔式,我個人鍾意觀音坐蓮。

因為呢個體位真係入得好深,我仲可以主導個速度,我覺得好舒服。

「你唔攰咩,好扭得喎你。」佢問我。呢個問題唔只佢一個問過。

「唔會呀。」我邊扭動我既身體邊答佢。

「做開運動係唔同啲,之前個啲郁兩下就話攰。」因為我平時有操下水,所以體能唔會太差。

之後我地換咗男上女下,佢係我身上面好快速咁抽插我,每一下都好用力。

我雙腳不自覺咁提高,夾實佢個背部。

咁樣佢就可以入得更加深。

我地最後以狗仔式結束呢場運動。

Danny同我都無著衫,就咁用被遮住大家既身體,好快我地就訓著咗。

醒返之後,我地一齊食咗個lunch,然後一齊食咗枝煙,佢就走咗。

「下次再玩過。」呢句係佢臨走前同我講既野。

兩個毫無感情既人,用「玩」黎形容一件本來係好甜蜜既事,呢種極其量只能叫性,唔能夠叫愛,所以唔係性愛,甚至連做愛都稱唔上,我會稱之為上床。
#41 2017-07-04 13:50:06 縮小字型 放大字型

唔知幾時開始,煙同上床變成咗我生活既一部分。

好似食飯同屙屎咁,唔可以唔做,做少一日都會活唔到落去。

諗起一開頭老豆知我入到大學,第一句同我講:唔好學啲壞習慣返黎。

我答佢一句好,個時係真心真意咁答。

佢俾咗幾千蚊我住hall,每個星期入錢俾我生活,因為佢以為我好努力咁係大學拼搏緊。

事實上我每日拎佢俾我既錢買煙飲酒,再唔係佢打黎問我做緊咩,我永遠都話做緊功課,其實我同緊男人上床。

可悲,我既大學生活居然係咁樣。更加可悲既係我居然好樂意咁樣生活落去,完全唔想搬返屋企住。

我既床上面已經唔知留過幾多男人既精液係到。

我無刻意去數,亦都唔想數。

我怕我自己都會驚,驚緊點解自己會變成一個咁既女人。
#42 2017-07-04 13:51:06 縮小字型 放大字型

即使入咗大學,我同中學既好朋友周不時都會出黎見下面。

佢地都過得好好,每日生活得好有規律好健康。

「呀宜,好心你早啲訓啦屌你,好殘呀你個樣。」Joey咁樣同我講。

「我知呀唉,不過習慣咗好難改嘛。」我拎塊鏡出黎照一照,個樣真係比啱啱中學畢業老成得多,好似已經做咗野幾年咁。

「你晚晚咁夜訓,又係同hall啲人飲酒呀?」佢鬧我。

「痴線,邊有咁多酒飲,我係房hea下姐。」我反駁佢。

「信你就奇呀。」佢繼續鬧:「你覺唔覺自己變咗好多?」

「變成點?」我問佢。

「你以前好開朗,成日笑,但你而家個樣愁眉苦臉咁。」

「下,無呀,我有笑呀。」我即刻笑咗一下俾佢睇。

「屌,你呢啲皮笑肉不笑,我都識啦。你係咪好唔開心姐?」佢轉咗個語氣問我,我知佢好擔心我。

「無呀,我無野。上到黎幾好,我終於體驗到u life,我期待已久既u life呀。」我微微一笑,望住佢講。

「唉,唔識講你,你有啲咩一定要話我知呀,知唔知呀。」佢語重心長咁同我講。

「好呀。」我依舊係果個笑容。


我唔係唔想同你講,只係你一定唔會接受到我係點樣過日子。
#43 2017-07-04 22:10:11 縮小字型 放大字型

sem break完咗無耐,我識咗一個人。

「可唔可以借個火機比我?」呢句係佢第一句同我講既說話。

我無答佢,就咁比咗個火機佢。

「唔該哂。」點完火之後佢吸咗一啖煙,問我:「你係呢個hall架?」

個時我地就企係hall出面既位置,嚴格黎講個到唔算係吸煙區,不過大家都會係個到食煙。

「嗯,我認得你,你係hall o既cam man。」我答佢。

「嘎?乜我呢啲二打六都有人認得,哈,係呀。」佢有啲唔好意思咁應我。

「你全程捕捉住我地架喎,點會唔認得你呀。」我笑住講。

「哈哈,我好似未見過你,你叫咩名?」佢問我。

「你叫我呀宜得喇。」

就係咁,我同cam man就識咗。

佢成日都會叫我落黎食煙,有時候我明明啱啱食完,我都會照落去。

或者呢啲就係叫巧合,佢原來係我中學師兄,不過因為大我兩年所以我地都無見過大家。
#44 2017-07-04 22:11:00 縮小字型 放大字型

「肥陳佢真係好廢,我啲數學完全係靠自己自修,靠佢應該3都拎唔到。」佢一路講一路大笑。

「我都係佢教,但係我數學真係好廢,所以我2撚咗。」

「嘩,你數學都幾屎喎姐姐。」佢恥笑我。

「哎呀,咁你見我讀media都唔洗計數既,係咁架喇。」我打一打佢手臂。

好快我就知cam man一定係對我有興趣。

我話頭痛,佢攞藥比我食;我話肚餓,佢即刻買M記比我食;我話要趕assignment無得訓,佢陪我一齊唔訓。

甚至我開始覺得佢應該係鍾意咗我。
#45 2017-07-04 22:12:02 縮小字型 放大字型

「你呢,係咪好多人追架?」有次佢咁樣問我。

「係呀,好多架,五六七個咁啦。」我諗住玩下佢,所以咁樣答佢。

「下,咁多呀。」佢聽完好似好失落,之後係到口噏噏咁。

「做咩姐你。」

「我係到數我要同幾多個人爭。」佢好認真咁講。

「傻架咩你,我講下笑咋,你估我女神咩,邊有咁多人追呀。真係有人追都無咁多個啦,何況我無。」我笑住鬧佢。

「哦…咁你都可以計有一個呀。」佢若有所思咁講。

「計一個?邊個呀?」我知佢講緊自己,但係我唔想承認。

「你唔覺我追緊你架咩?」佢問我。

「你咁樣問我好尷尬姐,你想我點答你喎。」我個時咁樣答。
#46 2017-07-04 22:12:43 縮小字型 放大字型

Cam man真係對我好好。

記得有次,我趕緊一份我完全毫無頭緒既功課。

佢見到我咁煩,佢二話不說黎陪我做,正確黎講係幫我做。

佢做咗一半,佢先同我講,原來佢自己第二日要midterm。

佢同我仲要唔同科,一個文科一個商科,但佢幫我做功課。

又有一次,我好任性半夜話想食M記,佢居然特登幫我出去買。

我問佢點解唔叫麥麥送,佢答我:「你話過鍾意食脆既薯條,麥麥送個啲黎到都冧哂啦。」

我未試過有人對自己咁好。

好到對我好過對佢自己。

人心肉造,佢對我既心意我又點會唔感動?

於是,我嘗試同佢發展。

我無再同其他男人來往,因為佢。

我將所有注意力放係佢身上。

我係到諗,我係咪都終於可以拍拖呢。
#47 2017-07-04 22:13:37 縮小字型 放大字型

「你唔好郁,繼續望電腦啦。」cam man幫我吹頭,之後扶正我個頭叫我唔好郁。

「其實點解你對我咁好既。」我忍唔住問佢。

「咪因為我鍾意你囉,傻妹。」佢摸一摸我個頭。

「但係我唔靚,又食煙,無咩好架喎。」呢個係我既真心話,我真係唔知自己有咩吸引到佢。

「食煙我都食啦,同埋我覺得你好靚喎。」佢笑得好開懷咁答我。

「痴線,你真係重口味。」我成日都鬧佢。

「咁咪好囉,無人同我爭。」

我地雖然成日出相入對,但係我地都未有咩親密既行為。

因為我覺得佢同其他男人係唔同既。

我唔可以用平時對男人既手段對佢。

所以我地唔可以咁快發展個種親密關係,會破壞我地既關係。
#48 2017-07-04 22:15:07 縮小字型 放大字型

但我慢慢發覺到,我覺得呢與關係好有壓力。

唔知係咪我唔慣有人對自己咁好,我覺得佢對我好到有啲抖唔到氣。

加上,佢一對我好好,我就諗起自己其實係個公廁。

我點樣配得起一個咁好既男仔。

我唔配,憑咩要人埋我單呀?

羅嘉宜,你唔值呀。

「我買咗宵夜比你食呀,你想食邊樣呀。」我望住果兩份碗仔翅同狗仔粉,我有啲煩燥。

「我咪話咗唔食囉,你做咩又買呀。」我唔耐煩咁講。

「食啦,我山長水遠買返黎,你唔係唔食呀嘛。」佢氹細路咁氹我。

「唉,但係我真係唔餓,一係我放雪櫃聽日叮黎食?」我嘗試同佢講。

「咁,咁你鍾意啦。」講完之後佢放低咗個外賣袋,之後就走咗。

我覺得自己太衰,所以whatsapp咗佢講對唔住。

「其實你咁樣我都好hurt,係咪我有咩做得唔夠好所以你咁樣對我?」佢問我。

「唔係,你好好。係我問題。」之後我補多句:「不如算啦,我覺得我唔夠鍾意你,我唔想哂你時間。」

呢次係我第一次拒絕佢。
#49 2017-07-04 22:15:59 縮小字型 放大字型

我再見到cam man係我拒絕完佢之後一個星期後。

個晚佢飲到好醉,我咁啱放工返黎。

「呀宜…」佢見到我,之後搖搖晃晃咁行咗過黎。

「喂,你點呀,做乜飲咁多呀。」我捉實佢個膊頭,佢個款好似就黎訓低咁樣。

「我好鍾意你啊…你可唔可以同我一齊啊…呀宜…」佢攬住我,攬到好實,係我耳邊講。

我掃一掃佢個背,然後同佢講:「你唔好咁喇。」

「唔好走,呀宜你唔好走。」佢講咗呢句說話。

我送咗佢返房,佢roommate唔係到,得我同佢係房。

「你訓覺喇,我返房先啦。」我扶咗佢上床就轉身走。

「你留係到啦…我唔想你走呀…」佢拉住我隻手,隻眼半開合咁,我諗佢真係好醉。

「你乖啦,訓啦好無,你醉啦。」我用平時佢對我既語氣講。

佢捉實我隻手無放。

我內心掙扎咗一陣,之後做咗個最錯既決定—我留咗係到。
#50 2017-07-04 22:16:13 縮小字型 放大字型

我坐係佢隔離,望住佢個樣,不禁嘆咗一口氣。

佢捉住我既手都無放過,我知佢應該唔係完全訓著。

我都唔敢亂郁個身,我地維持咗同一個姿勢好耐。

直到有刻我好攰,我嘗試訓落少少,cam man佢醒咗,之後望實我。

佢望咗幾秒就無就錫咗落黎,我下意識地配合咗佢。

雖然我無飲酒,但係環境既催化下,我既慾望好強烈。

佢既唇好軟,佢每一下錫落黎都係好溫柔,呢種溫暖係平時喺其他男人身上搵唔到既。

或者因為佢對我真係有愛係到。

我地好自然咁去到最後個步,佢好投入,我都係,因為我個刻咩都無諗,只係比個環境所牽引住。

完事之後,佢清醒咗好多,佢問我:「不如一齊囉。」然後佢好用力咁攬住我。

我唔敢望佢,都唔敢答,我唯有扮訓著咗。

事實上係我根本無辦法同佢一齊,因為我就係一個可以隨便同陌生人上床既淫婦,俗啲講句我就係公廁。

我居然呃咗一個男人上床,一個好鍾意我既男人。

我個心好內疚,但係我唔知可以做啲咩補救。
#51 2017-07-04 22:16:40 縮小字型 放大字型

自從個日之後,我覺得我再無面目對住cam man。

佢不停要求見面,我只能扮見唔到,除咗咁我唔知點應對。

直到佢黎我房搵我。

「其實你想點姐?」佢劈頭第一句就問。

「sorry…個晚不如算喇,當無事發生過好無。」呢句說話居然由一個女仔既口中講出黎。

「即係你同我扑完野你同我講你其實你唔鍾意我,然後要我當無事發生?」佢好嬲,一口氣咁爆咗呢句野出黎。

「…對唔住,係我錯。你點鬧我都得,係我對你唔住。」我咁樣講唔係想扮聖人攬哂所有罪名上身,而係我真係覺得我好對唔住佢,除咗道歉我無能為力。

「哈,原來你可以同個你唔鍾意既人搞,我算係啲咩。」佢冷笑咗一下。

「對唔住,真係好對唔住,我係仆街,你唔好鍾意我喇。」

佢之後就走咗,再無返過黎。
#52 2017-07-04 22:17:13 縮小字型 放大字型

原來傷害人既感覺一啲都唔好受。

我唔覺得做衰人好有快感,我覺得好痛苦。


我個心都好似比一舊好重既大石壓住咁,成個人好沉,沉到就黎可以倒係地上。

內心既壓抑想湧出黎,但係又屈住係個心到,完全揮之不散。

我嘗試將自己既情緒推到最低,想用眼淚去發洩。

以前我好易喊好易笑,情緒既收放稱得上自如且係發自內心。

但唔知幾時開始,喊對我黎講唔係一件必然既事,我可以好唔開心但係喊唔出,個心只係戚住戚住痛。

笑反而比喊更加容易,因為笑只係一種表情,表情係可以偽裝既。

學Joey話,皮笑肉不笑,近呢年我都係咁樣過。

「你可唔可以整喊我?」我同joey講。

「痴線,你做咩事呀?」

「我好想喊,點樣喊得出?」

「聽歌啦,如果想喊。」
#53 2017-07-04 22:17:38 縮小字型 放大字型

我一路聽住首好啱我呢刻心情既歌,我都完全喊唔出。



「事情的不完美 是超出受得起以外」

我好努力嘗試想cam man發展,我以為我地會一齊到,但事實上我做唔到。



「就算你吞下來 忍下來 有一些人卻 永遠不適合被深愛」

我唔知自己有咩吸引,可以令到一個男人比我拒絕完都咁死心不息,都依然咁堅持想同我一齊。

但係我真係唔值得,我承受唔起你既好。



「你又美麗 又偉大 又這麼慷慨」

「我被厚待亦相當意外」

我見到你對我愈黎愈好,好到我好驚。



「給你寵愛 這戀愛 結果倒下來」

因為我知道我根本咩都比唔到你。我唔習慣高高在上咁接受人地對我既愛。你對我好,我係無所適從。



「大概只是我不好愛」

我接受唔到一段唔對等既關係,特別係當對方愛自己多啲既時候。



「當你跟我 有一個 那麼不易愛」

我就係個咁奇怪既人,唔好再鍾意我。



「得你一人愈來愈可愛」

希望你搵到個適合你既女仔。



呢件事之後,我繼續回復返以前既生活,同唔同既男仔來往,但係無一個係我男朋友。

我偶然都會係hall撞到cam man,我地都唔會望大家,但係我知佢一定見到我。

後來我知佢同咗隔離hall既女仔一齊,個樣都幾靚女,不過身材好似就普通咗啲。

見到佢有新既另一半,我都放下心頭大石。



人係咁架,做仆街都要做得心安理得先過活到。

而家咁樣突然就覺得自己咩責任都無哂,明明件事係確確實實發生過。

對唔住啊,cam man。

呢句對唔住我係真心真意咁講,希望你會見到。
#54 2017-07-05 13:14:43 縮小字型 放大字型

《三、酒後出事(1)》

「BB呀,我見到天文黎緊有個觀星活動,喺西貢東壩架,不如我地去囉!」

Erica好興奮咁捉住我手臂,另一隻手就碌緊部電話。

「哦,好呀。幾時呀,去囉。」我漫不經心咁答佢。

嗰次係某個秋天既夜晚。

我因為陪女朋友Erica,去咗個頗為無聊既觀星活動。

所謂觀星活動又有幾多人有心觀星呀。

去既人大部份人都唔係真係鍾意觀星,就正如去做義工既人唔一定有愛心,都係為咗溝下女姐。

我同樣對觀星無太大既興趣,我黎既目的就只係陪女。

由於成班人無咩野做,係等睇星既時候竟然玩返啲ocamp房game。

大家都有自介下自已咩名咩major,有住hall既人都有講埋自已係邊座hall。
#55 2017-07-05 13:15:59 縮小字型 放大字型

「Hi,我叫Macy,BBA final year,我住xy堂架。」有個女仔咁樣講。

佢有一把啱啱好到頸位既短髮,留咗個齊蔭係額前,都幾可愛。

原來佢係我個hall架喎,但係我好似從來未見過佢。

我地嘿嘿哈哈咁過咗成晚,最後仲開咗個觀星group。

不過我同入面既人當然無聯絡,因為根本都唔熟。

除咗Macy。

因為我之後係hall都撞過Macy幾次,我地起初只會點個頭打下招呼;

後來我地仲會企係Lobby傾一陣先走,傾得最起勁個次仲好似企咗係到成半個鐘。

所以我地開始用whatsapp聯絡。

不過在於我有女朋友既關係,我地唔係日日都會傾,我地斷斷續續咁聯絡都有半年時間左右。
#56 2017-07-05 13:16:37 縮小字型 放大字型

過咗大半年後,quit hall既季節又到。

呢段時間入面我同Erica因為大家各有各忙、少咗好多時間見面,同時間磨擦又不停增加。

我好多次都想分手,但係礙於佢情緒好唔穩定,成日以死威脅我,我都盡量迫自己保持現狀,希望唔會刺激到佢。

「你係咪有第二個?你係咪唔愛我喇!」Erica有次係電話到發癲地大吵大鬧。

「無呀,我邊到有第二個呀,真係無。」我將最後既耐性拎出黎。

「我唔信你啊!你呢排咁冷淡!」佢仲喊起上黎。

我個心真係好撚煩,點解女人可以咁撚蠻不講理。

呢個時候我好想飲酒,因為本身我都係一個酒鬼。

不過諗起呢個時間好多熟既hall mate都已經執哂野返屋企,而我腦入面第一個浮現既人就係Macy。

我好想Macy陪我。
#57 2017-07-05 13:17:05 縮小字型 放大字型

對於一個女仔黎講,同邊個上床其實唔係重點,重點係點解會上床。

如果你用擺到明係感情失意既態度去搵佢飲酒,佢就會將注意力放係你既感情事上面。

可能佢最後連少少醉都無,甚至乎仲清醒過我自己。

再者,感情唔開心就搵女屌,咪即係當人係水泡?

如果連水泡都無得做,咪即係player?

唔得,呢啲會令自己臭朵既事我絕對唔會做。

最好既藉口就一定係「無咩特別」同「好順便」既理由。
咁樣個女仔先會放下戒心。

「我仲有半打大啤係雪櫃呀,都就quit hall,不如你陪我清埋佢呀?」我扮到不經意咁問佢。
#58 2017-07-05 13:18:17 縮小字型 放大字型

「好呀,但係淨係飲酒呀?有無其他野做呀?」佢好快就覆咗我。

Yeah! 我心入面暗嘆,呢個係成功既第一步。

「我上個星期啱啱先睇完avengers,想補返之前啲劇情呀,不如開套iron man黎睇下。」

唔知點解佢好爽快就答應咗。

個晚我拎住半打啤酒走入佢房,放係枱面,二話不說就開咗啱啱先BT落黎既iron man。

Macy有少少鬼妹仔性格,聽聞家底都唔錯,係英國讀完college先返黎香港讀U;至於打扮就唔係特別姿整既。

身形嬌小既佢唔過米六,著住件啱啱好蓋過patpat既oversize,係我地hall既ocamp tee黎;鬆身tee下佢既B cup身材若隱若現,再加上黑色粗框眼鏡,呢個頹look住家得黎又令人想入霏霏。

我嘗試控制自己既獸慾,再同自己講:我今日上黎係睇戲同飲酒既。
#59 2017-07-05 13:20:12 縮小字型 放大字型

「不如熄燈囉。」Macy飲咗半罐左右,帶有少少醉意咁講。

我地熄哂燈、拉埋窗簾,眼前就只有熒幕閃過既打鬥場面。

因為我飲開酒既關係,我係一啖駁一啖咁飲,當電影播到一半既時候,我已經清咗兩大罐。

而Macy,我唔知係佢少飲啤酒定唔鍾意飲,原來佢連第一罐都未飲完。

電腦屏幕既白光打係佢面上,我分唔到佢係醉、眼訓定係專心地睇緊戲。

不過我見佢隔一陣就會拎起啤酒飲兩啖,所以我都無太在意。

當成套戲完咗之後,我輕輕咁叫佢:「Macy?」

佢無反應。

我搖一搖佢膊頭,佢就成個人無哂支撐咁挨咗落我到。
我諗佢應該已經醉咗,於是我放佢上床安置好佢,諗住同佢一齊訓。
#60 2017-07-05 20:29:09 縮小字型 放大字型

呢個時候,我個腦開始高速運轉,閃過無限個plan。

究竟佢只係無哂知覺斷哂片,定純粹訓著咗?

如果係前者,我趁佢咁既狀況亂咁黎,分分鐘比人告我老強。

所以我知每一步都要好小心。

我係床上面轉咗幾次身,撞咗佢幾下。

毫無反應。

行動可以升級。

我攬住佢條腰,然後慢慢掃上去,揸落佢對波到。

佢著住純棉既Bra,唔係咩性感既款式,但係就完全可以感受到胸部入面既肉團係有幾咁實在同柔軟。

佢依然係無反應,我開始伸手入衫裡面,進攻胸圍裡面既本陣。

佢對吸手波同我平時揸開既AA級真係差太遠。

我當時學藝未精,只係識得係平原上尋找小山丘,而唔係好好咁玩弄一對大小適中既美乳,真係哂撚咗。

係我不停既進攻之下,佢既乳頭都變得堅硬起黎。

我亦轉而投向佢一片叢林,準備尋寶。
#61 2017-07-05 20:30:18 縮小字型 放大字型

我一伸手入去佢既私處,我既手指已經沾滿佢既汁液。

我立即興奮到以指尖打圈,幫佢按摩個夠本。

為免誤會咗佢既Signal,我俾26個字母既時間佢,我同自己講「如果佢係畫完呢26個字母之前拒絕我,咁我一定要大方咁俾佢走。」

我右手既食指從打圈變成A、B、C⋯⋯

X、

Y、

Z….

「得左。」

係潺潺水聲發出既同時,我耳邊傳來輕輕既呻吟聲。

我望向Macy,佢依然係無開過對眼。

我唔理咁多,一於就入閘先講。

我直接扯開佢既底褲,將我既肉棒放入水簾洞口,好神奇地一下就入到去。

點解Macy可以咁緊但又咁濕?

呢個絕對係我生命入面屌過最正既閪,簡直係畢生難忘。

當時我已經唔知係幾多點,反正就係深夜時分,我係佢迷糊既狀態下出咗兩次。
#62 2017-07-05 20:31:08 縮小字型 放大字型

唔知係酒精既影響力定我真係好鳩痕,我去到臨天光前又想出多一次。

而佢下體又出奇地一直都保持到濕度。

今次屌到一半既時候,佢似乎醒醒地,同我四目交投。

仆街啦今次。

Macy雙眼迷朦,用一個好疑惑既眼神望住我。

而我既心跳都開始直線上升。

我係咪要比人拉喇?係咪要坐監喇?

死啦老強既話實比人打撚到仆街,玩撚完喇我。

但佢並無反抗,反而好自然咁配合我當下既動作。

原本用緊傳教士既我,比佢攬實我,仲同我打車輪。

係個一刻我心諗:媽呀我成功咗喇!我識咗個SP喇!
#63 2017-07-05 20:33:06 縮小字型 放大字型

我地扑完一次之後就雙雙入睡,直到朝早。
一開眼,我地又再次四目相投。

下一秒佢已經主動錫埋黎,仲自動自覺幫我除褲,連套都唔用就直接坐咗上黎。

「可唔可以射係裡面?」我已經無哂任理智。
「唔好,唔得呀。」佢講完之後就繼續同我既嘴唇交纏。

完事之後我因為有workshop要走先,Macy就繼續訓。

我心入面暗喜食咗個咁正既女,係到盤算緊點樣同佢保持呢段關係。
#64 2017-07-05 20:33:57 縮小字型 放大字型

「好想見你呀,今晚再上你到好無呀。」我whatsapp同Macy講。

「唔得閒。」結果我等咗成個晏就,換黎既就只係冷冷既三個字。

我估唔到朝早先大戰完,晏就居然可以變得咁快,我心諗:「唔通其實係我比人玩緊?」

我完Workshop之後就返咗hall,打算去Macy間房睇下佢發生咩事。

一入到去,見到垃圾桶有一大堆紙巾,而Macy亦雙眼通紅。

我即刻攬住佢,佢無避開,矮我20CM既佢剛好瑟縮係我胸前。

「我覺得我好對唔住我男朋友…」佢一路喊一路講:「我琴晚好唔開心,我唔知可以點好…」

我個刻先知,原來佢都有男朋友。

加上佢曾經深愛過既ex追返佢,所以佢好唔開心。

「我唔知可以點算好呀…你明唔明呀…」

我收起咗輕佻既語氣,轉用一個認真既態度同佢傾佢既感情事。

個晚我地無再合體,只係好單純咁一齊訓咗晚,當然我係攬實咗佢。

第二朝醒咗,我地用一個濕吻黎結束呢段只得兩日既關係。

之後我地既關係似乎已經演變成可以談心既好朋友。

「如果你又有感情煩惱就搵我傾下啦,等姐姐開解下你。搵日出黎食飯啦。」
#65 2017-07-05 20:34:34 縮小字型 放大字型

其實我心裡面仲存有一絲邪念,係咪即係仲有得打友誼波?

不過現實中好多野係事與願違。

過咗兩日,佢既態度突然180度轉變咗。

「我覺得我好對唔住我男朋友。」佢就咁樣拋底咗一句,就block哂所有可以同我溝通到既途徑,正式將呢個似幻似真既關係畫上一個真正既句號。

隔咗成年之後,我同Macy分別地出席咗觀星group既飯聚。

唔同既係,佢身邊已經有另一個男仔,我知果個唔係佢之前口中講既男朋友或前男朋友。

而我同Erica分手之後都有新既女朋友,一個我好愛既女仔。

我地望到對方都好似唔識大家咁。

我地之間既事永遠得我同佢知道。

我決定將呢份回憶比文字好好封存,而我就可以騰出剩餘既腦容量好好愛我而家既女朋友。
#66 2017-07-06 02:50:44 縮小字型 放大字型

《四、Timing 》

係呢間大學終於黎到最後一年了。8月尾又再次搬入熟悉既宿舍。

「等埋!」Chris大汗搭細汗既佢拖住Gip 追入去Lift到。

「唔該、唔該。」Chris連聲道謝Lift內幾個新既臉孔。

可惜,Lift內既人都因為外面太熱而閪哂臉。

唯獨一個女仔閪臉得黎又紅卜卜,幾搞笑,成個小學雞咁。

而呢個女仔,係Chloe。

Chloe唔係一個嬌小型既女仔,只不過搬屋呢啲超粗重事都唯有向爸爸求救,所以搬入黎果日簡直一家大細浩浩蕩蕩咁入黎。

一齊入𨋢既屋企人卻永遠都唔知道呢個𨋢曾經送過幾多隻羊入虎口,好可能包括佢地個女。

幾經辛苦,Chris、Chloe同好多其他既同學仔都已經係宿舍Settle好哂,黎緊星期五樓聚係每層一定有既節目,亦係一餐To see and to be seen既晚餐。

目的係咩?除左各自物色異性之外,仲有識定啲睇落岩傾或半夜救到你命既朋友仔。

例如阿邊個邊個踢波Fit既、LOL有鑽既、鍾意打牌既、主修賭馬既、條女大波既、條仔大隻既、同Major既、有相同興趣既等等等。
#67 2017-07-06 02:52:58 縮小字型 放大字型

Chris同Chloe有一面之緣,不過Chris又無幻想啲咩。

一幢宿舍靚既女仔唔多但亦都唔少,住過一年都已經聽同見過唔少光怪陸離、嚇撚死人既愛情史,性同愛係呢個地方又幾咁廉價,所以都無乜值得期待。

之不過要確保多啲人出席,Tutor都會主動去R下啲新hallmate黎,Tutor叫到,Chris不單要準時到更加要幫手事前Pm下人。

一個新既WhatsApp group最重要係氣氛,Chris引領之下,大家都紛紛報上名來,一堆素未謀面既人突然間變到好熱鬧,其實都幾荒誕。

「有冇人打牌架?」Chris問。

「Me!」未出過聲既Chloe秒回左。

「香港牌?128?」Chris問。

「無問題。」

「好,星期五飯後雀局!」

星期四晚Chris準備打電話去訂枱時,望下WhatsApp 傳緊既出席名單, 發現Chloe原來無留名。

咁但係佢之前又話咗好,見佢幾靚女,唯有PM去確認下啦。

「Friday Join?」Chris好簡潔咁問。

「我應該OK呀,Sorry無講到。」Chloe隔左一陣就覆咗。

如是者,星期五晚就由街外飯局開始,Hall既雀局完結。
#68 2017-07-06 02:55:48 縮小字型 放大字型

Chloe飲咗成兩個鐘都未去過廁所,尿意終於超越左醉意,佢緩緩咁想穿過一條條既死屍走去廁所,之不過佢完全忘記咗Jason怒扔咗果隻玻璃杯。

「小心!」正當Chloe就踩上玻璃之際,Chris一手公主抱起左Chloe。

「屌,有玻璃架!」Chris好自然咁放返低Chloe係無玻璃既另一邊。

Chloe係一刻間醒哂,係到回想究竟岩岩發生左哂咩事。

另一邊,Chris咁做只係出於自然反應之下唔想朋友受傷,換著係on9 Jason佢一樣會公主抱佢。

至於Chris對Chloe有好感又係另一回事。
#69 2017-07-06 02:56:25 縮小字型 放大字型

Chris成晚從食飯到飲酒都特登咁坐係Chloe對面,一係可以自然而唔尷尬地打量Chloe,二係可以同Chloe保持距離。

Chloe絕對算得上個靚女,雖然當佢唔講野又唔笑時望落有啲高傲,但白皙既膚色、自然啡色及肩既長髮同精緻既眉型、紅唇同埋一個整齊對稱既笑容,已經令Chris目不轉睛。

只不過Chris怕既係自己,Chris既過去已經唔能夠用一個「花」字去形容。

Chris 見證亦經歷咗好多荒誕既事。

原本Chris已經做好心理包袱打算最後呢一年係GPA上再創高峰,只差一點點Chris或者就可以直跳上PhD program,踏上自己最夢寐已求既學術殿堂。

理性上,最後呢一年真係完全唔應該投放任何時間係感情上。

可惜,計劃總係趕唔上變化。Chris對Chloe刻意既迴避其實咪就係已經心動咗。
#70 2017-07-06 13:12:59 縮小字型 放大字型

第二朝起身時,睡眼惺忪既Chris一落床望到地下一地垃圾,連玻璃碎都有,見識不少既Chris都嚇左一跳,好彩Chris既Roommate長期都係女朋友到訓,唔係實嚇死佢。

可能係屋企住左成個暑假,酒量差左好多。

頭痛欲裂既Chris突然又想起Chloe。

「11:03 A mess in my room.....」Chris嘗試係WhatsApp同Chloe開展對話。

Chris開始左慢慢執整地既垃圾,完全無為意枱上個電話,Chloe岩岩秒回咗。

「11:04 Need help?」

「11:38 Yes ah」Chris一見到即刻放低哂手頭上既垃圾袋。

十五分鐘後,毫無消息。

「11:46 訓醒未呀」Chris忍唔住補多左句。

似乎都係無回應,Chris見有啲肚餓就決定執埋眼前D雜物就落去食個飯。

「11:53 醒咗。吹埋頭過黎啦,岩岩沖緊涼。」

咁又唯有等埋Chloe啦。

係大家都宿醉既情況下,Chris同Chloe一齊單獨咁係Canteen食左第一次飯。
#71 2017-07-06 13:15:02 縮小字型 放大字型

「係呢,你一陣有咩做呀?」Chris同Chloe講。

「無呀,今日成日都無野做呀。」

「識玩呀,留低成日Hangover。」

「邊有呀,原本都無諗住飲酒既,係真係無野做囉。」

「哈哈,我都無呀。」

「咁執完野不如睇返套戲?」

「我ok呀。」

Chris已經確確實實地心動咗,因為平時既佢一定訓個晏覺,但今日佢地就係Chris既床上規規矩矩咁睇戲。

為求應景又好笑,Chris揀左套自己睇過既Hangover黎播。

眼訓、劇情、內容係呢一個晏晝對Chris黎講都唔重要,因為Chris未敢同Chloe談及私生活既部分,Chris亦未敢置身係一個要做決擇既十字路口。

Chris只着眼咗係目前呢一段自己既小幻想入面。
#72 2017-07-06 13:16:19 縮小字型 放大字型

好多時,人係心儀對象面前都會展現自己可取既一面去討好佢,咁樣又算唔算係虛偽既一種呢?

一連兩晚,Chris同Chloe再係同一張床上面睇戲。

位置不變,變既只係套戲同埋Chris既心態。

漸漸地Chris亦都因為Chloe既關係而嘗試左好多新劇種,例如從來都少睇既鬼片。呢一刻既Chris已經算得上「船已沉」。

Chloe突然挨身向前,讓出左一整個身位,而呢個身位係剛剛足夠一個男性從後熊抱既。

之不過Chris唔係一個猴擒既人,佢靜靜咁伸左隻手臂去搭住佢,一動不動掛左係Chloe既膊頭。

Chloe無反抗。

突然一幕好恐怖既畫面,成隻鬼飛出黎 〈戲名:Mama〉嚇到Chris同Chloe都成個人向後彈,Chris借機會用雙手去遮住Chloe對眼。

最後變成左雙手攬實咗Chloe條腰。

Chloe一樣無反抗。
#73 2017-07-06 13:17:40 縮小字型 放大字型

經驗豐富既Chris係腦海入面不停盤算緊:過去幾日有咁快既進展,而Chloe又唔抗拒Chris伸手攬住佢,唔直接等如「食得」,不過Chloe應該係無男朋友或者同男朋友關係唔好。

Chris滿懷希望,嘗試再進一步,連個頭都挨埋落Chloe膊頭上面。

同先前一樣,十分順利。呢個姿勢保持左無耐,套戲就做完,凌晨五點。

「又5點幾啦。」Chris喃喃自語。

「嗯,咁我返房啦。」Chloe誤會左呢句係逐客令,佢亦企左起身執拾自己D野。

「但係我唔想你走呀⋯⋯」與此同時,Chris走上前從後雙手扶住左Chloe既腰側,希望得到一個正面既回應,連場既勝利已經衝昏哂Chris既計劃。

呢刻,Chloe好似輕左機咁,完全唔識點回應呢個Offer。

Chloe心底裡知道呢一幕遲早會發生,只不過一切都黎得太快,實在無言以對。

「我真係唔想你走,唔知點解,我對你有一種一見鍾情、好Crush既感覺。」Chris忍唔住將樹洞既野都講埋出黎,只望神女有心。
#74 2017-07-06 20:32:14 縮小字型 放大字型

如是者,Chris同Chloe第三個晚上一齊睇戲。

今次Chris手腳好乾淨,限制自己唔好再FF得太多。

之但係睇完既時候又再係四、五點既時間。

「唉,呢家返去實嘈醒Roommate。」Chloe話。

「咁一係你係到訓囉。」Chris已經攤左係床到,準備(自己一個)訓,無心存任何幻想。

「好呀。」Chloe竟然爽快咁話。

起初,Chloe同Chris都安守本份咁係張床上各自修行,直至Chloe就訓著時,好突然咁伸咗隻腳過去夾住Chris既下身⋯⋯

Chris都嚇咗嚇,因為24小時之前先失敗左,而眼前發生既事簡直好似身處平行時空咁,所有野都好相似而又好唔同。

Chris動彈不得之下,擰咗個頭呆望住Chloe:「究竟發生緊咩事⋯⋯」Chris真係睇唔透。
#75 2017-07-06 20:34:11 縮小字型 放大字型

Chloe張開雙眼,兩個人四隻眼係幾厘米既距離互相凝視,Chris慢慢向前,一點一點越黎越近,距離只剩下一毫米時。

Chris知道:Chloe今晚會留低係到。

Chloe既雙唇好軟但有啲凍又有啲乾,Chris起初只敢試探式咁蜻蜓點水。

慢慢口就越張越大,Chris同Chloe不斷係大家口中互相挑逗,你來我往,黑暗既房內就只有呢一把口水交纏既聲音。

同時間,Chris一隻手從Chloe既腰間向上伸,一路經過白皙又細嫩既皮膚,去到Chloe既Bra之下,Chris開始慢慢推進。

首先隔住個Lace Bra享受Chloe既雙乳,Chloe雙乳既觸感比觀感好得多,不大不少又結實,即係男人所講既「吸手波」。

Chloe既每一下嬌喘都鼓勵住Chris再進一步,薄薄既呢一層Lace已經擋唔住Chris既慾火,Chris將雙手放返落Chloe腰間推起左佢件T恤問:「可唔可以⋯⋯?」

「嗯。」Chloe呢一刻唔敢直視眼前即將將自己剥光豬既男人。

T恤之下原來係一個黑色Lace既前扣Bra,好神秘又好性感。

可能係Pad薄既關係Chloe雙乳有少少超出Chris既想像,渾圓又白淨既雙乳,單係近距離望都令Chris扯到鐵咁硬。

佢捉住Chloe隻手摸左落自己既下體,Chloe好合作地咁開始隔住條褲上下套弄佢既鐵棒。

Chris當然不甘示弱,上下其手咁同時從Chloe腰間開始進攻,一邊搓住Chloe既提子,一邊伸去深處既下體。

經過一層絲質滑溜既底褲,Chris既左手好快就到達左平原既盡頭,但係點解好似有D唔同既⋯⋯⋯⋯
#76 2017-07-06 20:35:36 縮小字型 放大字型

「咦,你有剃毛架?」Chris忍唔住問。

「我做咗Laser。」Chloe淡淡咁回答。

「哦⋯⋯」Chris外面盡量表現平靜,但都難掩佢內心既興奮。

Chris覺得自己好似連續中左兩次頭獎咁。

Chris繼續佢既探險任務,緩緩咁伸出食指同中指係Chloe既下體之間遊走,從大脾內側到洞口再到陰蒂,溫柔而穩定咁按摩住呢個即將食用既鮑魚。

Chloe不由自主地加快咗呼吸聲,而洞口都不斷流出黏黏既愛液,Chris轉而集中火力刺激小小既陰蒂。

然而一粒小小既陰蒂又點抵得住兩個指頭既進攻,Chloe唔洗好耐已經全身酥軟,從下體不斷傳黎既快感將佢刺激得忍唔住放蕩呻吟,連原本手中Chris果根陽具都無力捉住。


「喔⋯⋯好舒服,呀⋯⋯唔⋯⋯」

見到Chloe放下矜持,Chris更加猛烈去進攻,彷彿要用兩根手指去征服呢片新大陸。
#77 2017-07-06 20:36:51 縮小字型 放大字型

Chris雙手將Chloe托起成女上男下既姿勢,兩人一路熱吻,Chris一邊褪去自己既短褲,同時又將Chloe既短褲連內褲都除咗。

Chris既陽具就赤裸裸咁頂住係Chloe既已經濕到水塘咁既洞口。

「帶唔帶Condom?」Chris好冷靜咁問Chloe。

「No⋯⋯⋯⋯」

白虎、無套。

Chris聽到之後就被獸性沖昏左頭腦,抱住Chloe慢慢咁從下至上咁插入去呢個未知既洞穴。

溫柔咁一插、一抽、一插、一抽,Chris唔敢太快,想Chloe都好好享受被佢進入黎既呢一刻。

慢慢Chloe適應左Chris根陽具之後,係女上男下呢個姿勢攞返主導。

雖然Chloe唔係一個運動型既女仔,但或者天份使然,Chloe既蛇腰前後前後扭動越黎越起勁,而且不期然咁隨住每一下陽具踫撞到陰道深處而放浪呻吟。

「呀⋯⋯好⋯⋯舒服,係呢到,呀⋯⋯」

係潺潺水聲同Chloe呻吟交奏之下,Chris望住Chloe好滿足咁騎乘住自己,呢一刻佢既世界的確停止左。
#78 2017-07-06 20:37:34 縮小字型 放大字型

Chris見Chloe稍稍放慢左速度,就拍一拍Chloe提議轉姿勢。

Chris從第一日就留意到Chloe豐滿既屁股,一早已經恨不得將根鐵棒從後插入,今晚終於可以願望成真。

Chris指示Chloe狗仔式咁扒左係牆上,而Chris就從後慢慢推進,每一下插入都被豐滿又結實既屁股頂住下陰,Chris因而更加之亢奮,係整枝都插哂入去之後,Chris馬上抽出黎再深深咁插入去Chloe陰道既深處。

越大力,Chloe既屁股就反彈得越勁;

越快,Chloe既屁股就抖動得越有美感。

如是者,Chris單手捉起Chloe雙手既手腕牢牢咁按係牆既上方,並叫Chloe挺腰提臀,每一下既交合Chris都能夠欣賞住眼前既美尻不停咁被自己衝擊。

好不容易,Chloe抵過左呢一輪猛烈既攻擊。
#79 2017-07-06 20:38:35 縮小字型 放大字型

Chloe就攤起床上,分起雙腿,按住自己既陰蒂挑釁Chris繼續進入自己既水洞。

Chris挪起Chloe既雙腿就再次挺進左水塘咁濕既蜜穴。

聽住Chloe穩定既呻吟,Chris一下子將Chloe既雙腿都抬上自己既膊頭,再深深咁填滿呢個水乳交融既下體。

「Ohhhhhhhhhhhhhh」Chloe忍唔住突然既刺激,長嘶左一聲。

「咁樣係咪好正呀?」

「嗯。」

「插快D好無呀?」

「嗯⋯⋯哦⋯⋯好呀,黎呀」

「黎呀,夾緊啲我。」

Chris每一下都用腰力將下身插起,再奮力咁插、插、插、插。

Chris同自己既精子一樣,眼前就只有一個目標。
#80 2017-07-06 20:39:35 縮小字型 放大字型

「呀,我⋯⋯就忍唔住啦」Chris斷斷續續咁講。

Chris用咗最快既速度進出左幾下,Chloe都知道佢就要射,係Chris抽出黎一刻,Chloe好配合咁將用雙手上下不停咁來回套弄根部同龜頭,Chris一下子就係Chloe既雙手之中發射左。

互相用濕紙巾清潔完之後,Chris同Chloe稍稍傾左計就相擁而睡。

第二日,Chloe既早堂已經唔記得一乾二淨。

佢地出去食個晏返到房又做多咗兩次。

當晚臨訓前又黎多一次。

如是者,24小時內呢對新相識既「朋友以上,戀人未滿」就互相慰藉咗整整四次。

一日用六分之一既時間係交配上,係我係宿舍聽過最荒誕既事之一。
#81 2017-07-07 14:16:11 縮小字型 放大字型

老鬼流傳「住Hall一定要試過係同一幢野入邊拍拖」。

呢個特別之處我諗大概就係同Hall拍拖基本上都等如同居,朝夕相見。

係咁intense既環境之下都能夠保到鮮,呢個人一定會係一個好合拍既partner。

Chris同Chloe係翻雲覆雨既一日一夜之後,好多個晚上都同床共枕,Chloe都搬咗成半間房入黎,甚至同Chris既roommate打好關係讓出張空既書枱俾Chloe放化妝品。

Chris好滿足於呢段同居既關係,而Chloe由開始習慣背住Chris黎訓變成主動攬實Chris訓。

呢一個細節Chris都留意到,佢都知道自己慢慢走入咗Chloe既trust circle,成為佢生活中一個重要既人。

Chris好希望呢段時光唔會消逝。
#82 2017-07-07 14:17:14 縮小字型 放大字型

有一日Chris係上堂既時候收到學校既電話,第一次唔聽,第二次唔聽,15分鐘內打左第三次黎。

Chris唯有尷尬地走出細小既課室去接呢一通電話。

「請問陳同學?」

「係,我係。」

「係咁既,宿舍果邊打黎,我地有啲問題,咁就想約你過黎傾一傾,你今日有無時間?」

「下?係關於咩事架?」

「係電話唔方便透露,我地當面講會好啲。」

「好緊急既?」

「都唔係既,不過就最好今日Office hour內過黎。」

於是,落堂Chris就走入咗個Office。
#83 2017-07-07 14:17:55 縮小字型 放大字型

「陳同學,我地日前就收到一位女仔黎投訴指你性騷擾佢。呢份文件係佢就呢件事既Statement。」一位看似中中直直既Staff不帶情感咁同Chris講。

「我係識佢,而且有過親密既關係,之但係Statement內容所指我曾經因為佢拒絕同我發生性行為用暴力對待佢係完全失實既事。」Chris盡可能係晴天霹靂之下保持鎮靜。

「咁啦,陳同學,你先返去寫一份同樣格式既Statement,盡快覆俾我地,然後交由我地處理。」Staff為Chris提供一個客觀既方法。

「好既,我明白,我今晚俾你。麻煩哂。」Chris平淡咁答應。
#84 2017-07-07 14:19:59 縮小字型 放大字型

走出Office既一刻,Chris覺得成個天跌撚左落黎。

點解會無啦啦俾過去既人屈?Chris因為被誣陷而不憤,同時開始好驚會因而失去眼前美好既hall life,更加驚如果呢個臭西屈到佢,咁佢個undergraduate既專業資格就把撚了。

Chris係一個好理性既人,係憤怒之餘,佢用咗一罐可樂既時間,構思好成份幾千字既Counter Statement。

同時,佢打左俾一位Uncle,準備好告Shelby誹謗既價錢。

Shelby同Chris上年識既,當時兩個都單身,所以好快就出雙入對,兩個談天說地傾過好多哲學性既問題,例如現代對婚姻既承諾、洋腸觀等等。

曾經Chris以為遇到最岩傾既Soul mate,日久生情下兩個好快進展到性愛關係。

Chris知道Shelby唔鍾意拍拖,佢唔介意維持咗整整半年Soul mate連SP既時間。

佢地既性關係好平等地各取所需,直至慢慢大家都忍唔住大家既愛理不理,因為兩位都係好放唔低面子既人,於是到最後就鬧左一場大交,然後就各行各路,不歡而散。

呢件事其實已經係幾個月前告一段落,Chris唔明白點解過去既事又突然好似惡夢咁出現。
#85 2017-07-07 14:22:29 縮小字型 放大字型

返到房內,Chloe都岩岩落堂返咗黎係Chris張床度訓緊晏覺,Chloe近來已經係Chris房間自出自入。Chris暫時唔打算同Chloe講呢一件事住。

一、怕Chloe介意自己過去既事,二、眼前最重要既係打好篇Statement,解釋好自己先。

趁住Chloe訓著咗,Chris竭力搵返所有之前親蜜、Flirty既對話、相片,並將整個相遇既時間、細節一一記錄咗係洋灑灑四千字既Statement,Email 寄出既一刻,Chris終於鬆一口。

將剛剛既回憶暫時封存係過去既文件檔,Chris就叫醒Chloe出去食飯。

相隔咗一星期,Chris原本約左Chloe收工後出街食好野。

五點鐘就收工時,Chris收到Chloe無Emoji既訊息。

「我有D野煩緊,今晚先講你知。」

「好啦,小樹洞is ready。」Chris仲懶風趣咁覆Chloe。

「好呀。」

一個鐘後。

「I think I really need to talk with you.」Chloe再次追魂WhatsApp,與此同時大家都迫緊地鐵過海相會。

「好呀,同我有關既?」

「Half la⋯⋯」

歷經成個鐘,Chloe已經係約好既餐廳等緊Chris。

「Sorry呀地鐵多人,遲左好多添。」

「唔緊要呀。」
#86 2017-07-07 14:24:21 縮小字型 放大字型

Chris草草點咗兩個Set dinner都開始聽Chloe傾訴。

「我以前有一個SP,佢知道我同咗你一齊,佢拎以前既野黎威脅我。」

Chris聽到鬆咗一口氣,可幸唔係港女鬧分手。

「咁果啲係咩?」 Chris冷靜咁問道。

「有Snapchat 啲相,佢可能Save低咗。」

「俾我睇下佢點講。」

Chris從Chloe手上接過佢部電話睇,發現其實呢個都只不過係啲小嘍囉技倆嚇下妹妹仔。

「我相信其實佢講就兇狠姐,Block咗佢就得。佢真係周圍唱就出錢告鳩佢。」Chris心裡清楚係無得告既,不過都用呢個誇張法去安撫已經驚到不由自主咁震緊既Chloe。

Chris走咗過去Chloe卡位上面將佢一擁入懷,Chris覺得今晚係一個好時候去講Shelby段黑歷史。
#87 2017-07-07 14:26:34 縮小字型 放大字型

「Chloe未來既事留返係未來擔心。我其實同你一樣都有一D唔係好見得人既過去。上星期我收到一個好壞既消息,我差啲就俾人害死⋯⋯」

呢一餐飯既時間,Chris同Chloe敞開心霏講咗各自隱藏左既過去,彼此了解左好多。

Chris同Chloe終於認識到大家係面具之下另一面。

其實都唔係咁難受。

相反,乜都要收收埋埋,總係有啲野要避忌,呢啲人先更可怕。

「無須再介意與他走過那段奇妙旅程」


當晚Chris同Chloe一齊沖涼既途中,Chris從後攬住左Chloe係佢耳邊溫柔咁咁唱起咗呢句歌詞。

Chris同Chloe幸福穩定咁經歷左大半年同居既生活。

一晚,佢地兩個陪咗個好朋友去廟街塔羅牌問愛情。

Chris認識廟街有一檔準到邪既塔羅牌,Chris曾經係果到聽過令佢心碎既事實。

Chris從果時開始就決定唔再去問自己愛情,佢好怕會自我預言,所以就選擇信住自己同伴侶既Free Will,享受當中既可能性。

即使每次經過油麻地廟街,Chris都會想起裝載係廟街回憶既果位過客,

但同時亦每次都提醒住Chris「珍惜眼前人」。


「I love you, Chloe」

#88 2017-07-07 21:51:04 縮小字型 放大字型

《五、深夜的迷你電影院》


呢一年既感情生活都好唔穩定,好似每當你以為事情會好會定下黎既時候就總有波折。

其實我身、心都已經好疲累實在唔能夠再承受更多既失敗。

同時呢年都係我第一年開始住hall,我無期望會遇見咩人會有著點樣既發展,因為我唔想失望。

與其FF未來將一切都幻想得咁順利不如隨遇而安。

我check in咗之後既果晚已經見到hall tutor開咗whatsapp group add哂同層既人入去。

無咩既,都係好似ocamp group咁上下望住一堆唔識既電話no.係咁彈出黎自介,感覺好老尷。

唯一引起我注意既,係有一個人問:「呢度有無人識打牌」。

老實講我打牌好廢成日輸錢,但係我好鐘意打牌,所以我秒回咗。

咁啱黎緊星期五係我地樓層既welcoming dinner,佢地就約果日打牌。

係呢個group度見到佢好似識好多人咁,我估佢應該住咗好耐。

我其實好怕同人social,特別係唔識既人。

因為我好怕大家之間搵唔到話題既寂靜。

見到好多我唔識既人星期五都出席,雖然我想打牌但始終無即時答應。
#89 2017-07-07 21:54:30 縮小字型 放大字型

隔咗陣電話,「叮」一聲有個未save既電話號碼whatsapp我:「你星期五係咪都黎呀?」呢個人係就係佢。

其實見佢咁問到推咗佢又唔係咁好意思反正又想玩下就當係去見下呢層既人啦。

果晚我遲到佢地已經到齊哂係common等緊。

我諗住快快手返房放低啲野就去join佢地。

係我經過common既時候忍唔住望咗一眼,想睇下一陣同我一齊食飯既人係點。

呢個時候映入我眼廉既係一個好有陽光氣息既男仔,佢帶住笑容同時望向我。

係我繼續向我間房前進既時候我聽到遠處有把男仔聲叫出黎問:「你係咪Chloe呀!」

「係呀,我放低啲野就行得架喇!」為左廢事要人等咁耐, 我再急起腳步跑番房。

沿路行去餐廳既途中佢同我唔經唔覺並排行緊。

「我地一陣食完飯打牌喎。」佢向我講。

「哦好呀。」我有啲怕醜唔係好敢直視佢。
#90 2017-07-07 21:56:29 縮小字型 放大字型

「係呢你year幾架,而家先住hall既?」我地慢慢開始傾下自己既野、起下對方既底,原來佢已經住緊第二年,唔怪得同tutor咁熟啦。

好快食完飯就返黎開枱。

打牌除咗係單純既博奕遊戲外,都係識人最好同最唔尷尬既時候。

因為多數既發言機會都係喺洗牌既時候,到中段大家都忙住專注落自己副牌,dead air變得理所當然,都少咗份突兀。

我漸漸同佢地熟起上黎,開始敢表露多啲內在既我出黎。

甚至佢地之後話想飲下酒玩下酒game我都跟住一齊玩。

果晚我地一齊去咗佢間房飲酒。

一開始計埋我有六個人飲到唔知幾時就變咗得返佢、半醉唔知做緊乜既tutor同另一個女仔。

我都俾酒精沖昏左頭腦,視覺愈黎愈模糊。
#91 2017-07-08 15:51:05 縮小字型 放大字型

果一刻既感覺到而家我仍然歷歷在目。

Tutor同另外個女仔都相繼返咗自己房,我見其他人都走哂咁我都返左房。

第二朝一起身,就見到佢 msg我:「我間房亂到仆街。。。」

而家清醒返先睇到原來我地琴晚搞到佢間房既酒樽同玻璃碎一地都係。

「Need help?」我見自己又無野做,不如幫佢一齊抹番乾淨間房喇,反正自己都有份造成既。

佢叫我陪佢食左lunch先返黎再清間房。其實多數抹野清潔都係佢做,我只係企埋一邊睇佢做。

搞掂哂之後,佢話:「不如我地開套戲黎睇啦,反正要等啲床單被鋪洗好。」

佢揀咗Hangover,話因為我地今日既狀態好似啲主角咁喎哈哈。

我本身都好鐘意睇戲,當晚仲一齊再睇其他戲。

如是者過咗差唔多一個星期,我每晚都會去佢房一齊睇戲。

佢roommate長期都唔係房因為去咗佢女朋友度訓。

呢個咁細小既空間只有我同佢。

我地每次都坐係床度睇有時佢仲會開支白酒出黎邊飲邊睇。有時睇恐怖片佢見我驚會用手幫我遮住對眼之後隻手慢慢就去到我膊頭一直都停留係呢個位無再移動過。

我地大家都好規矩無做啲咩過界既行為。

或者就係因為大家咩都無做,更令我覺得好緊張唔知佢點諗,但我又好怕去猜測我同Chris既關係係點。

個感覺就好似去返中學時候你同一個密友曖昧既同時,又怕萬一走前多一步,彼此既關係就會破裂點都變唔返以前咁。

係呢個深夜既迷你電影院入面。
#92 2017-07-08 15:52:39 縮小字型 放大字型

我地每次睇完戲都五點幾,呢一次都唔例外。

我地睇完戲,見佢望望地電話低頭細細聲講:「又五點幾喇。」

「嗯咁我返房喇。」見佢咁講我以為佢想早啲訓。

「但係我唔想你走…」佢好溫柔好細聲咁講。

我停低左大概係因為我反應唔切呢句話究竟係真定假我有冇聽錯。

佢緩緩走到我身後雙手抱住我條腰,佢無抱得好緊好貼,可能因為佢係到試探緊我既反應。

「我真係唔想你走,唔知點解我對你有一種好crush既感覺…」

佢開咗口踏前咗一步。呢啲係我期待佢會講既野?

我呢一刻好緊張好忐忑,終於聽到我想聽既說話;
但係我無一種想即刻回頭抱住佢既心情,反而係多咗一種不安既感覺。

因為我諗起之前戀愛既失敗,我好怕滿心歡喜開始咗一段戀愛付出自己所有感情落去,之後好快又會失去一切,我好怕又要面對離別既情境。

「Sorry呀…因為我之前既感情狀況實在太亂我地又識咗唔算耐…」我有啲口窒窒,始終要面對面同佢講呢番說話的確唔容易。

我對佢唔係無感覺,只係我怕失去,所以更怕有開始。

我返到自己房之後whatsapp咗佢一篇長文,其實係想同佢解釋返我點解會咁講,同埋我都係想大家再相處耐少少再諗清楚大家係咪真係適合對方。

我段長文絕對唔係好人卡,只係想大家都諗得再清楚啲。

太衝動既決定往往都會造成一發不可收拾既局面。

第二朝佢覆返我:「Morning and wish that’s that.」

「我聽日9點堂今晚唔好睇咁夜。」我同佢講。

所以果晚我都照有去佢度睇戲照舊睇到天光。

但係因為我roommate日日都番早,我怕返到去俾佢見我成日呢個時段先返會嚇親佢。

「咁一係你係度訓?」佢好認真問我。

「嗯….好啦。」
#93 2017-07-08 15:59:22 縮小字型 放大字型

我地兩個身型都唔肥,所以兩個人訓埋同一張床都啱啱好。

起初我背向佢訓之後我轉身面向佢。
係呢個咁靜咁狹窄既環境同氣氛下唔知點解我好想攬佢訓。

我緩緩將手放係佢心口上左腳伸前夾住佢成個身好似攬住個長形公仔咁。

隔咗幾秒我睜開咗眼見到佢同樣望住咗我,我個心跳得好快,我地既距離1cm都無仲越黎越近越黎越近…

佢錫咗埋黎我到。

佢個嘴唇只係好輕輕咁貼近住我,無任何花式。

就好似係測試住我既反應咁。

我無拒絕佢,佢就開始伸佢條脷入黎純熟咁係我口內打轉。

係呢個漆黑既環境彼此身體如此緊貼,呢個氣氛十分引人入「性」。

佢小心翼翼咁將隻手放係我大脾上,好溫柔咁撫摸住我。

呢隻手慢慢開始不安份向上逐吋進攻直達我既雙乳。

佢將手伸入我個bra裡面,我整個胸都俾佢隻手包圍住;

佢一手輕揉我既乳頭,另外一隻手向雙反方向慢動作下掃伸入我既小睡褲內。

果一刻理性既我有提醒自己我地發展得太快,但係呢種氣氛包圍底下我完全被自己既感性支配住,唔去理後果係點,想做就做。
#94 2017-07-08 15:59:54 縮小字型 放大字型

佢原本只係隔住條底褲輕撫我已經濕潤熾熱既下體,然後漸漸竄到我既底褲入面觸碰到我敏感既陰蒂。

佢修長既手指係我下體加快挪動,每一下既頻率都令我好似觸電咁,令我忍唔住叫咗出黎。

「啊….」

佢示意我脫下底褲,我十分配合佢,好快就除咗。

我內裡既感覺好強烈好想要… 呢個咁靜既環境下佢既手指同我濕潤既下體摩擦出「滋滋」既聲音環繞住呢個只有我同佢既空間。

我控制唔到自己既身體騎咗係佢身上。即使隔住佢條孖煙通我仍然感覺到佢下體係幾咁硬。我爽快除哂自己上身既衣服,一絲不掛咁坐係佢面前。

窗簾下透射出既暮光為我赤裸既上身增添左幾分朦朧美,看似睇到,又看似睇唔到。

我毫不吝嗇咁將我白滑既雙乳向前塞到佢口中,等佢用舌頭調戲我既乳頭。

「帶唔帶套?」睇黎佢已經忍唔住我地雙方既挑釁想要狠狠咁懲罰我既下體。

「唔好,我覺得好似太快…」我諗起琴日自己作出既決定帶起半點猶疑。

佢好似只係聽到我前半句,聽漏咗後半句,心急既佢已經把又熱又硬既陽具頂到我門口越推越入。

過程好流暢,因為我已經濕到一拮就入哂緊緊將佢粗大既下體啜實。

我好舒服,舒服到唔想停落黎,我再次被感性既自己徹底噬蝕咗,自動自覺咁扭動我條腰。

呢種感覺好奇怪生理上的確好刺激,但係心理上我搞唔清:
究竟眼前同我做愛既呢個人係咩身份?

男朋友又好似未係。SP我都唔知。我不禁反問自己一句「唔通呢啲就係所謂既hall life? 」
#95 2017-07-08 16:00:40 縮小字型 放大字型

完事後我地一齊訓到晏畫。

自從呢日之後我同佢有繼續聯絡,同時亦有繼續做愛做的事,
即使我仍然未係好知自己想點。

我渴望得到愛情但係我更怕失去好怕投入之後會無結果。
不過我注意到佢對我既態度變得唔同咗。

佢對我既溫柔比之前更多,就好似我已經係佢女朋友咁。

我開始感受到幸福,呢種感覺唔係單單只係建基於床上面。

而同佢一齊既感覺好舒服好自然,我地既同居生活亦悄悄地展開咗。

我決定咗要好好留係佢身邊。
#96 2017-07-08 16:01:47 縮小字型 放大字型

見住身邊既朋友可能同我有一樣既經歷,但佢地既關係就未必好似我同佢咁幸運,

我就不禁係到諗,到底hall呢個地方係咩一回事。

其實呢到好似一個大型既培植皿咁,宿生就係培植皿入面無數既細菌。

原本互不相識既人都因為宿舍而聚首一堂、日對夜對,睇戲飲酒係好基本既活動;

而往往呢啲活動就係發展出不同男女關係既源頭。

好彩既就可以開花結果;唔好彩既只可以係呢個大染缸繼續輪迴,等待有開花既一日。

一個星期由相識到扑野,到拍拖;假設無咗hall呢個場景,一切又可唔可以發生得咁順利?

有hall呢個咁密集同方便既環境作為催化劑,種種各式各樣既男女關係先可以萌生得咁快。

對我黎講,識到佢,就係為我既hall life湊上一塊完整既拼圖。


「I love you, Chris」

#97 2017-07-08 21:00:06 縮小字型 放大字型

《六、有食唔食罪大惡極(1)》


「今晚你房有無人呀?」

「你知呢排阿軒好少返黎架啦。」

「咁我一陣去你到啦。」

我深深咁吸咗一啖氣,Emily又過黎我到。

唔知今次會發生啲咩事呢?我諗都唔敢諗。

因為我怕好似之前咁乜都發生唔到。

------------

話說,同既Emily既認識係因為係入hall無耐佢地三缺一搵咗我去頂。

Emily係個上莊老鬼,好似第三年住hall。

而我今年第一年入黎住,乜人都唔識,好彩我roommate阿軒係上莊,將我帶入佢地個圈子,我先唔洗做頹摺毒撚。

一開頭見到呢個女仔,我對佢印象都幾好。

可能因為我都有做開運動既關係,見佢一身健康膚色加埋有少少肌肉既腳,個樣笑起上黎仲有酒渦,都幾唔錯。

不過阿軒話佢已經有男朋友,成日揸架跑車黎接佢,好撚有錢架喎。

我聽完之後唯有黯然收皮喇,這些機會不是屬於我的。
#98 2017-07-08 21:01:31 縮小字型 放大字型

有次半夜,我睇睇下達哥覺得飢寒交迫(誇張姐,個時仲未冬天),我出咗COMMON諗住屌個營多,就咁岩見到Emily係到煮野食。

夜媽媽通常都係煮個公仔麵就算,我好奇一望,屌,佢係到整緊臘腸蒸雞飯。

「嘩,乜你咁有閒情逸致整雞飯呀。」我忍唔住講。

「呀,係你呀。無呀見肚餓又有料咪整囉,掉哂落電飯煲就係架喇。有好多呀,我一個人都食唔哂,你食唔食啲?」佢好似有啲意外我會搭嗲,因為上次打牌我地幾乎無乜交流過,除咗碰同食之外。

「有我又唔區呀,本身我都係頹食營多咋嘛。」

之後我同佢就坐低係到食雞飯,順便傾下計。

「係呢你點解會入黎呢個hall既?」佢一路含住啖飯一路問我。

「下,咩點解會入黎,比人派入黎囉。」

「頂,我夠知啦,問你點解唔揀其他好玩啲既hall揀呢到呀,個個都話我地hall摺。」佢反咗下白眼,之後望住我講。

「er…無呀,咁我本身都唔係話玩得好癲個啲,我都係求其reg架咋。」我心諗我呢啲毒撚,去邊都係咁上下啦,好似係。

「不過你識著我地好彩呀,我地成日會打下牌飲下酒咁。你係阿軒roommate,實預埋你架喎!」佢燦爛地笑咗下,之後好大力咁拍落我背脊到。

「哈哈,多謝多謝。」

之後佢講下hall以前啲野比我聽,1樓Kelvin同5樓Candy以前拍過拖;10樓Tiffany又食過同層幾條仔;3樓個樂仔原來係食女王黎,講下講下就天光。

「嘩屌,六點幾架啦。」我望一望出面,個天已經開始光,再望下部電話。

「好閒姐,我成日都天光先訓架啦,幾年都係咁。」佢伸一伸懶腰,之後打咗個喊露。

「呀叔屌唔住啦,我要訓啦,一陣仲要上8半堂。」

「垃圾,弱者先要訓覺架!」佢似乎無打算訓既意慾,仲笑鳩我廢。

「咁我唯有認我係弱者,我返房先啦大佬。」
#99 2017-07-08 21:03:14 縮小字型 放大字型

自此之後,我同Emily就熟咗好多。

有時就算無其他人係到,我地都會一齊食下飯或者半夜出common吹下水咁。
有一次,半夜三更我又睇緊達哥,有人拍我道門。

一開門,見到Emily個樣好憔悴咁,對眼仲好紅好似喊完黎咁。

「你做咩呀?」我盡量放輕聲線,廢時嘈醒阿軒。

「Andy,佢,出面有第二個。」佢好似好冷靜咁講,但聽到佢把聲震緊。

「下?唉唔好企係到講,我地出去講好無。」我廢時阿軒醒咗係到問三問四,因為佢唔知我私底下同Emily咁熟。

我地出到common,佢就係到喊。我乜都無講,淨係借咗個膊頭比佢挨,因為毒撚係唔識安慰人既,而我就係呢一類型既毒撚。

我知係人地喊既時候叫人唔好喊係講廢話,所以我連呢句都慳返。

「你有咩想講就講啦,我會聽你講。」我唯有咁講。

「我好信佢,佢要上莊佢要跳舞我咩都比佢玩,從來無管佢,點解佢要咁對我……」佢抽搐住咁講,把聲愈黎愈震,講真我見到佢咁個心都有啲唔係咁舒服。

「咁有時男人貪新鮮呢家野,都唔係話你對佢好就避免到既….」我好老實咁講,講完就知自已奶野。

「係咪個個男人都係咁?連你都會係咁?」拿,我估到架啦,都估到佢會咁樣問。

「又唔係….你知呢個世界到到都有好人同壞人,你唔好彩遇到仆街姐。」

之後佢無再出聲,繼續靜靜地咁流眼淚。
就係咁,我就硬咗成晚,我講個膊頭。

因為比佢挨住真係好撚攰,我又眼訓到死。

不過佢喊哂咁我都唔忍心話返房訓。

唔知過咗幾耐,佢就開口話:「今晚阿婷唔返黎,你黎陪我好無。」

下?
雖然我知我唔應該心邪,但係夜媽媽一男一女係房,好易出事架嘛係咪先。

「會唔會唔係幾好呀。」我嘗試說服佢自己返房算啦。

「我真係好想有人陪我,你咩都唔使做,淨係坐係我隔離就得。」佢雙眼好空洞咁望住common門口。

「但係…..」

「就當我求下你,一晚咁多。」

「咁,咁好啦。」見佢講到咁,我諗唔到再有咩理由推佢。
#100 2017-07-08 21:06:17 縮小字型 放大字型

入到佢房,佢話想沖個涼先,我就坐係佢張床到等佢。

女仔房果然係唔同啲,留意返唔係話緊佢好整齊,係啲野真係亂到仆街。

啲衫又成床都係,睇個款似係洗完衫成籃倒落黎,摺都無摺過。

不過呢到有陣女仔既香味,聞落又唔似係香水,我諗係沖涼液既味掛。

我掃到牆上面好多即影即有既相,有部份係hall既人,其餘既都係佢同Andy既合照。
我仔細一睇,相紙既白邊全部有哂日子、個日係咩紀念日呀日子之類,仲有啲心心係隔離。

睇得出Emily真係好鍾意Andy。

「你係到望咩?」Emily係廁所行出黎,濕住個頭咁望住我。

「下,無呀,未入過女仔房嘛,咪望下有咩唔同囉,哈哈。」為咗掩飾我偷緊緊佢同Andy啲相,我扮哂野咁周圍望。

「痴線,咪又係咁。係呢我間房真係好亂,唔好介意。」佢心情好似好過頭先少少,仲識話自己間房亂。

「哦,小事啦,我同阿軒都係咁上下。」其實男仔房係整齊過呢到好多,起碼我房係囉。

之後我地靜咗落黎,佢無出聲走咗去吹頭。

我覺得呢個氣氛好尷尬,但又唔知點樣去打破好,所以我都選擇咗沉默。
#101 2017-07-08 21:07:01 縮小字型 放大字型

過咗唔知幾耐,佢個頭都吹完,佢就話:「不如飲少少酒。」

「你有酒咩?」我希望佢無。

失戀既人飲酒好大獲,一個唔小心醉咗就肯定又喊到豬頭咁,到時我真係唔知點算。

「有呀,長期有酒係到,Andy買落架,哈。」佢冷笑咗一下,之後爬上個櫃頂到拎咗枝Whiskey落黎。

我地無mixer係手,所以就咁飲。

老實講,都幾焯喉,可能因為我唔係好飲得既關係,好似火燒喉嚨咁呀屌。

Emily隻手無停過,自己飲完又倒比我;好快我地已經飲咗大半枝,我同佢塊面應該都紅過關公。

「喂,你好廢囉,咁快就紅哂。」Emily把聲嗲咗好多,講呢句野個時笑到對眼都唔見埋,我諗佢都開始醉。

「你都戅鳩既,呀叔我不知幾清醒。」其實我都有啲暈暈地,所以成個人不由自主地挨咗係床邊。

「收皮啦,男人老狗咁快就唔得,點樣出去溝女呀你,哈哈。」佢坐係我隔離大笑,之後成個人挨咗落我個身到。

我望一望佢,其實佢笑起上黎真係幾正。雖然佢本身唔係話係女神級個種女仔,但係我好鍾意啲笑得靚既女仔。

「望咩呀你。」佢把聲比之前仲嗲,我諗佢已經到頂。

「你醉啦,訓啦柒頭。」我拍一拍佢個頭,之後想搬返佢個人落床到,等佢好訓啲。
#102 2017-07-08 21:08:02 縮小字型 放大字型

就係我移動緊佢之際,佢一野箍住我條頸,然後就錫咗埋黎。

我完全反應唔黎,比佢錫咗之後成個人醒撚哂,過咗一陣我就推開咗佢。

「Emily你醉啦,唔好玩啦。」有個女仔咁主動咁擒上黎,其實好難唔心動,但係我知佢只係飲大咗先咁樣,我唔想清醒之後無咗個朋友。

「做咩呀,我好差咩,點解要推開我……」佢扁住嘴咁望住我,唉屌大佬今次我真係硬哂,點搞呀。

「唔係…..」我唔識答佢,唔通話其實我留意咗你好耐你真係好撚正我都想食你但可惜你有仔呀我無得屌呀哈哈咁咩,我講唔出呀。

之後佢無理我,佢今次直頭成個人擒咗上黎,捉住我個頭咁錫我。

呀叔我既定力已經去到盡,加上酒精既催化,我無再理咁多,好熱情咁回應返佢。

我一隻手托住佢個頭,另一隻手揸佢個波,而佢隻手都係我褲浪邊到游走。

佢慢慢除咗我條褲,隻手上下咁套弄我既硬物。

佢好識玩,chok咗陣就趴咗係我面前,用口幫我。
#103 2017-07-08 21:08:21 縮小字型 放大字型

唔知係咪Andy調較得好,佢啲牙就算會磨到我都唔會好痛,仲要幾舒服。

我一路摸佢個頭,佢就自動波咁移動佢個頭部。

佢含幾下又用手幫我chok幾下,速度忽快忽慢,突然間有一下好大力咁吸吮我,嘩屌酸軟到,我即刻成個人醒一醒。

「嗯,可以慢啲。」我輕輕掃佢啲頭髮,再同佢講。

佢好聽話,放慢咗個節奏,仍然係好舒服。

去到咁上下臨入閘前,Emily吹我耳仔,我最敏感既地帶。

我個腦即刻諗起可兒。
#104 2017-07-08 21:08:39 縮小字型 放大字型

可兒係我個ex,我地拍咗拖兩年,幾個月前因為佢派帽比我所以分咗手。

平時我同佢扑野個時佢都好鍾意吹我耳仔,話好鍾意見到我好敏感果個樣。
一諗起呢個位,我充血既部份好似漏氣既汽球咁,慢慢變細。

我居然咩慾望都無哂咁濟。

「喂呀你做咩停哂手呀。」Emily繼續挑逗我,不過我知道我已經軟哂。
「sorry呀,不如我地早啲抖啦。」我真係繼續唔到,唯有咁樣講。

佢個樣好似好失望咁,但係我諗佢都知我軟哂,所以都無講啲咩,就背住我訓咗係到。

我覺得男人老狗咁樣話唔得其實好撚柒,都唔知話係我有恐懼症定點,總之一諗起可兒我就無哂任何性慾。

就係咁,我地呢晚除咗錫同摷,我地係落唔到下步,因為我。

唉屌,今鋪真係無撚用。
#105 2017-07-08 22:40:21 縮小字型 放大字型

同埋見大家都唔係好妥Chris個結局,等我解下話。

首先,塔羅牌果到係想講 每個人心中都有一個得𣎴到既目標,儘管偶然會FF,但呢個係愛情遊戲既core, 學會 珍惜 之前都必須經歷失落既可怕既,同面對自己以前既錯誤(Chris 既以前)。

至於,I Iove you Chloe 呢句,上集有巴打估到少少,就係[女同phd點揀] Chris 講i love you 其實係指佢選擇左前者
#106 2017-07-09 13:41:50 縮小字型 放大字型

《七、我們仨》


記得我啱啱入hall果陣咩人都唔識,我遇到我第一個係hall既朋友。

佢係同我一樣打開壁球既Dennis。

我地兩個係中學既學界已經識,不過完全唔熟。

後尾升咗上黎大學之後都會撞到下,都會打下招呼咁。

「咦,Mavis,你住呢個hall架咩?」嗰時Dennis一入lift見到我,佢一臉驚訝。

「係呀,我啱啱調咗過黎,之前個hall太嘈,我頂唔順。」我吐吐舌頭同佢講。

「哦,咁真係橋喇。我都係呢個hall架。你幾樓呀?」佢好淡然咁問。

「二樓。」

「屌,我又係喎。得喇,得閒介紹啲friend比你識。」

臨出lift前,Dennis補多句:「係呢,你識唔識打牌?」

「識既,不過好廢架喎。」我有啲尷尬咁答佢。

「掂喇,下次打牌搵你。」佢拋低呢句。

就係咁,我地交換咗電話,就各自返咗房。
#107 2017-07-09 13:42:36 縮小字型 放大字型

「Hey, 係hall?」過咗兩日,我收到Dennis第一個Text。

「做緊project呀,做咩?」我隔咗一陣睇到電話就覆佢。

「打唔打牌呀而家?我地三缺一喎。」

「但我趕緊Deadline喎,晏啲打通宵就得。」

「其中一隻腳隔離hall架,咁唯有下次喇。」

呢次之後,Dennis都有再問我打唔打牌,但好多次都夾唔啱時間,所以就成唔到事。
#108 2017-07-09 13:42:59 縮小字型 放大字型

直到有次,佢問我睇唔睇joint hall既足球比賽。

「You go soccer tonight? 」佢係晏晝問我。

「幾點架?我未做哂功課呀。」我心入面諗,我係hall咩人都唔識,就咁去睇好似好戅鳩好odd。

「八點半就完架喇,一齊去啦。」佢咁樣答我。

嗰時我見佢誠意拳拳咁邀請我,我出於新人入hall既心態都唔好意思推佢,唯有應約。

「7點lobby等喇。」

我抱住個戰戰兢兢既心情,換好衫就落咗去lobby。

「Mavis,呢個係我女朋友Sonia,呢個係Connie,都係我地層架。」Dennis隔離企咗兩個女仔,佢地兩個都幾靚女,估唔到我地hall既女仔質素都唔錯。

「hello,我叫Mavis呀。」我同佢地打咗個招呼,我地就一齊行去球場。

沿途上我同兩個女仔無乜交流,全程同我傾計既都係Dennis。

「你想return既話一定要參與多啲hall既活動,唔係既話無人認得你,唔會return到架。」佢好熱心咁同我講hall黎緊有咩活動,叫我一定要參加。

「哦,好呀,有咩叫我囉。」第一年住hall既我咩都唔識,唯有附和一下已經住咗兩年既老鬼Dennis。

呢次我同Sonia同Connie都無太多既交流,唔知佢地係咪唔想同我講野呢。

之後每次叫打牌,都會係Dennis同我聯絡先。

即使打咗幾次,我同Sonia既關係都唔算話熟咗好多。

可能因為我同Dennis本身就識,我覺得佢已經係我喺hall最熟既人。

「今晚一唔一齊食飯?」Dennis幾乎隔晚就會問我一次。

而我知道,佢問我既同時,一齊食飯既意思唔係同佢兩個人食,而係同Sonia三個人一齊食。

「呢個組合都幾老尷喎。」我暗忖。

不過我得閒都會照去食,反正我平時都係一個人食飯。

多兩個人陪我講下野好過無既。
#109 2017-07-09 13:44:25 縮小字型 放大字型

隨住打牌既次數增多,我同Sonia兩個女仔就開始熟絡起黎。

我地兩個都唔祟韓,反而都係上開高登,仲係年資頗深既會員。

因為呢樣野,將Sonia同我既距離拉近咗好多。

我無諗過一個靚女會咁毒。

「喂你有無睇呢個post呀,好撚好笑。」佢開咗條link比我睇。

「屌有呀,真係笑到仆街。」

而女仔正常都會化下妝買下衫咁,我同Sonia既衣著風格又好相似;

我地之間既話題基本上係無窮無盡。

加上我同Sonia都係超級夜貓黎,呢種作息時間令我地就算忙完成日,夜晚返到hall都會有得見面。

同層最好既就係,我一返黎佢地就會探個頭出黎。

「喂Mavis你又咁夜既屌!」Sonia最鍾意捕捉我啱啱返黎個樣。

我地既友誼就係呢個環境下萌生出黎。

之後既時間,我開始成日係Sonia、Dennis呢對情侶間房到出出入入,原因不外乎係一齊吹下水、飲下酒或者睇戲。

呢啲就係hall既日常生活。

雖然好平凡無咩特別,但呢啲就係現實生活。

我地每日就係咁無聊咁過。
#110 2017-07-09 22:00:55 縮小字型 放大字型

「Mavis,我地星期日去打下波好無呀?」嗰日,Dennis走黎拍我門。

「下,你唔洗陪Sonia咩?」因為佢地兩個係形影不離個種情侶,好少可見佢地會分開活動。

「佢個日跟屋企人返大陸呀,所以得返我係hall咋。」佢苦笑咗一下。

「哦,即係搵我攝時間喇。」我扮嬲咁講。

「又唔好咁講,我好耐無打喇,平時又無人陪我打,有你就fit哂喇。」佢笑咗笑,之後拍一拍我膊頭:「一於咁話喇。」

結果星期日因為我地大家都訓到好晏,我地無去到打波。

「食野?」一起身我就見到Dennis既whatsapp。

「OK. 」

我地第一次一齊食飯,係無Sonia既情況下。

「自從上咗u之後,我好少打喇已經。」Dennis講緊壁球。

「我都係呀,生疏哂,完全打唔返中學個時既水準。」

「屌,唔得,我一定要練返波。你要同我去打呀,唔係我都搵唔到人同我打。」佢雄心壯志咁講,似乎好有決心。

「都得既,我唔洗幫人補習咪打下囉。」

「一於咁話喇!」
#111 2017-07-09 22:01:24 縮小字型 放大字型

日子好快去到Sem Break,我見佢地既時間比以前更瘋狂。

因為我同男朋友係Sem Break前分開咗,以前一個星期總要抽一、兩日出黎拍拖;然後又要用一日返屋企食飯同過夜,所以係hall既時間都唔係百分百。

到Sem Break,我完全將我人生既時間奉獻哂比hall。

因為我已經無咗愛情,我連屋企都少咗返去。

「好多assignment做,好忙呀,下次先返黎食飯。」我總係咁樣推搪我阿媽。

實際上我己經放緊假。

點解唔返去?因為有Dennis同Sonia囉。

「Mavis今晚打唔打牌呀?」呢句基本上我每日都聽到。

我好似一個職業賭徒咁,每晚既Routine就係打麻雀。

而我同Dennis、Sonia就係永遠既鐵腳。

呢個組合無論係食飯、打牌、飲酒,全部都會套用得上。

我地三個開始形影不離,每次係旁邊望住佢兩個,我都好羨慕佢地。

因為佢地兩個真係好Sweet好幸福,我都好想置身其中。
#112 2017-07-09 22:01:54 縮小字型 放大字型

有次我問佢地借野。

「喂,我係Mavis呀。」我一路拍門一路叫。

我聽到入面有聲,但係我唔係好聽得清楚係咩聲。

我再拍多次:「又話可以借柔順劑比我,快啲喇趕住洗衫呀屌。」我大叫。

之後我就見到Dennis whatsapp我講:「吹緊頭,你轉頭黎呀。」

個刻我知自己差啲比人燒春袋,好彩我無咋!

隔咗成個鐘之後Dennis拎住枝柔順劑黎搵我:「喂頭先sorry呀,吹緊頭。」

「扮咩吹頭呀,扑野就扑野喇。」我毫不忌違咁講。

「 衰野唔好講,得閒要做下正經野架嘛。」Dennis笑咗一下。

「喂係呢,呢個星期日再去打波好無呀?」Dennis問。

「好呀,反正我無咩野做。」

「Sonia都黎呀,佢都話想玩下。」

「好呀,我地一齊教佢打囉。」
#113 2017-07-09 22:02:55 縮小字型 放大字型

去到當日,我地三個一身運動裝束去到體育館。

Sonia對壁球可以話係零接觸,我地單單係教佢開波都教咗成個鐘。

「屌你,好廢呀你,教極你都唔識既。」Dennis笑Sonia,然後再攬住佢錫咗佢額頭一啖。

「食屎喇,咁我又未學過。你知我好少做運動架啦。」Sonia好侮氣咁講。

後尾Sonia索性放棄埋,坐咗係場邊。

「我唔打喇屌,好難呀。」Sonia好洩氣咁講。

「你抖一陣先喇。」我係場中間大叫。

「Mavis,黎場認真既」Dennis等左好耐。

於是乎,個場得返我同Dennis係中間。

我地兩個係中學都有參加學界,話就話耐無打會生疏,但實際上一打就pick up得好快。

我地兩個一來一回咁打咗好耐,打到成身都出哂汗。

「喂Mavis你好野喎,又話好耐無打生疏哂,吹水既。」Dennis執波時講。

「你都唔弱呀,扮咩要練返呀,唔洗喇,可以直接打大專杯架啦。」我都順勢送頂高帽俾佢:「到時實拎硬冠軍!」

「屌你喇,over哂啦。」Dennis聽到都笑左出聲。

之後我望返轉頭,見到Sonia係到㩒緊電話。

佢塊面閪閪地,好似無乜表情咁。
#114 2017-07-09 22:03:21 縮小字型 放大字型

「喂,你望下Sonia,佢係咪嬲呀?」我撞一撞Dennis,眼尾望住Sonia個邊。

「下,唔會掛,無啦啦嬲咩呀。」Dennis對女人真係唔了解。

之後Dennis行咗過去Sonia身邊,佢地講咗幾句野之後Dennis向我呢邊大叫:「喂,不如行啦!肚餓呀。」

我地三個去咗食吉野家既下午茶。

「隻生蛋真係好核突,你地要唔要?」Dennis叫咗溫泉玉子牛肉飯,但原來佢唔鍾意食生蛋。

「我要!」我同Sonia異口同聲咁答。

「咁你要喇,廢時食你條仔啲野。」我笑住咁答佢。

「無所謂呀,你想食既話比你囉,反正我本身都有一隻。」Sonia個碗都係溫泉蛋牛肉飯。

「咁我要架喇,我真係好鍾意食生蛋,撈飯真係好正。」我好老實咁講。

「係囉,真係好撚正,Dennis你唔識食呀。」Sonia和應我。

「你地兩個啲口味一撚樣既,都係咁核突。」Dennis反咗一下白眼。

「梗係喇,唔係我地點會咁friend呀。」我地對大家打一打眼色, 就好似去返女校果陣既生活,心有靈犀。
#115 2017-07-10 20:33:16 縮小字型 放大字型

有日Dennis唔係hall,Sonia走黎拍我門。

「Mavis,聽日食唔食lunch呀 ? 」 Sonia問。

「Sorry呀,我聽日約咗返中學搵miss食飯。」我望一望電話個schedule。

「Oh,係喎,你中學就識Dennis,你學校都係九龍塘架?」 Sonia好奇一問。

「係呀,咪就係校服好靚果間,哈哈。」我沾沾自喜咁答佢。

「嘩,睇唔出喎Mavis, 原來我地間中學係死敵黎架! 」 Sonia 好驚訝咁講。

「嘩屌,世界咁細!咁你咪同果個Cynthia 同屆?聽講佢好識玩架喎。」

「竟然傳到你地到,好誇張囉。我小學就同佢同班架啦,佢只係份人熱情啲姐。」

兩個八婆仔竟然回想舊事,傾左足足兩個鐘。

原來Sonia 果種熟悉感係黎自一個咁類似既過去。
#116 2017-07-10 20:33:49 縮小字型 放大字型

去到一月頭,Sonia同屋企人去咗旅行,得返我同Dennis係hall。

「好悶呀,有咩搞呀。」Dennis whatsapp我問。

「無呀,我都係喺房睇緊劇咋。」我答佢。

「屌,咪睇啦,不如一齊落去跑個步。」

「好攰喎,唔好啦掛。」

「屌你,跑喇,又話自己肥,當比個機會自己郁下囉。」

「唉好喇。」

我地兩個去咗宿舍附近既運動場跑。

「係呢,你同Sonia其實一齊咗幾耐?」雖然我同佢地好熟,但我其實都唔係幾清楚佢地一齊咗幾耐,因為佢地望落好似一對老夫老妻咁。

「唔係好耐架咋,暑假先一齊既。」Dennis答我。

「哦….仲以為你地一齊咗好耐添。」

「玩hall o先識既,上年佢唔係我個層架。」佢抹一抹額頭啲汗。

我地之後就無再講野,大家各有各跑。

一路跑一路傾真係好攰,好快就會無哂氣,全程跑住傾只會係電視劇出現。

跑完之後,我地坐咗係場邊拉筋。

「咁你呢?」Dennis撞撞我個身。

「我咩呀?」

「你同你個ex呀,做咩分手既,唔係好地地既咩。」

「哦,無呀,淡咗嘛。」呢個唔係敷衍佢既對白,而係好多時當一對情侶去到唔同既環境同圈子,溝通就變得好困難,進而就各散東西。

貪新忘舊係件好恐佈既事,偏偏大家都無法避免唔做呢件咁可怕既事。

呢個係個好仆街但又好現實既真相。

「咁你ok呀嘛?」佢好少可地關心問。

「無事呀,大家和平分手既。」我短短一句答佢。

「唔緊要喇,hall大把仔,好快你就出Pool架喇。」佢拍拍我膊頭,之後我地就返hall。
#117 2017-07-10 20:35:07 縮小字型 放大字型

而呢幾日我同Dennis日日都見。

因為假期既關係我補開習既學生都去哂旅行,我除咗補習之外都無其他工返;

而Dennis本身就係廢青,佢連工都唔洗返。

「大佬,黎緊成世人流流長都要返工,成世人喎!而家咁早返黎做咩呀。」佢成日都咁樣講。

雖然我都係咁樣諗,但係哪有錢呀你老母。

有晚,我收到Dennis既求救電話:「Mavis…你係唔係hall呀…」佢把聲好似好辛苦。

「我係呀,做咩事呀?」我有啲擔心咁問。

「我應該發燒…個頭好慶….好撚辛苦…」

「下?咁我黎你房喇。」

因為佢同Sonia慣咗唔鎖門,我一推就入到去佢地房。

我見到Dennis面色蒼白咁攤係床上面,同平時好有活力既佢判若兩人。
#118 2017-07-10 20:35:45 縮小字型 放大字型

「喂你點呀,無事呀嘛?」我走去佢床邊摸下佢個頭,真係好熱好熱。

「屌,唔知做乜無啦啦病撚咗,全身都無哂力…」佢氣若游絲咁講。

「唉你咁廢架,咁你睇咗醫生未?」

「睇條撚咩…我床都落唔到呀,唔係做咩要叫你黎。」佢好無力咁笑咗一笑。

「咁你係咪想我扶你去睇醫生呀?」其實我都有啲擔心佢。

「而家咁夜,要睇又要去排急症,等得黎都天光,真係不了。」佢仲識得講笑。

「咁你又叫我黎?我黎都幫你唔到架喎我又唔係醫生。」

「你可唔可以幫我去買啲藥,同埋我成日無食過野好撚肚餓….」

「唉,好喇,見你咁慘。你差我好撚大個人情呀下,遲下要還架!」我笑住咁拍咗佢個頭一下,就出咗去幫佢買藥。

因為夜媽媽係hall附近都無咩野食係啱一個病人食,我唯有搭的士出去幫佢買粥。

「你唔好搭巴士個啲戅鳩野出去喇,搭的士啦,啲錢入我數。」我係的士上面收到Dennis既whatsapp。

「呢個梗係啦,洗你講。」

我拎住一碗皮蛋瘦肉粥同兩盒成藥返黎既時候,我見到Dennis已經訓著咗。

「Dennis?」我輕輕咁叫佢,但佢似乎訓得好冧。

我唔想嘈醒佢,所以放低啲野就走咗。

第二日一起身我就見到佢既whatsapp:「多謝你救我一命呀,Mavis。」
#119 2017-07-10 20:36:10 縮小字型 放大字型

難得呢幾日我無野做,我原本就決定係Hall到煲劇訓覺,不過廢青到盡頭又有啲悶。

「我想去行夜山,你有無興趣?」我心血來潮想行山兼睇星,所以就問埋Dennis。

「幾時?隨時行得架喇,你知我無野做架喇。」

「擇日不如撞日,就今晚喇!」

「怕你呀,go囉。」

夜晚食完飯,我地執好哂行山要用既野,就向住西貢出發。

我地打算行完麥理浩徑就直入西壩。

「你屌唔屌得住架。」我地等緊巴士入西貢既時候佢問我。

「痴線,屌唔住就唔會叫你行喇,我上年暑假成日行山架。」我自信滿滿咁答佢。

「一陣唔好叫救命呀,我唔會狽你落山架。」

「得喇得喇。」
#120 2017-07-10 20:36:54 縮小字型 放大字型

行咗接近四個鐘,我地先行到去西壩,個時係凌晨兩點。

「嘩,好攰,痴線。」我拎咗枝1L大水出黎飲,一口氣已經灌咗三分一落肚。

「都話你廢鳩架喇,你睇下我,氣都無喘過。」Dennis係原地跳咗幾下,仲好生猛咁。

「咁你係男仔,點同呀屌。」我不甘示弱。

今晚可能係閒日,成個平地人煙稀少,除咗我地之外只有一對男女。

我諗應該係情侶喇。

好少人會好似我同Dennis咁平時三更黎行山睇星,特別係同個唔係另一半既人。

「今晚個天幾清喎。」我地訓咗係堤壩邊既大石上面,仰望住一片黑既天空。

今晚萬里無雲,星宿更加顯而易見。

「係囉,我地都好幾彩。好多星呀。」我答佢。

然後佢用電話播咗首英文歌。

「咩歌黎架?」我問。

「係Harry Styles既Sign of the time. 」
#121 2017-07-10 20:39:31 縮小字型 放大字型

「stop your crying baby, it’s a sign of the time」

我地大家都無再講野,就咁望住個天。

「We gotta get away from here」

啲涼風吹埋黎好舒服,不過因為正值一月份既關係都幾凍。

「Just stop your crying」

「你凍唔凍?」Dennis開聲問我。

「少少喇。」

佢除咗自己件外套,之後披係我地兩個身上。

「咁樣應該會擋到啲風。」佢將兩雙手放係頭後面。

「It will be alright」

我地兩個因為件外套,比之前靠得更加近。

係肩並肩既距離。

近到我聞到Dennis身上面既氣味。

唔係香水果種,係洗衣液同柔順劑既味道。

因為我借過佢地枝柔順劑,我認得呢股香氣。

「They told me that the end is near」

「你覺唔覺首歌有啲浪漫?」佢擰轉頭望向我。

「覺呀。」

我以為佢會笑鳩我然後熄咗首歌,但係佢無。

「We gotta get away from here」

「啊,好耐無試過呢種感覺。」佢抖咗啖大氣,再深深地呼咗一口氣。

「咩感覺?」

「浪漫既感覺。」
#122 2017-07-11 00:28:51 縮小字型 放大字型

我感覺到自己心跳頓時加速、直線上升。

我唔敢講野。
我好怕講多一句,就會行差踏步。

我係眼角見到佢望一望我,又望返個天。

「We got to get away」

直到成首歌播完,我都無再出任何回應。

佢都沉默不語,好似迎合緊我既無言咁。

之後我訓著咗。

唔知隔咗幾耐,我凍到醒咗。

我見到我身邊既Dennis都訓著咗,而佢個頭正正挨係我膊頭上面。

我唔敢移動,都唔敢叫醒佢,只係由得呢個姿勢繼續保持落去。

我以一個好小既幅度挪動我既頭部,打算望下Dennis個樣。
#123 2017-07-11 00:29:32 縮小字型 放大字型

好平靜既睡相。

每晚Sonia就係望住呢個面孔入睡。

好幸福既Sonia。

「Mavis?」Dennis醒咗,但由於佢訓係我既膊頭,佢既角度唔能夠第一時間望到我個樣。

我即刻闔埋眼扮訓著。

我感覺到佢離開咗我個膊頭,然後我臉前有股氣息。

係呼吸既聲音。

呢種氣息維持咗一陣,我感覺到我既嘴唇一片溫熱。

我馬上驚訝到打開咗雙眼。

「Dennis,你…」我未講完,佢就再次將雙唇同我緊貼住。

我毫無反感,反而好享受佢既溫柔。

喺個一刻我先意識到,我對Dennis既感情已經超越咗一般既友誼。

理智上我知道我要推開佢,因為佢有女朋友,而佢女朋友係Sonia;

感性上我好唔想放手,因為我知道我地就只係得呢一刻。

呢個偷返黎既夜晚。
#124 2017-07-11 00:29:54 縮小字型 放大字型

佢輕輕係我bra邊附近遊走,然後係我乳頭既位置打圈。

雖然隔住幾件厚衫,但係情感上既興奮令我既頭腦沖昏起黎。

我開始細聲地呻吟,雙手係佢背後亂摸;

我地既濕吻稱唔上激烈,係好柔情、好緩慢既速度。

但係我好鍾意。

佢既手唔安份咁伸入我既身體,首先係攻向上圍。

「啊…」我不自覺地叫。

佢用手指搓搓我既乳頭,再用成個手掌包圍我胸前既肉團。

我忍唔住褪去佢既運動褲,然後握住佢既下體。

「Mavis.」佢係我耳邊叫。
「比我入黎好無?」

我背向佢,我地兩個就側身訓係大石上面做愛。

Dennis從後攬住我,一下一下推入我下體既深處。

Dennis每一下既進入,都令我既內心既慾望直迫喉嚨。

我好想叫出黎。

但係唔可以叫,因為我唔知遠處個對情侶走咗未。

我地兩個維持呢種無聲狀態直到完場。

我覺得好似發咗場夢咁。

我係西貢萬宜水壩做咗愛,仲要係同我最好既朋友既男朋友做愛。
#125 2017-07-12 00:00:39 縮小字型 放大字型

Sonia返香港之後,我地三個就回復返之前既生活。

三個人食飯既組合依然存在。

唔同既係,我同Dennis私下既聯絡比以前更加緊密。

有用snapchat既都知,只要你每日keep住同一個人send相或者傾計,你地就會連到火。

我同Dennis既snapchat已經連咗火廿幾日。

「Mavis,你想唔想睇啲好精彩既野?」個次Dennis沖緊涼,Sonia偷偷地問我。

「睇咩呀。」

「我同Dennis扑野既片。」佢眨一眨眼,笑盈盈咁望住我。

「屌你呀,梗係睇喇,有真人av喎!」我以為佢講笑,我即刻搶佢手上部電話,係Dennis既。

「係咪真係睇先,唔好後悔喎。」佢搶返部電話。

「下,真係有架?你地有拍片?」我啞口無言。

佢係電話到㩒咗幾下,我見到佢係到入密碼,之後有一格格唔同既影片出現係熒幕上面。

全部畫面都係赤裸裸既肉色。
#126 2017-07-12 00:03:28 縮小字型 放大字型

「我同Dennis好鍾意記錄我地扑野架。」佢好古惑咁笑咗一下。

「咁….你真係可以比我睇?」係好奇心既推使之下,我好想睇佢地兩個做愛既片段。

「可以呀,等我精心挑選一條比你睇。」之後佢係咁碌,㩒入咗一條19分鐘既片。

我諗呢套係我人生睇過最震憾既影片。

我無諗過會有機會見到自己識既人做愛係咩模樣,除咗自己同男朋友之外。

我居然目擊到我好朋友做愛,我覺得好奇怪。

成件事好痴線。

「嘩,Sonia你個樣好撚淫呀屌。」片入面既Sonia坐係Dennis上面,面向鏡頭前後移動,Sonia個樣好似欲仙欲死咁,同平時既佢簡直係兩個人黎。

「喂,咁扑緊野係咁架喇,唔通我目無表情咩!」佢笑住打咗我一下。

「都係,都係。」

片段入面既Sonia騎係Dennis上面,佢皮膚好白,雙乳唔算好大但好堅挺,一對白滑既美乳隨住每一下扭動而輕輕擺動,我覺得Sonia好靚。

我地睇到一半,Sonia係我耳邊講:「Mavis,你唔係好想要Dennis架咩?」然後輕輕係我耳邊吹我耳仔,隻手同時輕掃我既下體。

我成個人震咗一下,我生理同心理上都俾SoniaOutplay左。我凝視住Sonia,心諗「我係咪俾人發現咗?」
#127 2017-07-12 00:05:49 縮小字型 放大字型

「玩下你咋,你睇下你個樣驚到,好戇鳩呀Mavis!」之後佢仲揸咗我個胸一下。

Dennis沖完涼出到黎見到我地兩個睇緊佢同Sonia做愛既片段,佢成個人呆咗係到唔識比反應。

「屌!你痴撚線架?做乜開比Mavis睇呀?」佢一手搶走Sonia手上既電話。

「有咩問題呀,我地咁friend,睇下咋嘛,佢又唔會同人講既。」Sonia好委屈咁講。

「嘩屌,點同呀!你唔怕醜架咩?好撚尷尬喎!」Dennis塊面紅哂。

我唔知佢口中既尷尬,係源自佢同Sonia既身體係我面前赤裸裸咁呈現咗出黎;定因為睇到條片既係同樣同佢做過愛既我。

「hey,無野既,我都睇咗囉,睇埋佢囉。」我為咗緩和氣氛,於是咁樣講。

「係囉,Mavis都唔怕睇,你男人怕咩比人睇姐!」Sonia咁講。

結果Dennis屈服咗,我地三個人係床上面睇av。

一套屬於Dennis同Sonia既av。

我偷偷望向Dennis,我見到佢既褲檔隆起咗。

「屌,你扯咗喎。」我指住佢黎笑。

「係呀係呀,我睇自己啲片睇到好想扑野。」佢無理好氣咁講。

「我唔睇喇,返房先。你地慢慢喇,我唔阻你地。」

我返到房之後,聽到好激烈既叫聲。

我知道一定係Dennis同Sonia間房傳出黎。
#128 2017-07-12 00:07:01 縮小字型 放大字型

我地三個後期已經friend到會一齊訓。

呢件事只有我地三個人知。

「喂你地三個成日痴埋,有無3P過先?」Connie有次講笑咁問我地。

「有呀有呀,晚晚都有,今晚預埋你4P好無?」我地通常都咁樣應一應就算。

我地拍咗床,兩張單人床變成一張特大雙人床,三個人訓絕對係綽綽有餘。

我地每晚都係由我訓最出,中間係Sonia,最入係Dennis。

我地當然無3P過。

我地只係好單純咁一齊訓。

因為我地係好朋友,好到可以三人同床。

有時我會攬住Sonia,Dennis同樣會攬住佢。

「好幸福呀,每晚有你地兩個陪我一齊訓。」Sonia總係甜絲絲咁講。
#129 2017-07-12 00:09:01 縮小字型 放大字型

「Mavis我病呀,廢時傳染你,今晚我訓最入好無。」有晚臨訓前,Sonia一路咳一路講。

「下,咁一係我返房囉。」

「唔洗喇,你照係到訓喇。」

結果個晚,我同Sonia中間夾住Dennis咁訓。

兩男一女就話一個嬲字,我地呢個係咩字?我睇唔透。

Sonia因為食咗藥,好快就入咗昏睡狀態。

而我同Dennis都訓唔著。

Dennis背向Sonia,轉頭望一望佢,然後伸手過黎撫摸我既身體。

「唔好喇,痴線架。」我細細聲咁鬧佢。

「佢訓到死豬咁。」佢做咗個口形,之後繼續唔安份咁周圍搜索。

我係咁搖頭,同時推開佢隻手。

但係佢無打算停,見到我反抗既樣反而更加燃起咗佢既慾望。

「好想要你。」佢係我耳邊講,之後錫我。
#130 2017-07-12 00:09:49 縮小字型 放大字型

佢每一下動作都好輕力好小心,因為我地唔可以嘈醒Sonia。

萬一比Sonia見到,我真係唔敢想像會點。

由於動作唔可以太大同太多,我地最後無合體到。

Dennis只係用手指係我片叢林入面打轉。

呢個一定係最靜而又唔會驚動到Sonia既做法。

我地兩個同時背向Sonia,個種感覺同坐係跳樓機上面差唔多。

一方面肉體上面既快感令我慾罷不能,我既私處再次得到Dennis既慰藉,同時我都好驚Sonia會突然間醒。

我心跳直升到300。

快啲完好無。
#131 2017-07-12 00:10:20 縮小字型 放大字型

Dennis加快咗手指抽插既速度。

我完全唔敢發出一絲聲響,我要確保熟睡緊既Sonia唔會醒。

「我好愛你啊,Mavis。」佢係我耳邊低語。

「我都係。」

去到我感覺到自己全身都發軟,雙腿無力個時,Dennis停止所有動作。

佢錫咗我額頭一啖。

呼,無事。

我地兩個好快就若無其事咁拉返遠距離,各自入睡。

我無法相信我係佢地兩個床上面做咗平時Sonia既角色。
#132 2017-07-12 00:10:58 縮小字型 放大字型

去到sem尾,我地三個因為報咗exchange既關係,全部都唔住summer sem。

臨quit hall之前,我地話要飲最後一次酒。

個晚我地開咗一枝紅酒、一枝香檳,仲有枝西班牙氣酒。

我地飲到滿身酒氣,醉意亦非常濃厚。

「quit咗hall之後呢,你地唔好唔記得我呀。」我笑咪咪咁講,但我己經醉到成個人訓係床上面,指住天花板。

「傻鳩,點會唔記得你呀,我地三個打風都打唔甩架嘛。」Dennis走過黎用手指篤一篤我個頭,然後大笑。

Sonia呢個時候半醉半醒咁攬實Dennis,錫咗Dennis個嘴一下;再走過黎錫咗我個嘴一下:「我好愛你地啊,Dennis、Mavis,我地一齊好無啊。」之後舉杯大叫。

Dennis只係苦笑咗一下,輕輕攬住我同Sonia,咩都無講。

「我都唔俾你地離開我架。」我回抱佢地兩個講。
#133 2017-07-12 22:24:17 縮小字型 放大字型

《八、有食唔食罪大惡極(2)》

Roommate對每個人既意義好唔同,有人可能同roommate只係普通同屋主既關係,簡單黎講就係hi bye friend;另一種就friend到好似屋企人咁,因為你見roommate既時間分分鐘多過屋企人。

而我同roommate既關係好幸運地係後者。

「今晚你幾點返呀?Jeffery夜啲會黎呀。」Jessica對住鏡化緊妝,佢精靈既雙眼就咁畫一條眼線已經好靚。

「屌,又扑野。你前幾日先同完阿軒咋喎,咁快又換咗呀?」

「仔無人會嫌多既。Jeffery咁高大,個樣都幾ok呀,我都想試下佢。」佢講到眉飛色舞咁。

「痴撚線,佢出名狗公,Player黎架喎。」

「有咩所謂,我又唔係對佢認真。咁樣咪仲好,大家各取所需。Easy come, easy go呀嘛!」

Jessica係我roommate,佢都可以話係個幾奇怪既人:家境好好,細細個就去過外國讀中學再返香港讀U;身材好好,對波係34D,有條水蛇腰,對腳仲要係有少少肌肉型既美腿,唔肥唔瘦啱啱。重點係佢連個樣都係五官標緻個類型,我諗佢都算係世界級。
#134 2017-07-12 22:25:44 縮小字型 放大字型

我身邊居然有個咁高質既女仔。

試問一個咁完美既女仔又點會無人溝?佢有好多男仔追,但佢當然唔會個個都理。

木門對木門,竹門對竹門;

以Jessica既質素,佢對於男仔都有返一定既要求。

每次佢帶返黎既男仔都同樣地好高質。

唔係靚仔都一定有返咁上下高大,再唔係就陽光型ABC。

Jessica係唔會飢不擇食,但又一D都唔細食。

而佢點解會變成咁隔便周圍咁同人扑野,我聽過佢講:「我個ex影響得我好深。我個時得中五,仲係傻下傻下,識咗個讀緊u既男仔,佢就係我第一個ex。

佢一開頭對我好好,又話好愛我。我當時真係以為可以同佢過世。點知原來佢係個超級大狗公,係u食女食到全世界都知,係得我一個人唔知。

我後尾仲要大咗肚,你知唔知佢同我講咩?佢問我,都唔知個肚係咪我既。我真係啞撚咗,我咩都俾哂佢,我得到啲咩?無囉,一次落仔既機會。我嗰時人在外國17歲咋。」佢講完之後就伏係我心口喊。

我都開始明白點解佢要咁樣對自己。因為受過傷害,佢根本已經無心再信男人。

連登仔一定會話佢係臭雞係公廁。

不過佢成為一個臭雞之前都有付出過真心,只係佢比一個仆街傷得太深;

所以先有今日既Jessica。

當然我唔係話佢呢種行為係啱,我都唔想見到佢咁。

「我其實覺得自己好污糟,所以我唔會拍拖。」佢咁樣同我講過。

當一個人要用自己身體黎作賤自己既時候,身為外人既我又可以做到啲咩?
#135 2017-07-12 22:26:14 縮小字型 放大字型

「我今晚應該一點後先返,同大莊啲人飲野呀,你同Jeffery慢慢喇。」

我拋低咗呢句之後就走咗。
其實我無約到任何人,都唔係真係有野做,只係為咗迴避佢地。

無謂阻人扑野喇,好難搞。

呢次都已經係我唔知第幾次走佬,為既就只係騰出一個空間比Jessica食仔。

我唔想再發生好似之前咁尷尬既事。
#136 2017-07-12 22:27:25 縮小字型 放大字型

仲記得我個日返到hall,我推道門但推唔開。

明明平時我同Jessica都唔鎖門。

我以為係我地唔覺意鎖左門,因為之前都試過咁。

於是我就插房卡入去啦,我再推,點知個門鎖變咗黃燈。

黃燈代表房入面有人鎖咗門。

我嘗試聽下房入面有無聲。

我將成個人貼近道門,豎起隻耳聽下。

無聲。

「叮。」我部電話突然響咗,嚇到我成個人彈咗起身。

Jessica:你一個鐘之後先返黎,urgent!!!!!!!

個下我立即明白咗,雖然好想觀戰,不過都係轉身走咗。

都係個句喇,阻人扑野燒春袋架嘛。
#137 2017-07-12 22:28:05 縮小字型 放大字型

「屌,你扑野講聲喇,我唔咁早返黎嘛。」當晚返到去我同Jessica講。

「我以為你收夜呀,點知你七點幾就返咁早,嚇死我地呀。」

「痴撚線,今次又邊個呀?」

「你估下。」佢笑哂口咁講。

「唔估呀,我地hall架?高質又A緊個啲比你食哂喇!」我個腦完全浮現唔到任何人既樣。

「咪Terry囉。」

「下?我地籃球隊果個Terry?屌呀,佢有女架喎,唔係一齊咗好多年架咩。」我好震驚,我無諗過有女朋友既佢都會搞。

「有又點呀,佢話我好正好想要我。咁佢又幾靚仔,佢有無女都無所謂既,我又唔係要同佢一齊。」

事後我知道Terry沉咗Jessica船,連果個一齊咗五年既女朋友都分埋手。

Jessica好似一個千年妖女咁。

唔只係Terry,仲有無數個有女朋友既男仔比佢拆散過。

除咗我眼裡見到既之外,我都唔知有多個男仔死係佢裙下。
#138 2017-07-14 00:18:52 縮小字型 放大字型

「嘩,你去邊呀?洗唔洗著到咁行。」我見到Jessica係到襯緊sport bra,全部都係將佢對波展露得一覽無遺既款式黎。

「咩呀,我聽朝約咗人行山咋嘛。」之後佢再換咗件黑色既sport bra,後面係交叉帶大露背,而前面就見到佢條乳溝。

「行山定選港姐呀你,你出面唔著架喇?」我半講笑咁講。

「行出去就梗係著喇,行緊山就一定會除。」佢好自然咁答我。

「屌,肯定又約咗唔知邊條仔喇,今次果個我識唔識架?」

「我地層架!」佢笑笑口咁講,之後著咗條超緊身Nike Yoga Pants。

古有MK妹著摟屌裙,今有Jessica著摟屌褲。

嘩,我係女都好想屌佢。

佢本身就有先天既優勢,個屁股練到好結實,加上雙腿完美既條線,呢條緊身褲根本為佢而設。

著得咁好睇,啲男仔見到仲唔扯哂咩。

「行山著到咁你唔怕走光咩?」我好天真問佢。

「走光咪走光囉,佢地都係想睇呢啲姐。」佢理所當然咁講。

千年妖女果然唔係浪得虛名。

佢係特意走光想比啲男仔睇,仲要揀係做緊運動既時候。

咁樣就顯得完全唔刻意。

高手。
#139 2017-07-14 00:22:49 縮小字型 放大字型

經過一年既相處,除咗見證住Jessica食仔之外,我同佢既關係都已經好似屋企人咁。

「我細佬黎緊會入黎我地hall喎。」sem頭個時我同Jessica講。

「你有咁大個既細佬架?唔聽你講既之前?」佢即刻好有興趣咁問我。

「屌,你咪諗住打我細佬主意呀下!佢freshman黎架。」我心入面已經驚緊佢會搞我細佬,我就補多句:「你真係咪搞佢呀下,我細佬好純情架。」

佢笑咗下我地就無繼續落呢個話題到。

點解我咁擔心,因為我細佬既質素都真係唔差。

佢有米八三高,平時打開籃球,唔算好大隻但有少少肌肉,個樣仲要幾唔錯。

呢類型我知Jessica一定唔會放過,所以我打定個底,希望佢唔會打我細佬主意。

細佬係家姐眼中永遠都係受保護既小朋友黎。

「細佬,我roommate就係我成日同你講果個,你入到黎真係唔好同佢搞搞陣呀,出事架。」我同細佬關係好好,基本上係無所不談,包括埋Sex既野,所以好多時我都會同佢講學校既野,Jessica既事都唔例外。

「得喇得喇,咪成個老母咁喇你。」佢好敷衍咁應我,實際上佢望緊部電腦打緊機。
#140 2017-07-14 00:23:20 縮小字型 放大字型

後來細佬入到黎,佢好快同hall既人打成一片,建立咗一堆自己既圈子。

我見到佢同Jeffery、呀朗個堆男仔都玩得幾埋,我諗係因為佢地都有打開LOL。

Jessica都有係我房見過細佬,佢地禮貌地打咗招呼就無乜交流。

我諗細佬唔會無啦啦同佢熟既。

加上細佬同Jeffery咁老友,呢條狗公食過Jessica一定會係man’s talk個時拎出黎講,我就唔信佢唔會同細佬講。
#141 2017-07-14 00:24:16 縮小字型 放大字型

「我部腦好似壞壞地呀。」Jessica係咁狂㩒個keyboard。

「咁拎出去比人整囉。」我漫不經心咁應佢,因為我打緊一份好重要既assignment。

「叫你細佬幫我睇下得唔得呀,我懶得出去呀。」佢大叫。

「下,我細佬?我唔知佢識唔識呢啲架喎。」份功課晏晝五點前就dead,距離deadline得返三個幾鐘,我根本無心理佢,只係一心想快啲做完。

「你話我知佢邊間房,我去問下佢喇一係。」Jessica走過黎搖我膊頭,我就答咗細佬係邊間房。

我埋頭苦幹做到五點鍾,終於趕起咗份assignment。

呼,鬆一口氣,可以hea返陣喇。

但係我望一望後面,Jessica出咗去到而家都未返。

我回憶返啱啱,佢話搵細佬整電腦。

仆街喇,唔係咁TVB呀嘛。

我即刻衝上細佬間房。
#142 2017-07-14 00:25:12 縮小字型 放大字型

「喂!陳樂言!開門呀!」我一路叫我細佬個名,一路拍門,心入面已經作好最壞打算,一開門就會見到Jessica衣衫不整咁。

「咩事呀屌。」我聽到房入面傳出一把男聲,之後有人開咗門。

「我細佬呢?」黎應門既係細佬roommate Nic,我地完全唔熟,不過佢知我係陳樂言家姐。

「佢呀,頭先同Jessica出咗去喎。」佢搔一搔個頭,一臉茫然咁既樣。

「知唔知佢地去邊?」我好心急咁追問。

「唔知喎,你whatsapp佢咪得囉。」

之後我即刻打電話比細佬。

「喂,你去咗邊呀?」電話一接通咗我就問。

「下?我咪同Jessica出去整電腦,佢話唔識係邊整喎,又話驚比人呃錢,我咪陪佢出黎囉。」電話既另一邊好嘈,人聲同車聲既交雜令我好放心,原來佢地係條街到。

我頓時鬆一口氣。
#143 2017-07-14 00:25:44 縮小字型 放大字型

「哦,咁好啦,今晚一唔一齊食飯呀?」

「好呀。」

原本我只係打算同細佬兩個人食,但係Jessica同佢一齊,所以順理成章變成三個人一齊食。

我地去咗一間泰國餐廳,個到既海南雞飯同冬蔭公粉都好出名。

我同細佬都對蝦敏感,所以我地都叫海南雞飯。

而Jessica就食冬蔭公粉。

「今日好彩有你細佬咋,我一個出去真係唔識價位,實比人搵笨!」Jessica望一望我,又望一望細佬。

「屌,佢識鬼咩,又唔係佢幫你整。」我啤咗細佬一眼。

「洗鬼我識咩,呢個世界比錢就有人整架喇!」細佬不甘示弱咁反駁我。

「好啦好啦,今餐我請你食啦細佬,當係多謝你帶我出去整電腦。」Jessica好甜咁望住細佬笑。

「嘩,同你part左咁耐roommate又唔見你請我食?唔公平喎!」

「唔好咁喇你,你細佬黎架嘛,做姐姐既咪同佢咁計較。」
#144 2017-07-14 00:27:12 縮小字型 放大字型

相安無事咁過咗一段日子,我見到Jessica依舊會帶仔返黎,個啲男仔依然係高質,而佢食仔既數目亦不斷向上升。

「陳樂雯,我病撚咗呀屌。」個日我收到細佬個whatsapp,本來我地約好咗一齊返屋企食飯。

「下?嚴唔嚴重呀?」我即刻覆佢。

「我成日無落過床啦…我諗我返唔到屋企,我想訓覺,你自己返去食喇。」

「你掂唔掂架,洗唔洗帶你睇醫生?」

「唔洗喇,我訓下就無事。」

之後我返咗屋企食飯,成程都心掛掛。

「唉,細佬話佢病到落唔到床呀。」我同呀媽講。

「你一陣拿拿聲食完飯就返去睇佢啦,你帶啲藥比佢。洗唔洗帶啲飯同湯返宿舍食呀?」呀媽總係好鍾意叫你帶呢樣個樣返hall。

「唔洗喇,我地食唔哂架。細佬病咗都無胃口喇。」我耍手擰頭咁答佢,之後執咗啲藥走。

本來我同細佬係諗住今晚返黎屋企訓,但係佢病到咁,我怕佢一個人係hall會死,所以我死死氣趕咗返hall。
#145 2017-07-14 00:27:42 縮小字型 放大字型

當我一推門入到細佬房,我呆撚咗。

我見到Jessica跪係到幫緊細佬含撚。

「屌…你地兩個係到做乜撚野?」我呆咗係到幾秒先識講野。

細佬係背住我,而Jessica就低頭埋頭苦幹緊,所以佢地無留意到我入黎,直到我炮轟佢地個下。

細佬嚇到成個人彈咗起身,然後用被遮住自己下體;而Jessica就目瞪口呆咁坐咗係到,無任何反應。

「屌你老母,Jessica你係咪痴撚線架?」我已經無哂任何理智,我直接衝咗上前:「我叫咗你咪撚搞鳩我細佬架,佢好純架屌!」之後我打咗佢一巴。

比我打完一巴既Jessica依然係呆咗咁企係到,幾秒之後佢就喊咗出黎。

「樂雯,對唔住啊,我真係真心鍾意Kenny架…」佢梨花帶雨咁講,但呢個時候我根本咩都聽唔入耳。

「屌,你唔撚好同我黎呢套。我話過架,你帶咩仔返黎我唔理,平時你幾濫我都唔會理,但你而家搞我屋企人啊!你有無當過我係friend架!」我連珠發炮咁鬧,細佬就係隔離一句野都無講過。

「sorry…」Jessica起勢咁喊,但我既怒火已經蓋過哂所有野,我只係覺得佢根本一開始就盤算緊點樣食我細佬,我地之間既友誼頓時化為烏有。

我接受唔到自己既好朋友連我細佬都要食埋,你可以話我葡萄、話我唔抵得,但就係唔得呀!

我嬲到走返房,執咗少少衫褲就返咗屋企。
#146 2017-07-14 00:28:30 縮小字型 放大字型

細佬無搵我,Jessica都無。

我唔知佢地係唔敢搵,定佢地都覺得成件事已經無可以解釋既餘地。

係呀,我好同情Jessica以前既經歷,我都無權干涉佢而家既私生活。

我係當佢係好朋友,所以我先唔想佢搞我細佬。我做唔到若無其事,sorry我真係做唔到。

自從呢次之後,我就成兩個星期都無返過hall訓,每日都係Campus返學放學。

當我果日返到去既時候,我見到Jessica張床同衣櫃都清空哂,只淨低一張佢留係我書枱既一張Memo紙:Sorry。

或者有時女人之間既友誼真係好脆弱,可以因為一個男人而徹底改變成個關係;而我同Jessica之間都唔例外,但果個男人竟然係我細佬。

我自己都有可能一直睇唔過眼佢同其他男人既關係,只係因為果啲男人我一個都唔識,所以我一直無動於衷;

直到今次,我先知自己有幾不恥佢既濫交。

Jessica,如果你睇到,我只係想同你講一句:潔身自愛。

-完-
#147 2017-07-15 22:03:13 縮小字型 放大字型

《九、致 從未公開過的前度》


我係張永言,啲人會叫我言仔。我讀Engine,米七五高,唔大隻,戴眼鏡,但係我居然都有女。

我有一個拍咗一年拖既女朋友,佢叫Mandy,係我同department既同學。

因為我地住唔同hall,好多時都會係上堂或者夜晚12點前先會見。

都係因為咁,都造就咗我每晚自由無王管既極樂世界。

「你唔怕你女朋友知咩?」Koey挨住我膊頭講。

「我同佢講我訓覺喇。」我邊覆Mandy邊講:「何況佢都唔會知。」

「你唔驚我講出去咩?」佢嬌嗲咁望住我講,雙腳一直撩緊我下身。

「我知你唔會。」我望實佢:「你邊捨得無咗我,係咪先。」

之後我就輕輕掃一掃佢條腰,再攬實佢個膊頭。

Koey錫咗我一啖,之後我好自然咁回應返佢,唔洗一陣我地既身體已經緊緊交纏住。

「好濕喎你,好想要呀?」我用手指撩動佢既下體,然後進攻佢既嘴唇。

佢一邊點頭,隻手都好配合地係我下體游走。

因為唔係第一次同Koey做,其實大家都好熟悉對方既身體,同埋大家既體位喜好。

我隻手係Koey既胸上面亂舞,佢34d既身材非常吸引,一隻手係揸唔哂;
每次我都會將成個頭埋係佢雙乳之中,然後用口攻陷佢既乳房。

我輕輕咁奶佢既乳頭,奶咗幾下就咬一下。

「啊…」佢好細聲咁叫咗出黎,我即刻掩住佢個口。
「隔離房有人。」我係佢耳邊講。

佢好聽話,即時靜音模式咗。

之後佢轉向我既下體,好努力咁用口幫我。

我將自己既肉棒頂到最入,直迫向Koey口入面既深淵。

「唔…唔…」佢係我既推動下埋頭苦幹緊。

我忍唔住㩒低佢個頭,務求可以進入到佢喉嚨既最深處。

當我感覺到自己就黎射既時候,我及時拍一拍佢個頭。

佢即時明白我意思,然後自動波訓低咗。
#148 2017-07-15 22:04:11 縮小字型 放大字型

我用傳教士式壓係佢身上,雙手捉實佢對腳就入咗閘。

「啊…..快啲….好舒服啊….」Koey既讚嘆聲令我更加落力,我加快咗抽插既速度。

「舉高啲你對腳。」之後我將佢兩腳放係我兩邊膊頭,咁樣就真係可以屌入大直路。

Koey既叫聲愈來愈放浪,我再次掩住佢個口。

千萬唔可以比人聽到。

我拍一拍佢,佢就馬上轉身將屎忽對住我。

「你個patpat真係好正。」我講完就再次隊咗入去。

我捉住佢其中一邊既手,然後跪係佢後面全力進發。

「啪、啪、啪。」每一下皮膚之間既擊撞聲都好響亮。

為免有人係走廊行過聽到,我好快就將全部慾望都傾瀉出黎,射哂係佢個patpat上面。

我行去書枱到抽咗幾張紙巾出黎,一啲係幫佢抹,一啲係幫我自己抹。

「今晚我係到訓好無呀?」Koey攤係我張床到講。

「唔好喇,我聽朝九點上lab,廢時嘈醒你。」

於是Koey著返啲衫就返咗自已房。

對我黎講,SP只係用黎扑,唔係陪我訓。
陪我訓既永遠只可以係女朋友。

呢一樣野我分得好清楚。

Koey做到我SP,除咗係近水樓台之外,我都知佢係個好口密既人。

無女仔會想比人知自己同個唔係自己男朋友既人扑野。
對方仲要有女朋友。

更重要既係佢自己都有男朋友。

所以我從來都好放心同佢保持呢段關係。

除咗佢之外我唔會再有其他人,咁樣玩先唔會有手尾跟。
#149 2017-07-15 22:05:49 縮小字型 放大字型

之後係一個活動上面,我識咗Nicole。

佢皮膚好白皙,有一頭啡色長髮;眼大大咁,眼睫毛仲好長,我覺得幾吸睛。

最重要係佢個對目測40吋既長腿,白滑既肌膚上面無任何瑕疵,大腿唔會過瘦,粗幼適中,絕對係一對好完美既腿。

佢係隔離莊既莊員,個次聯莊活動因為要幾枝莊聯soc咁合作,所以我同Nicole就咁樣開始傾計。

由於Nicole佢無住hall,聽到我住緊玩得最癲既hall,即刻好興奮咁問我有關hall既文化。

「聽講你個hall好淫亂架喎,又話啲人成日扑野,係咪真架?」佢好天真咁問。

「咁每間hall都總有人成日扑野既,唔係我地先係咁。」我笑一笑。

「嘩,我聯想唔到個情境。」佢覺得好新奇,之後再追問:「咁你有無試過咁樣呀?哈哈。」

呢個女仔好爽朗,講呢啲野既時候都毫無忌違,唔知係佢真係咁天真定淫底呢?

我講咗好多hall既八卦野比佢聽,當然對我自己既事隻字不提。

「我都好想住hall呀,不過我住得太近喇。」佢嘆息道。

「無計喇,咁我都幾好彩自己住得遠。」我住南丫島,無hall真係會死得人。

如是者,我地既傾談係一片愉快既氣氛下完結咗。

嗰次之後,我同Nicole就開始聯絡。

我地聯絡既原意係因為莊務上既需要,但實際上就係一個好機會比我同佢多啲交流。

我地除咗講莊務既野,都會講下無聊野。

我諗傾啲咩唔係重點,重點係同咩人傾。

Nicole似乎幾樂意同我whatsapp,因為佢會主動將佢生活既分享比我聽,例如佢去緊邊、食緊啲咩,有時仲會圖文並茂。

「我今日去咗食周記呀,個西多好好食!」然後有張流心西多士既圖。

我幾肯定佢對我都有返啲興趣先會咁樣做。

因為你唔會咁有閒情逸致同個普通朋友分享呢啲咁鎖碎無聊既生活片段。

哪怕只係食學校canteen都要影。

除非你想對方了解自己既生活。
#150 2017-07-15 22:06:10 縮小字型 放大字型

Nicole好幾次都想加我IG。

「毒撚唔玩呢啲野架。」我咁樣答佢。

實際上,因為我同Mandy係眾人眼中既模範情侶,我既ig基本上充滿住我地既合照。

唔需要刻意每張相睇,都會見到我地好幸福圓滿既愛情生活。

唔可以比Nicole見到。

如果比佢知道我有女朋友,我諗我地唔會再咁樣傾落去。

所以我一直都推搪自己唔玩呢啲social media,希望唔會曝露到自己其實早已經名草有主。
#151 2017-07-15 22:06:27 縮小字型 放大字型

唔知行咩狗屎運,即使我同Mandy係學校周不時出雙入對,但係都無撞過Nicole。

有時候行過啲lecture room出面,都好怕係入面走出黎既學生會有Nicole份。

呢件事並無好戲劇化咁發生。

我地相安無事咁保持聯絡咗兩個星期左右,我地之間既對話終於有火花。

「仆街,唔小心整親隻腳。」我返工個時比個爛咗既膠箱𠝹到隻腳流血,不過其實都好小事。

「下,有無事呀?」佢即刻秒回我。

「無咩既,不過好痛囉。」我答佢。

「小心啲嘛,咁論盡架你。」

「我要人錫返。」我嘗試flirt佢。

我見到佢輸入中又停一停,隔咗一陣又再輸入中。
「你想點錫呀大佬?」

「用嘴。」我毫不猶豫咁答。

「你把口好花喎。」佢整咗個笑喊既emoji比我。

「睇下對邊個喇。」呢種似是而非既回覆係個好有力既武器,特別當一對男女處於多過朋友但又未去到戀人既關係。

「你個樣唔似咁口花囉,你成日咁樣同女仔講野架?」

「毒撚邊有女呀。」呢句我成日掛係嘴邊。
#152 2017-07-15 22:07:46 縮小字型 放大字型

有一次我地又因為莊務既事要出黎一齊傾,去到凌晨就得返我、Nicole仲有隔離莊既兩個莊員。

果兩個莊員都無住hall,所以佢地就搭的士走。

「Nicole你跟唔跟我地走呀?」莊員A問。

「我想打埋呢到少少details先,你地兩個走先喇。」

就係咁,Nicole同我就留低咗。

我係到諗緊佢係咪比緊機會我呢?

「你留到咁夜,一陣無車走架喎。」我以試探既語氣問佢。

「我諗住屈上我個friend到呀!佢同你同hall架,所以一陣你幫幫我,我入到去之後我就去我個friend間房。」哦,唔怪得佢會叫啲莊員走先喇,原來佢準備屈人蛇。

「得喇,我同Ming姐好熟架,應該無咩問題既。」

我地打埋個少少proposal既部分,就執野返hall。

我都好成功咁屈到Nicole入我hall,嗰時係凌晨三點。

「你個friend邊層架?」我㩒完自己層就問佢。

「二樓呀唔該。」然後佢一直係到㩒電話。

佢係二樓出咗之後,我就上返三樓。

我沖完涼就上床準備訓,今晚roommate又唔返黎,我又再次可以獨霸成間房。

我望一望電話,見到六個未接來電。

係Nicole。

「喂,做咩呀?打咁多次黎既?」我打返比Nicole。

「仆街啦,我個friend唔知係咪訓著咗,打比佢無人聽,拍門又無人應。屌,佢仲要鎖咗門。」佢好急咁講。

「下?咁大獲?」我心裡暗喜,唔係咁老土既劇情呀嘛,佢個friend咁益我!

「係呀…唉,我打多陣比佢都無人聽既話,我就返屋企算。」佢好失望咁講。

「你不如上黎我房等先啦…」

「下?」

「我意思係,上黎打比你個friend,打到佢肯聽為止,咁如果打咗好耐都無人聽既話,你先走囉。」我心急地解釋,希望唔會令佢起到疑心。

我再補多句:「你唔想都無所謂既,我廢時你企係走廊戇鳩鳩咁咋。」

「咁…咁好啦。」佢猶豫咗一下,最尾都係黎咗。
#153 2017-07-15 22:09:07 縮小字型 放大字型

係Nicole黎既之前,我已經係到諗緊一陣要點樣做。

到底點樣可以令Nicole留低呢?

如果咁急進既話,一定會嚇親人。同佢傾咗咁耐,我地連稍為過界或者咸濕既話題都無提及過,呢樣野我好清楚。

今晚就叫佢留低似乎太猴擒。

以退為進應該係更加好既方法。

「點呀,你個friend有無聽你電話?」開咗門比Nicole之後,我騰咗張電腦櫈比佢坐,而唔係叫佢坐係床上面。

咁樣保持距離對於第一次入我房既Nicole一定係最舒服既做法。

起碼佢唔會懷疑我對佢有任何企圖。

呢種仲係好有禮貌既做法,我深信。

之後佢打多幾次電話,都無人聽。

「唉,我諗佢唔會醒架喇。」Nicole一臉失望咁講。

「咁呀,咁我送你出去搭的士啦。」我企起身講。

「但係我聽朝一早有堂,所以先諗住屈上黎訓…」

「咁呀,我roommate好少返黎既,你唔介意既話你訓我張床,我今晚訓佢張床囉。」我擺出一個無可奈何既樣,好似同佢一樣咁苦惱咁。

「下,但會唔會唔係幾好呀,我驚阻住你喎。」佢個樣好猶豫不決咁。

「我聽朝都有早堂,可以一齊去食早餐呀。」我補多句:「你唔想既話我而家送你搭車啦一係。」

「em,真係唔會阻到你?」

「唔會呀,我都係訓覺姐。」我笑住咁答佢。

「咁今晚麻煩你啦。」

Yoho!!!!!! 心入面有萬千個歡呼聲想爆發出黎,不過我當然無嗌出黎。

我借咗條乾淨既毛巾比Nicole沖涼,之後俾咗件camp tee比佢著。

係佢沖涼既時候,我個腦閃過好多個不同既念頭。

今晚Nicole會訓係我隔離;
我可以進入佢既身體;
然後同我相擁入睡。

呢啲係我理想中既今晚。

「我較好鬧鐘架喇,你快啲訓喇得返幾個鐘。」我已經攤咗係roommate張床到。

「今晚真係打搞哂,好彩有你咋。」Nicole著住我件大碼tee,髮尾仲有微微既水點。

「唔洗客氣。」

當然到最後,我地咩都無發生。

因為我今晚扮演緊一個正人君子。
#154 2017-07-16 16:15:23 縮小字型 放大字型

呢次之後,好順理成章地我同Nicole又再熟咗。

可能因為佢係我到過咗次夜,又可能因為佢覺得我收留咗佢一晚好好人咁,

總之我地既關係向上升緊。

我地之後再見面係一次酒局。

「聽枚喇,十啊!對!屌你飲喇!」今次係一個聯莊酒局,有份搞嗰次活動既莊員都有出席,包括我同Nicole。

猜枚、骰盅既聲音彼落不斷,成晚我地飲咗三打啤酒、開咗一枝大酒。

去到最後我同Nicole都已經滿身酒氣。

「喂,你掂唔掂啊。」我拍一拍一臉通紅既Nicole。

「我ok呀。」佢講既時候把聲已經同平時唔係好一樣。

「你似醉咗喎,洗唔洗我送你呀?」

「唔洗,我仲未醉喎,真架!」之後佢順勢拎起杯1664,一啖就灌哂成杯落肚。

「好似好飲得喎。」我挪揄佢。

「黎喇,同我玩!」

之後我地由猜枚、大話骰,最後玩到青蛙青蛙跳。

Nicole已經好醉。

我摸一摸佢個頭,佢就挨咗係我膊頭。

之後啲莊員一個一個咁走哂,走剩得返最後三個莊員,佢地問我走唔走。

「你地走先喇。」我做口形。

就係咁,我由得Nicole訓係我膊頭,去到間酒吧都要閂門。

「喂,醒喇。」我輕輕搖一搖Nicole,佢無咩反應。
#155 2017-07-16 16:17:02 縮小字型 放大字型

我將佢成個人搭係我膊頭上,然後嘗試扶住佢行。
都係唔得,唔夠力。

之後我將佢放返係沙發,然後再將佢成個人放係我個背到。

我就係咁樣將Nicole搬咗出去酒吧。

行多幾步,可能比我行路既擺動而整醒,Nicole佢開口問我:「我地去緊邊?」

「上的士。」我答佢。

上到的士,Nicole繼續入睡,而我都同的士司機講咗個地點:「XX大學學生宿舍。」

好順利地將Nicole帶咗返hall,佢依然係好醉。

我去咗沖涼,諗住用呢段短短既時間去諗下我一陣既行動。

唔知我如果搞佢既話,咁樣會唔會算係強姦呢?

畢竟佢神智好似都唔算係清醒,我咁樣霸王硬上弓都好容易出事。

於是出到去,我坐咗係床邊,拍下對眼仲係闔埋咗既Nicole。

「你有無事呀?」我好溫柔咁問佢。

呢個時候佢先慢慢開眼,望到係我之後笑咗一下、搖搖頭。

佢無問我點解會係到,佢淨係伸身攬住咗我。

我都攬返住佢,我地兩個都無出聲。
#156 2017-07-16 16:17:21 縮小字型 放大字型

我將佢成個人拉開,然後向佢唇邊錫落去,佢無反抗,反而好配合住我既動作。

我伸入佢既胸部,佢個波稱唔上大,不過好軟熟,我覺得手感好好。

我忍唔住埋頭竄入佢件衫裡頭,然後係佢雙乳之間遊離。

我輕輕咁錫咗Nicole既乳頭一下,佢即時輕聲地呻吟,令我更加興奮,我再好大力咁吸吮咗一下。

「唔好…」佢推開我個頭,我就愈想再令佢呻吟。

我同時伸手落佢既下體,將手指不停咁係佢既私處到打轉。

佢開始無再叫唔好,房間入面就只係聽到佢既輕喘聲同少少水聲。

我加快速度,確保佢既下體已經有足夠既濕潤度,我就除咗自己條褲。

Nicole無出聲,默默地比我進入佢既身體。

我地無太多既花式,就咁樣就完咗事。

第二日醒返,Nicole問我地係咩關係。

「做我女朋友好無?」我居然講咗個我自己一定無可能做到既諾言。

佢點點頭應承咗,我就咁樣做咗一腳搭兩船既仆街。
#157 2017-07-16 16:21:31 縮小字型 放大字型

我都唔知自己點解咁大膽,可以係同一間學校拖住兩條女。

或者我個下比性慾沖昏咗頭腦,所以先會講出啲咁唔理智既決定。

為咗保持住同Nicole呢段關係,我叫佢唔好同人講住,因為我想穩定啲先公開。

我用好多report打黎做借口,推搪成日話要見面既女朋友Mandy,其實只係想將時間騰出黎比Nicole。

「咁係學校拖手都唔得呀?」有日佢係我房,個陣我roommate已經無再返黎訓好耐。

「唔好住喇,一陣比人見到又唔知講啲咩,我地一齊耐啲先公開啦好無。」我錫咗佢額頭一啖。

「好喇。」Nicole嘟住嘴咁講。

隨住同Nicole見面既時間愈來愈多,甚至比我同Mandy以前見得更加密之後,我對Mandy既感情當然變得愈來愈淡。

而我都開始發現自己鍾意咗Nicole。

正當我設法諗緊點樣同Mandy分手既時候,我收到Nicole既message。

Nicole:我有啲野想問你。

見到呢句無任何emoji既message,我都已經心知不秒,心諗唔通比佢知道咗我同Mandy?

我:做咩事呀BB?

我嘗試以一個輕鬆啲既語調去問佢。
之後佢send咗一張相黎。
係我ig既cap圖。

Nicole:點解你要呃我你無用ig?

呼,好彩。我ig係private咗,所以佢咩都睇唔到。

起碼佢未見到我同Mandy既合照先。

我:因為我好少用ig架喇而家,我無心呃你,唔好嬲喇。

Nicole:咁你而家add返我。

屌,世紀大難題。一比佢follow就實穿崩。

我:太耐無login,我唔記得password喇,入唔返。

呢個藉口實在太爛同太勉強,但居然咁樣都過到骨。
我暗暗地為自己既幸運而感到開心。
#158 2017-07-16 16:22:00 縮小字型 放大字型

如是者我維持咗呢個關係成個月,Mandy都開始感覺到我同以前唔一樣。

「呢排你真係好忙咩,話想見你都話唔得閒。」佢好不滿咁講。

「啲堂好chur呀,今個sem我想追gpa,啲野又唔識,咪要花多啲時間落去溫下書囉。」我敷衍佢。

「其實你有無野呃住我?」佢突然間神色凝重咁問。

「痴線,可以有咩呃住你呀。」我好淡定咁答佢,盡量以一個平靜既聲線去掩飾自己確確實實講緊大話。

「有人同我講你同隔離莊個Nicole行得好埋喎。」佢冷冷地拋出呢句說話。

「屌,我地之前搞聯莊活動先要傾野姐,你聽邊撚個講呀?」

「係咪架?」佢半信半疑咁講。

「梗係喇,唔信比whatsapp你睇。」

我拎部電話出黎,將我同Nicole傾莊務既對話比哂佢睇。

「拿,睇到未呀,我同佢之後都無聯絡架喇。」

實際上我已經將我同Nicole之後既對話delete哂,而我同佢而家都轉咗用telegram傾計。

我既藉口係telegram比whatsapp更加好用,而且有腦魔icon用。

雖然呢個都係事實,但更大既原因係萬一Mandy check起我電話上黎,我都唔會比佢斷正,就好似而家咁。

Telegram就係我同Nicole既偷情工具。

當然呢樣野得我自己知。
#159 2017-07-16 16:23:09 縮小字型 放大字型

Nicole比起Mandy既性格更識體諒人,呢樣野係我真真正正咁同咗佢一齊先知。

例如係我好忙既時候,我想自己一個人靜靜地係hall打assignment,Mandy會chur住話想見我,但係Nicole唔會,佢會問我辛唔辛苦,然後係電話入面同我打氣,話等我忙完先再見。

呢種體貼令我更加想放棄Mandy,真真正正咁同Nicole起埋一齊。

我發現自己對Nicole都愈來愈鍾意,個種心態已經唔同當初對佢咁樣。

Nicole:我好掛住你呀。

我:我都係呀。


平時Mandy同我講「掛住你」,我覆返佢「我都係」,純粹係一個例行公事,好似人地同你say hi你就一定要應返人咁,唔應會無禮貌。

但係我對Nicole唔係,我係真係好想見到佢。

我諗我真係鍾意咗Nicole。

我曾經有好幾次想同Mandy分手既念頭,但最後我都無做到。

可能因為貪心,都可能係我懦弱,我唔敢踏出分手呢一步。

結果我拖拖下又一個月。
而sem尾既忙碌真係令我無時間再兼顧兩個女朋友,我覺得好攰。

一方面我對Mandy既熱情已經沖淡到所剩無幾既地步,我連見面都唔想;

另一方面我要承受住萬一有一刻比人揭穿既時候,我兩邊都會無哂,一諗到呢到我就好驚,所以我真係好煩。

終於係呢個時候,個天迫咗我做決定。
#160 2017-07-16 16:24:48 縮小字型 放大字型

嗰日我係hall做緊assignment,又係收到Nicole既message。

Nicole傳送了一張圖片。

我一打開,我幾乎嚇撚到心臟停頓。

係我同Mandy既合照。

相入面既我地係迪士尼入面,笑得好開心好燦爛。

呢張相係上個月我同Mandy一週年既時候去迪士尼影既。

嗰時我同Nicole已經一齊咗。

我開咗張相之後,想打sorry,但又覺得好廢,所以我又delete咗。

然後我重重覆覆咁輸入中,又delete返,我都係一句說話都講唔出。

我知我講咩都無用。

我地兩個都僵持咗係呢個上線中既畫面中,兩個都無打字。

然後我見到Nicole輸入中。

我個心跳得好快,我好怕見到佢鬧我,但呢個又係我意料之中既反應,佢除咗鬧我應該無說話再想同我講。
#161 2017-07-16 16:25:34 縮小字型 放大字型

Nicole:點解你要咁對我,你知唔知我好愛你…

我:對唔住,係我仆街,但我真係鍾意咗你…

Nicole:我都好愛你,我唔介意之前既野,你同佢分手好無…唔好離開我…


男人係好撚賤既生物,當你見到一個女人唔介意你做過既野,仲要用呢個苦苦哀求既態度叫你唔好同佢分手,你會好理所當然咁當係老馮,然後真係唔同佢分手。

我:你比一個月時間我。


但係我無立即同Mandy分手。
因為我貪心。

每次諗起同Mandy呢一年既經歷,雖然淡咗好多,但始終有感情係到,真係要分手我又唔係好捨得。

所以我好撚仆街咁繼續一拖二,而且仲要係Nicole知情既情況下。

我地既行徑比以前更加小心,因為而家呢個秘密唔係得我一個人守住,而係有兩個人。

Nicole好聽話好配合我,為既就係想盡快可以光明正大同到我一齊。

而我就只想抱住過得一日得一日既心態,每次佢問我講咗未,我都用sem尾好忙做藉口,希望可以拖住先。
#162 2017-07-16 16:26:47 縮小字型 放大字型

學校始終係學校,要撞到既機會其實好高。

嗰日我拖住Mandy,係學校最大既canteen撞到Nicole。

Nicole見到之後呆咗呆,之後望一望我地兩個,佢轉身走咗。

Nicole:我地分手喇。

或者因為Nicole見到我同Mandy拖手呢一幕實在太hurt佢,就算佢明知道呢個係事實,但親眼睇到又係另一回事。

我承諾過佢我會盡快分手,但我一直都做唔到,甚至我同佢講我呢排都無見過Mandy。

實際上我都有抽下時間陪Mandy,畢竟佢都係個陪咗我成年既人。

我無辦法係兩個女人之間作出取捨。

我無去挽留Nicole,可能因為我覺得挽留完我又係無勇氣分手,然後又係重重覆覆,我居然會覺得好攰。

我諗我話愛Nicole,其實都唔係真係好愛,我最愛係我自己。

我驚最後乜都無,所以我唔敢放棄任何一個,而到最後,我選擇咗犧牲Nicole。

佢係最無辜果個,因為由頭到尾佢咩都唔知,只係我呃咗佢,仲要佢白白等我。

呢段關係收埋係我心入面三年,直到我U grad埋,同Mandy到今時今日都仲一齊緊。

而Nicole,我無打聽到佢既消息,或者係我心虛,唔敢知道呢個我負咗佢既女仔過成點。

係人地面前我永遠都係好好先生,大家見到我同Mandy一齊咗好耐,都覺得我地好幸福,我都係個好錫Mandy既絕世好男友。

而我自己先知道,其實呢段感情有個永遠都抹唔走既污點,既呢個污點就係源於我作為男人既貪心同自私。

Nicole,唔知你而家過成點呢?


-完-
#163 2017-07-17 01:04:03 縮小字型 放大字型

《十、404 not found》


quit hall period係令人傷感既季節,因為好多人走咗就唔會再返黎。
有啲人你可能無機會再見到,連撞到既機會都好微。

以前總會怨自己好黑仔成日都撞到你,但係我諗以後連呢個碰面既機會都無。
你既hall life咁就完咗,我地都就就咁完咗。

---

「今晚三缺一,你幫手頂下啦。」我係lobby同阿軒講,佢住我下兩層,之前因為食聯層樓飯識既。

「唔好啦,我咁渣,唔想同你地打呀,一陣又輸錢。」因為阿軒上幾次同我地打都輸到仆街,佢似乎係怕咗我地。

「打牌有贏有輸架嘛,怕咩姐!」我極力游說佢打,因為我地真係搵唔到第四隻腳,而我地又好想打牌。

「唉真係不了,你搵第二個啦….喂阿信!」佢仲推緊我個時突然間望向大門個邊,有個男仔行咗入lobby。

「喂呀,打啦,真係差你一個咋。」我繼續同阿軒講。

「打牌?」啱啱入黎lobby果個男仔講,呢個時候我先留意到佢。
「係呀,你想唔想打?我地差一隻腳呀。」我轉身望向佢。

「真係有啲想打喎。」佢個樣心郁郁但又有啲猶豫。

「打囉,我可以陪你去架,唔洗怕醜喎。」阿軒聽到佢話想打,個樣好似甩難咁,係咁慫恿佢打。

「唔,一陣睇下點啦,我而家要出去踢波,我上房換衫先。」佢講完之後同阿軒say咗個bye就上返樓。

「佢邊個黎架,未見過既?」雖然我都唔係話識好多人,但係呢個人我好似從來都無見過。

「哦,佢係我roommate,佢叫阿信,條友好摺架,唔係我叫佢一齊玩佢應該乜人都唔識添呀。」

我本身對靚仔係無乜興趣,唔係扮野,係真係無乜興趣。

我覺得男仔個樣普普通通都夠,只要我睇得順眼。

阿信個樣點都稱唔上係靚仔,我諗可以話唔差既。

佢步入lobby個刻著住件黑色波衫加條Nike波褲,然後拖住對人字拖,頹到仆街。佢個時仲要戴住副眼鏡,望落都幾似毒撚,但係我又出奇地覺得呢個人幾順眼。
#164 2017-07-17 01:05:30 縮小字型 放大字型

然後就係咁,個晚佢就真係黎咗打牌。

記得佢一黎到係濕住個頭、連副眼鏡上面都有水珠,一睇就知佢係啱啱沖完涼仆過黎。

「嘩你眼鏡都仲有水係上面喎,唔洗咁趕下話。」我既牌腳晴晴笑鳩佢。
「er係呀,廢時你地等嘛,哈哈。」佢搔一搔頭,有啲靦腆咁講。

佢似乎係比較靜既人,因為除咗一開頭佢講過自己叫阿信之外,佢就無乜出過聲。

大家慢慢都開始傾下計,講下玩過咩ocamp呀,邊個hall淫啲,又有啲咩八卦野咁。佢淨係打牌出牌,有時叫下碰同食咁,無其他。

見佢有時會碌下電話,但佢坐我對家其實我望唔到佢睇緊咩。
講講下,有人問阿信幾大。

「我year3架。」

「咁咪即係同Kate同年?」坐我上家既Kenny問。

「佢大過Kate,老屎忽黎架佢!」阿軒搶住答。

「喂,做咩爆我啲野出黎呀屌你!」阿信有啲慌張咁講,好快就變返無事咁既樣。

「喂,Kate,啱你喎,大過你!」呢個時候Kenny笑騎騎咁講:「阿信,Kate好鍾意啲大過佢既仔,佢而家搵緊男朋友呀!」

「屌你咪講亂啦,碰南呀!」我一邊拎返隻南返黎,一邊屌鳩Kenny。

Kenny之所以會咁講,因為個時我同男朋友分開咗無耐。
佢地成日就抽我水話我急住要搵新仔出pool,所以一有仔就會推哂比我。

因為我話過我鍾意大過我起碼兩至三年以上既男仔,所以我覺得u既男仔唔會啱我。始終好多人都係差唔多年紀、我覺得會似我細佬多過男朋友。
#165 2017-07-17 01:09:02 縮小字型 放大字型

「下,唔係掛,咁呀你當我細過你啦Kate,千祈唔好溝我呀添呀!」阿信突然間笑笑口咁爆呢句野出黎,大家都笑到仆街。

我都幾驚訝佢會咁樣講,自從呢句之後,佢就開始加入我地既話題,同我地一齊講下笑咁。

我地幾個都有上開高登,所以好多時既話題都會圍繞住啲戅鳩野。

而我同佢交流都係呢個展開之下愈來愈多:

「你又同我著埋同一條褲,點搞呀!」我對住阿信講。

「喂我都唔想架,你條戇鳩成日撞我。」佢對住我既語氣同態度明顯愈來愈唔客氣,好似同我好熟咁。

就算我地無講野,有時我打啲牌可能係佢想要既,佢又會笑住咁啤下我。

有時我見到我拎住佢啲牌,我又會笑笑口咁望住佢。

我地成晚就係咁望黎望去,望望下就好似熟咗少少咁。

臨走之前Kenny女朋友晴晴細細聲係我耳邊講:「喂你同阿信好frd咁喎?見你成晚同佢傾得好開心咁!係咪有機先!」佢講完之後個樣好奸咁望住我笑。

「傾下計姐,啱啱識同邊個都好傾架啦係咪先!」我廢時佢亂咁噏,所以都係求其敷衍下佢就算。

因為阿信同我都唔係住個晚打牌個層,我同佢一齊等lift返房。

我地講緊canteen有咩野食係無咁伏既時候,佢問我拎電話。

「反正我成日毒撚一個食,得閒搵下你食飯都好。」佢一路入我電話一路講。

「好呀,我都成日自己一個食飯。」我笑咗笑咁講,唔知點解佢咁講我有啲開心。
之後我地就自各返房,我返到去開咗佢whatsapp icon黎睇。

我以為會係佢自己既樣啦,點知居然係海賊王入面隻路飛黎。

佢話自己毒都真係無講錯,我好少見人用呢啲圖做whatsapp icon,至少我識既男仔入面無。

我都幾好奇阿信到底係一個點既人。
#166 2017-07-17 01:11:12 縮小字型 放大字型

第二日一起身,我睇電話,無收到任何新既whatsapp。
我有少少失落,可能因為我期待緊阿信搵我啦。

我諗咗陣,鼓起勇氣將我個時追緊既故send咗俾佢。
我好記得係羊格既文青女,個時仲live緊。

隔咗一陣都無收到咩回應,我都無再諗住,因為我要返工。

返工既時間我基本上都唔會點樣睇電話。

直到放lunch,我先有時間睇下部電話。

「我都有睇呀,幾撚好笑個故。」佢終於覆咗我,係半個鐘前既事。

「你唔會係醒咗無耐掛?」因為而家已經係五點鐘。

「係呀,我今早九點幾先訓。你食野未?」嘩,無諗過有人啲作息時間仲痴線過我,我自問已經係個超級夜貓,無四、五點都唔願訓個啲黎。

「我返緊工,而家放緊飯呀。」

「仲諗住搵你食lunch添。」

就係咁,我地就開始咗係whatsapp傾計。

其實我地傾既話題都無咩營養,純粹係大家都好戅鳩,多數都係傾下鳩野。

阿信係一個幾慢熱既人,同佢唔熟你會覺得佢好靜唔係幾出聲,熟咗先發掘到佢其實有另外一面。

當傾下咁上下熟,我地都真係有得閒出黎食下學校canteen,有時會出遠啲食。

得閒出下黎加上日日傾計既節奏,其實我都feel到自己對佢都有啲好感。
#167 2017-07-17 01:12:24 縮小字型 放大字型

有一次,我同佢出去食野,我地講開拍拖既話題。

「聽七樓班人講,你好似分手唔係好耐?」因為我有次係hall飲酒飲到好醉,個個都以為我仲因為個ex唔開心。

「分咗一排啦。」

「你仲好唔開心呀?」

「唔係啦,唔好聽佢地亂講。」

之後講多幾句,佢無啦啦問我:「咁你同你ex…有無咩過?」

「咩呀?」我無諗過佢會咁樣問,因為我地熟得黎又未至於講啲咁深入既話題。

「咪咩囉。」佢好似有啲尷尬咁講,之後搔一搔佢個頭。

「哦,有呀,拍拖拍咗成兩年有都好正常啫。」我廢時搞到個氣氛咁奇怪,索性直接話有算,反正對於大學生黎講拍拖有扑過野真係好閒。

「哈,無呀,我都係問下咋,正常既。」

我地準備過馬路個時,因為我無睇清楚就想行出去,佢就一野搭住我膊頭,拉返我返黎。

「喂,唔好發夢啦戅鳩,睇車好喎。」佢好鍾意窒我,熟咗之後就窒得更加唔客氣。

「咩呀,我邊有發夢呀。」

「諗咩諗得咁入神呀?諗我呀?」佢笑笑口咁問我。

「痴線。」
#168 2017-07-17 01:13:18 縮小字型 放大字型

「咁呀,問你樣野呀。」佢支支吾吾咗一陣,之後就開口問:「你呢,拍拖既話會唔會好痴身?」

「何謂痴身先?個個人對痴身既定義都唔同架喎。」我咁答佢。

「咁你覺得係咪要日日見先叫拍拖?」

「如果啱啱開始拍,想見多啲都好正常姐。但拍耐咗,都係一星期見一次咁上下啦,我同ex都係咁,多既咪一星期兩次囉。」

佢聽完好似鬆咗一口氣咁,之後話:「合理呀,我好怕痴身既女,好煩。」
「我都好怕好痴身既仔,好煩。」我係由衷地同意佢,因為我個人好需要私人空間,我接受唔到另一半係痴身既類型。

「我個ex其實幾好,仲幾靚女,不過衰在chur。」

「所以你就唔要人呀?」

「又唔係既。」

「咁點解分手?」

「無咗feel囉。」佢好淡然咁講。

「拍咗幾耐呀?」

「三個月。」佢好似唔係幾好意思咁講呢個答案出黎,因為我同佢講過我同ex拍咗好耐拖。

「三個月就無feel?會唔會太快呀你。」

「我都唔知呀,哈哈。所以我咪好耐都無女囉,廢時害人啦。」
#169 2017-07-17 01:15:42 縮小字型 放大字型

返到hall之後,我地各自返自己房,係佢臨出lift之前,佢摵咗我塊面一下,就同我講byebye。

自從同ex分手之後,我就無乜同過異性單獨出去,就算有都係朋友個種。

佢令我有種好耐都未出現過既感覺,鍾意?我又唔知稱唔稱得上係鍾意,我淨係知同佢出街好開心,至少我仲想再見佢多啲。

佢之前成日話自己係毒撚,但係其實佢一啲都唔毒。
起碼我覺得佢把口都幾識溝女先。

返左房無耐,就收到佢whatsapp。

阿信:傻鳩。

我:你就傻鳩。

阿信:傻鳩你做緊咩?

我:無呀,無野做緊。

阿信:咁有無掛住我?


佢咁講令我心如鹿撞,我開心得黎又好怕呢啲就係佢平時對住每個女仔都會講既說話。


我:唔話你知。

阿信:答我,有定無。

我:….有囉咁。

阿信:我都係。


隔左陣,佢就上咗黎我房搵我。
#170 2017-07-17 01:31:46 縮小字型 放大字型

隔左陣,佢就上咗黎我房搵我。

「你又話要打機既。」頭先係街佢話個friend借左隻新game比佢打,佢要即刻返黎試試佢。

「我上黎陪你唔好咩。」佢一野坐左上黎我張床到,一路㩒電話一路講。

「好,實好架。」

我有啲尷尬,始終面對一個識咗唔係好耐既男仔,突然間夜媽媽走入黎我房仲佳係我床上面,我有啲無所適從。

「喂。」佢突然叫我。

「咩呀。」

「做乜唔坐上黎呀,坐櫈好舒服咩。」

「ok啦,廢時啦。」

我講完呢句之後,佢望咗我一眼,之後拍一拍佢隔離既空位,示意我坐上去。

之後我同佢開左套戲黎睇,係咩戲我唔係好記得,因為係佢搵既,外國片黎。

我記得套戲係講戰爭,個畫面就係啲人係咁放炸彈,又返去總部畫面講點樣出兵,來來回回咁啦,我都唔係好記得講乜。

因為睇咗20分鐘左右,佢隻手已經係我條腰上面。

「做咩呀你。」我個心跳得好快,可能因為太耐無比男仔攬過。

「攬你囉。」

「咁做乜要攬我?」

我本身係背住佢,佢係我後面單手攬住我。我講完呢句佢就將我成個人轉向佢,然後乜都無講就錫咗落黎。
#171 2017-07-17 01:32:11 縮小字型 放大字型

我地錫左幾秒,我就推開咗佢。

「唔好玩啦。」我好認真咁望住佢。

「我無呀。」

「你做乜要錫我啫!你成日都係咁架?」

「梗係唔係啦,我兩年無拍拖啦。」

「即係有搵女啦。」

「無呀,真係無呀呢。」

之後佢又錫落黎。我地一路聽住啲炮火聲,一路錫,錫錫下我已經得返個bra。

「我唔係你女朋友,你唔好搞我啦。」因為我好清楚之後發展落去就唔係得返個bra咁簡單。

「我鍾意你。」

「我唔信。」

佢無理我,繼續錫我。佢由我條頸開始錫,錫到落去我個胸到。

「你好撚正啊。」佢用近乎氣音既聲係我耳邊講,我成個人震咗震。

「不過對波如果可以大多少少就好。」

之後佢想伸手入黎我條底褲到,我推開佢隻手。
#172 2017-07-17 01:33:11 縮小字型 放大字型

「我淨係會比男朋友。」聽過太多朋友講大學入面啲人都係扑完野就當無事發生過咁,我唔想自己都成為呢種人。

「咁我而家做你男朋友。」

「你真係鍾意我咩?我地唔係識咗好耐咋喎。」

「鍾意,真係鍾意。我鍾意你呀,Kate. 」

佢繼續好溫柔咁錫我耳仔、頸,之後就係嘴。

佢比咗個好深既吻我。佢條脷係咁係我個口入面打轉,我感受到既佢好熱切既渴求。我諗我地錫咗好耐,耐到我有啲口乾,但我地都無放開過大家。

之後佢將佢既手伸入我既裡面,輕輕咁挑逗我既私處。

我比佢刺激到好興奮,生理上我好想佢即刻就地正法我;但我心理上又好矛盾,因為我地而家咩都唔係。

我猶豫咗一陣,我到底應該點做。

一方面我覺得佢係對我有感覺既,但一方面我又唔信佢真係鍾意我,畢竟我地其實都唔係識咗好耐。

結果個一刻我好無理智咁相信咗佢。

「我好鍾意你呀。」呢句野不斷係我耳邊縈繞住。

成晚我除咗啲炮火聲,就係聽到佢係咁叫我個名,話好鍾意我。

我事後諗返起,我諗佢話鍾意我係無錯既。

係鍾意我,同佢做愛。
#173 2017-07-17 12:43:07 縮小字型 放大字型

我第二朝要返工,所以我好早就醒咗。

「你醒嗱?」佢見到我想起身,鬆一鬆開攬住我既手臂。

「係呀,我一陣要返工呀。你有無訓過?」因為我地琴晚都好夜先訓覺,佢個樣好似好攰咁。

「無呀,你壓住我隻手我點訓呀。」佢舉起佢隻右手苦笑咗一下。

「丫,sorry囉,咁你可以fing開我架嘛…」

「你咁香邊捨得fing開你呀。」佢講完之後錫咗我額頭一啖。

之後我話我要去沖涼,佢就話返自己房訓,叫我返工小心啲。

「你會唔會過左今日就唔再理我架啦?」我故作輕鬆咁問。

「點會呀戅鳩。」

「可能你扑完就算呢,好多人都係咁架啦。」我懶係灑脫咁講,不過我心入面好怕我地個關係就咁就完結。

「你收工搵我啦,我應該差唔多訓醒架啦。」

「好啦。」臨走之前,佢又錫多我一啖。

之後個日返工,我成個腦都係佢。

自從呢次之後,我地差唔多日日都會見,呢段唔知算係咩既關係都正式開始咗。

我地會因為我上九點要食早餐佢陪我食而見;佢訓醒想我陪佢食hallcan而見;我地半夜三更肚餓一齊叫要等兩個鐘既麥麥送而見;當然仲有因為做愛做的事而見。我地呢種似係拍拖但又唔係拍拖既關係維持咗三個星期左右,好似好短但我覺得已經過咗好耐,因為嗰三個星期都發生咗好多事。
#174 2017-07-17 12:47:49 縮小字型 放大字型

有時我地真係好開心。

「你呢個sem要比啲心機讀呀,唔好defer呀你!」阿信笑住咁串我。
「食屎喇你,我先唔會defer,準時grad!」
「你係先好呀,到時我地要一齊影畢業相架。」
「一齊影?用咩身份影先!」我攬住佢條頸講。
「你想咩身份咪咩身份囉,哈哈。」

「我好掛住你呀。」
「我唔信喎。」
「唔信?我即刻黎錫你呀拿。」

「你以後淨係可以比我一個掂,知唔知。」
「知喇。」

佢話過自己係個好鍾意睇海賊王既人,而我都因為咁而陪佢睇過好多次呢套我毫無興趣既動畫。

「我試過睇到喊。」佢曾經咁樣同我講過。

而我後來居然痴線到會自己上網睇海賊王。

因為我好想了解佢鐘意既野係點。

當我做到呢一步個時,我先知道自己已經好鍾意佢。
#175 2017-07-17 12:49:07 縮小字型 放大字型

「今晚上黎好無。」我roommate好少返hall,所以我間房長期得我一個。

「我roommate今晚係到呀。」

「咁你上黎陪我一陣?」

之後佢無覆我。呢個情況係呢三個星期不定時地發生。

因為事後佢總係同我講:「阿軒好少返黎呀嘛,難得佢係到,我想陪佢呀。」

我知佢同阿軒好老友,所以先reg同一間房。

不過我覺得,抽少少時間見下我唔係好過份姐,我都係想見一陣。

最初我都會諗,佢係咪約咗第二條女先唔理我。

「咁聖誕個日我黎接你收工呀。」呀信之前同我食飯個時問我聖誕有咩做,我話要返工。

「係咪架,我收十二點半,可能仲要ot。」以十二月尾呢啲大時大節我公司一定忙到仆街,隨時收夜都唔知收工時間。

「唔緊要啦等你囉,收工一齊去食啲野。」

「好呀,你係黎接我先好。」

結果,佢都係無黎到。

「你聽晚係咪黎接我收工?」聖誕前一日,我係電話問佢。

「我唔記得個日約咗阿軒呀,佢生日,要同佢飲野。」
#176 2017-07-17 12:50:40 縮小字型 放大字型

我諗我地之間並唔係隔住啲咩女人而出現嫌隙,我都唔知呢件係咪一件好事。

但至少我可以肯定既係,佢根本唔係真係鍾意我。

有心既話點會得閒先搵下你,有佢搵你,但無你搵佢?

雖然我唔係拍過好多次拖,但係我唔係傻既,有上開高登都知男人係點。

但係我每次都會心軟。

逄親佢搵返我,我都好似隻狗咁即刻覆佢,佢就愈黎愈搵得我少。

自從我同呀信既關係開始咗之後,我都無乜點同人提起過。

始終我地段關係唔係幾健康。

唔通同人講:「我呢排都叫有個對象既,不過我地未一齊架,但係扑咗野囉。」

我真係講唔出口。

唯一知得多啲既,係step,我係hall其中一個好熟既女仔。

我有話佢知呢排我同呀信行得好埋。

「咁人地係咪鍾意你先?」佢吞雲吐霧咁問我。

「我唔知呀,鍾意掛。」

「慢慢發展下先囉,唔好咁心急啦,都唔係識咗好耐。」

「我都唔急既。」急果個係佢咋嘛,肉體上。

「咁咪得囉。」佢吸埋最後一口煙,之後隨手掉落地下,踩咗兩下枝煙就熄咗。

我始終無辦法好坦白咁講,我地已經發生咗關係。

呢件實在係件太難以啟齒既事,唔會有人接受到。

除非你都係呢種人。
#177 2017-07-17 22:35:15 縮小字型 放大字型

慢慢我好似意識到,阿信好似只會係佢有需要既時候搵我。

你可以話係攝時間,又或者當我係肉便器?

我唔想講到咁差,但係我真係諗唔到仲有咩詞語可以替代到。

我有嘗試說服自己,佢係鍾意我既。

「喂呀,肯起身未呀你。」我地有日約咗出去,但係佢晏就四點幾問完我想去邊之後就消失咗。

我知佢應該係房,所以我落咗佢房搵佢。

我一入佢房,就見到有人訓咗係右邊張床。

兩張床單人床,我知左邊張床先係佢既,但係佢永遠都會訓係右邊張床。因為佢話阿軒張床舒服過佢。

果然佢係訓左覺。我對呢個情況唔感到驚訝,因為佢係成日訓覺既人,特別而家放緊sem break。

「唔…丫….咩事呀...」佢本身緊閉既雙眼眨咗一眨,之後皺一皺眉頭,好似喃喃自語緊咁。

「你唔係約咗我架咩,仲訓覺。」我有啲嬲,但係我無表現出黎,只係用把略帶嬌嗲既聲叫醒佢。

佢聽完之後就彈咗起身,之後望一望電話:「原來已經七點幾啦…shit」

「係呀,我見你好耐都無反應先落黎搵你。」

「得,得,我而家去沖涼。」佢一面睡眼惺忪咁,之後拍一拍自己個頭,好似想自己清醒啲咁,佢就入咗廁所沖涼。

我坐係佢張床等佢,望到佢牆上面貼咗幾張明信片,全部都係日本風景黎。
因為佢係一個好鍾意日本既人。

我同佢講過我從來都未去過日本,佢就笑我話:「搞錯呀,你咩人黎架,咁大個人日本都未去過。」之後佢仲話:「日本真係好正架,你有機會一定要去下,你會鍾意呢個地方。」
#178 2017-07-17 22:35:59 縮小字型 放大字型

佢沖完涼出黎,嗌咗聲好凍就打開咗個衣櫃摷衫。

我望住佢個側面,其實佢真係幾正。

上身少少橫,有勻稱既肌肉,唔會太大隻,小腿又因為做開運動所以有返適當既肌肉同粗度。根本佢全身完全無一忽係毒,除咗佢副眼鏡之外。

「著hoodie好定著裇衫好?」佢左手拎住件藍色hoodie,右手係一件珅士領既裇衫。

「裇衫囉,你成日都著hoodie架啦 。」佢成個衣櫃都係hoodie,其實我好少見佢著其他衫。

之後佢就放返件hoodie入衣櫃,穿起件裇衫、扣鈕。

「點呀,我係咪好靚仔?」

「食屎啦你。」

我地沿宿舍下面既斜路行落地鐵站,當時大概係八點幾鐘。

可能因為sem break既關係,好多人都返咗屋企,所以呢條行人路得小貓三四隻。

佢行行下突然攬住我膊頭,然後錫咗我一下。

之後若無其事咁繼續行。

我想伸手去拖住佢,但係我又無呢個勇氣,最尾都係放棄咗。

雖然我地好似做哂情侶做過既事咁,但係呢段關係永遠都好似浮唔到上水面咁,我只係活係一個得我同佢既世界,去到出面我地既關係就只係朋友。

因為佢一次都無係條街到拖過我。
#179 2017-07-17 22:36:39 縮小字型 放大字型

「唔好啦,我怕羞呀大佬。」有次我好自然咁拖佢,佢甩開我隻手,之後咁樣講過。

所以我地出街係唔會拖手,除非係啲少人或者無人既地方。

我地出去食咗譚仔,之後睇咗套西片,我地就搭巴士返hall。

落到車已經凌晨一點幾,條街比起出黎個時更加冷清。

我地又行返同一條斜路返去,呢次佢同我十指緊扣。

行行下我摸下個袋,我發現我個銀包唔見咗。

「屌,我個銀包呢?」

「下,搞乜呀你。」

「唉,肯定係跌咗係巴士,我上車仲嘟到八達通。」

佢叫我搵清楚先,睇下有無塞咗係其他位到,我搵多次個袋,連衫袋都摷埋,都係無。我搖搖頭咁同佢講:「應該真係跌咗係巴士。」

佢咩都無講,就咁拎起個電話㩒咗一陣,之後佢拎起個電話黎聽。

我問佢做咩,佢無理我,隔咗陣就放返低部電話。

「巴士公司條線唔係廿四小時架,聽朝七點先係辦公時間,我留咗我電話,聽朝再幫你問啦。」

「下?哦,好啦。」

之後佢又再㩒多幾下,佢放咗係耳邊一陣,就隊咗部電話比我。

「做咩?」

「報失信用卡呀傻鳩,我唔知你啲資料呀你自己講啦。」
#180 2017-07-17 22:37:19 縮小字型 放大字型

因為我連房卡都無埋,roommate又無返黎好耐,所以我要叫保安姐姐幫我開門。

阿信陪我開門之後,佢就入咗黎我房,一野坐落我張床到。

「唉,我真係好戇鳩,又咁唔小心。」

「係囉,你真係傻鳩黎。」之後佢一野拉咗我坐落佢大脾到,攬實我條腰。

「你話你係咪傻鳩呀,咁論盡都有。」佢講完呢句,下一秒已經同我唇貼唇。

我地好自然地係張床到親熱,但係我地無落去下一步。

「喂,我返房訓啦。」

「你唔係到訓?」

「呀姐,聽朝仲要一早起身幫你打電話,你比我落去訓啦。」

「下,你真係幫我打架?朝早七點喎,你醒到咩?」我話過佢係訓覺訓到仆街個啲人黎,我真係唔係幾信佢會早起身到。

「屌,較個鬧鐘就醒到架啦,得啦。」

第二朝大概七點半我就醒咗,自己打咗電話去巴士公司問。

個接線生話因為黎緊幾日都係紅日,所以失物處唔開。我問佢係咪執到我個銀包,佢又話唔知,要等到失物處既辦公時間先答到我。
#181 2017-07-17 22:38:05 縮小字型 放大字型

我好沮喪咁收咗線,我收到呀信既whatsapp。

阿信:喂我頭先幫你打咗去問,佢地話呢幾日紅日唔開呀。

我:我知呀屌,我都有打去。

阿信:我咪話咗我幫你問囉。

我:點知你真係起到身架姐。


我又真係估唔到佢會特登起身幫我問。

阿信:你不如試下去總站問下啲車長啦。

我:但而家朝早八點幾,揸通宵個班車長都收咗工啦。

阿信:屌,咁你唔試下點知姐。

我:我唔係唔想試,不過我覺得搵返既機會好細姐。

阿信:我今晚出去幫你問下啦。

我:你得閒先算啦,又話約咗人。

阿信:屌,我本身真係諗住幫你問,算數啦咁,唔想同你講。

#182 2017-07-17 22:38:38 縮小字型 放大字型

之後佢好似嬲咗我咁,全日都無再理過我。

我都唔知佢咁樣稱唔稱得上關心我,起碼我唔見銀包佢都無走咗去;
仲朝早七點起身幫我打電話。

但係可能呢樣野根本好普通,對住普通朋友都可以咁。

直到我個日放工,阿信都係無搵過我。

我知佢約咗朋友,都知佢可能仲係唔想同我講野,所以我都無搵佢。

我同Kenny佢地打牌打到四點幾,我就返咗房訓覺。
但係我完全訓唔著。呢一晚係我第一次因為佢而訓唔到覺既夜晚。

由夜幕低垂變成一片暈橙,直到太陽都升起埋,我個電話都無響過。

我知道佢係房,因為我見到佢係ig story到post咗張佢係房睇緊波既相。
明明只係隔住兩層樓既距離,點解呢一刻好似好遠咁?
#183 2017-07-17 22:39:04 縮小字型 放大字型

呢日我唔洗返工,廢青無野做梗係打牌。
呢個係我入咗hall最常做既事之一。

「碰隻先。喂Kate,阿信呢?」講緊野既係晴晴,同之前都有一齊打牌既Kenny一樣都係我啲牌腳黎,佢地呢pair情侶成日搵我做佢地電燈膽,我地都因為咁所以好熟。

「下,我點知呀。」我打咗隻牌出去。我無諗過佢會咁樣問,因為我無話佢知我同呀信啲野。

「你唔知?你地呢排行得好埋喎。」Kenny奸笑,好似想chok我咁。

「咩呀,邊有呀,你聽邊個講架。」我若無其事咁繼續打牌。

「唔洗扮野啦,我話哂都係老鬼黎,hall呢就無秘密既。」Kenny好似預咗我唔會講咁,一臉從容咁望住我講。
「咁你知啲咩呀下,懶醒。」

「知你地好似有啲野囉,點姐點姐,扑咗未?」晴晴搶住答。

「痴線,你地就扑咗。」我個心雖然好虛,但都即刻否認咗先,呢樣野我係點都唔會講既。

「哦,呢個就基本啦。」Kenny大笑咗一下,之後反牌,屌,係我出統。

「食呀,清對無花,爆棚呀!叫咗你睇路架啦,仲打索子。」佢好開心咁彈咗起身,之後mark返數。

「屌,最衰都係你地,無啦啦問我,搞到我分心。」

「掛住人咪搵人囉,屌我都無用架,哈哈。」佢地好仆街咁笑咗我一陣,我地就繼續下一鋪。
#184 2017-07-17 22:40:09 縮小字型 放大字型

打緊第三圈個時,我收到阿信whatsapp,我地已經幾日無聯絡。

「係hall?」我見到係佢,我諗緊我應唔應該即刻覆佢。

因為佢幾乎每次搵我,我都會秒回佢,而佢梗係唔會咁樣對我。
於是我等到四圈完咗先覆返佢。

我:係呀。

阿信:做乜咁耐唔搵我。

我:下?係你唔覆我先。

阿信:乜你咁小器架,都話你份人易嬲架啦。

我:鬼有。


我地傾多幾句之後,佢問我第二晚有咩做。

然後佢話一齊食飯。

個日我地約八點,佢差唔多搭半先到。

「sorry呀,頭先要等我個friend比野我所以遲咗。」

「唔緊要啦,我地去邊呀?」

「一陣你咪知囉。」
#185 2017-07-17 22:41:05 縮小字型 放大字型

之後佢帶咗我去一間係中環既酒吧,成間鋪散發住暗紅色既燈光,因為鋪頭入面有塊好大既霓紅燈招塊,寫住間吧既名。

我地一人叫咗一杯手工啤酒。

杯酒叫咩名我已經唔記得,因為我好少飲啤酒都唔鍾意飲。我只係記得我個杯甘得黎有桂花香味,唔係好苦,算易入口。

我地一路飲一路傾計,由講下佢想買咩衫講到我返工平時點樣對啲閪客,總之乜都講一餐。

我望一望佢,佢塊面好紅。

有可能係因為酒精;可能係因為塊霓紅燈牌;可能因為我。

佢見我望住佢,我無講野;佢都無講野,之後就哄咗埋黎。

我地錫咗一下,佢隻手好似想伸入我裙底,我輕輕推開佢。

「呢到好多人。」我細細聲係佢耳邊講。

「怕咩呀。」佢無理我,繼續想摸入黎。

「唔好啦。」我再推開佢隻手。

「唉,你唔想就算。」佢好似好掃興咁講低呢句,之後我地都無再出聲。

我地靜靜地食埋枱上既意粉、飲埋剩返既啤酒,佢嗌埋單,之後比錢、離開。
沿路我地一直無出過聲。

個晚涼咗好多,我著住白色長袖衫加件薄既格仔裇衫,下身係牛仔短裙,我開始起雞皮。

「好凍呀,你唔凍咩。」我嘗試打破沉默,雖然我唔知點解要由我黎打破。

「唔凍。」佢毫無語調咁回應我,就好似電子辭典機入面既男聲咁。
#186 2017-07-17 22:42:21 縮小字型 放大字型

我都唔知可以講咩好,於是我選擇繼續沉默。

沉默係面對另一方沉默最好既應對。

咁樣大家都唔需要再為要點樣去打破沉默而煩惱。

我地行行下行咗去中環碼頭,我無問佢搭唔搭船就自己入咗閘。
因為我好鍾意搭船。

呀信跟係我後面,入咗閘,之後佢問我:「做乜唔搭地鐵?」

「我想搭船,好耐無坐過啦。」我目光停留係準備開既船到,無望過佢一眼。
我地好似啞咗咁,大家都無再講野,直至返到宿舍。

佢跟咗我入房、熄哂所有燈,又開始錫我。

「夠啦。」

佢無理我,繼續錫。

「屌,其實我係咪雞黎架姐?」我忍唔住講咗呢句。

「都話唔係囉,做乜呢排成日要咁樣講姐。」佢好唔耐煩咁講。

「因為我真係唔覺你鍾意我。老實講,你係咪只係貪方便求其搵條女扑下野就算?係既話你同我講呀,我唔想咁白痴鍾意你呀。」我諗返起都覺得自己好傻,就算人地個心咁樣諗又點會同你講,邊有人做賊同圍同人講我係賊,一樣道理。

「我都話有鍾意你囉,你死都唔信咋嘛。」佢放開咗捉住我膊頭既一雙手,之後坐咗係電腦櫈到望住我。

「但係你成日唔理我,你得閒先搵下我,唔鍾意就唔理我,我真係唔覺得你鍾意我。」

「唉,我份人係咁樣,我成日唔覆人架啦,我已經覆得你好快好密架啦。」

就係咁,個晚我又比佢氹返。
#187 2017-07-18 13:56:43 縮小字型 放大字型

呢段不知所謂既關係維持咗一段日子。

每日既心情都會好似過山車咁係咁上上落落,有時好開心;有時好唔開心。

因為佢既忽冷忽熱真係令我諗唔透,到底佢對我係點?

我好耐都無經歷過呢種好似要玩心理戰既角力遊戲。

久而久之,我因為煩厭咗呢種好似做狗咁既生活,我嘗試放棄再同佢糾纏。

「食唔食飯?」有日一起身,就見到阿信再次咁樣問我。

「ok呀。」其實我從來都唔會拒絕佢,只要我得閒。

然後我起身沖涼刷牙洗面,就同佢講我出得門口。

然後就再沒有然後。因為佢又無覆我。

我記得個時係連續第三日佢搵我食飯,然後又無咗人影。

我真係好撚厭。

雖然我好鍾意佢,但係佢呢種態度真係令我唔好受。

「算啦,佢認真就唔會咁啦,你不如唔好理佢罷啦。你個關係屌穿咗架啦,以後唔好咁易比啲男仔扑你啦,好蝕架。」有個男仔frd咁樣同我講過。

其實有啲野我又點會唔知,不過人係犯賤架嘛,又點會肯聽。
#188 2017-07-18 13:57:30 縮小字型 放大字型

終於,個次我肯下定決心唔理佢。

而我都準備去旅行,我就同自己講,去完個旅行返黎就要放得低。

於是,佢再搵我我都無再應佢。

「你幾時飛?」
「你今日去咗邊?」
「你嬲咗我?」
「做咩你唔應我?」

我雖然好想應佢,我望住個對話想輸入又唔敢輸入,個心掙扎咗好耐。

我同自己講忍住。

不小忍含得撚呀嘛。

有好幾次係hall area撞到佢,我都扮唔識佢。
佢個樣好似有啲尷尬咁,同我一樣無出聲,好似我地兩個完全唔識對方咁。


之後即使我唔係香港,係異地玩得幾開心都好,我點都會有一瞬間係諗起佢。

明明唔係發生咗好耐,我地之間又無經歷過啲咩,感情絕對稱唔上係有幾深厚,但係我感覺到自己既情緒波動因為佢而變得好大起落,真係好奇怪。
#189 2017-07-18 13:58:08 縮小字型 放大字型

我返到香港之後,佢又再搵我,我地已經無聯絡大個半月。

「我件衫係咪係你到?」佢借過件外套比我,因為個時天氣轉涼我又未搬冬天衫返hall,所以佢話比件褸我頂住先。

「係呀,你係咪想拎返?」我應咗佢,因為我想比返件衫佢,咁樣先係真正既了斷。

「呢排凍呀,你著住先啦。點呀,泰國好唔好玩?」

就係呢一下,我又好似之前咁開始同佢講返野。

呢個世界就係咁,你想放低一個人,偏偏佢又會再搵你。

定力稍為唔夠,就會好似我咁,再次比佢牽著鼻子走。

不過好明顯我地無咗之前個份熟稔,取而代之係好客氣既對答。

「可唔可以借洗衣粉比我?」
「Thank you唔該哂。」
「好呀唔該哂你呀,我比返錢你呀。」

呢啲咁客氣既對答話比我知,我同佢既關係已經同之前唔再一樣。

我調整咗自己既心態同佢相處,我希望可以當佢係朋友。
#190 2017-07-18 13:58:59 縮小字型 放大字型

直到佢生日前幾日,我睇到佢係ig story post咗啲好負面既野。

「你唔開心?」我始終都係忍唔住關心佢,可能因為我真係鍾意佢。

「好開心,你會關心我。」

「傻咗咩,做咩呀你。」

「無呀,我覺得我自己都唔係好理解自己。」佢咁樣講係咩意思,我到而家呢一刻都唔知。佢繼續講: 「係呢,你記唔記得我幾時生日?」

點會唔記得,你話過好易記。但係說算幾難記都好,我鍾意你就點都會記得住。

「記得,三月十五呀嘛。」

「叻女。同我食生日飯好無?」

個晚係我同佢嘗試斷絕來往之後,第一次再同佢出黎食飯。

平時出街佢會戴con,今日佢戴咗眼鏡。呢個係我見過最熟悉既樣,因為我多數見佢都係喺hall。

「我地食咩?」佢見到我之後同我一齊入閘,行去往油麻地方向既月台。

「無所謂,你生日你話事啦。」

「咁我地去鋸排啦,阿軒介紹,幾好食。」
#191 2017-07-18 14:00:31 縮小字型 放大字型

我地坐低叫完野食,佢就開始同我講佢啲野。

「呢幾年,我覺得自己變咗好多。讀大學真係唔啱我,呢到識既朋友我覺得好唔啱玩,我完全唔想同人social。諗返起之前讀asso開心好多,而家住hall又悶,我真係快啲grad出黎做野算。」佢一口氣講咗好多野,總之都係表達佢覺得而家過得一啲都唔好。

「咩呀,你有阿軒佢地呀,見你同佢地都玩得幾埋。」

「阿軒今年好少返hall訓啦,成日得我一個無人陪我。」

「咁你可以同其他人玩架嘛,你又成日咁摺。」

「我就係唔想social,無興趣同其他人熟。」

佢就係一個咁奇怪既人。平時同我地打牌飲酒,佢又會好正常好開心同我地傾計,唔只係我,可能係對住hall既其他人,佢望落都係好融入到大家既圈子咁。

佢雖然成日話自己係毒撚,但係佢既外表一啲都唔毒,因為佢係個好識打扮既男仔。所以我有時都好疑惑,呢個人個腦到底係諗緊乜。

「咁你又要話悶,又要唔想social,好難幫到你架喎。」

「算啦,我係咁架,我都話過我份人係好負面,你識我耐咗就知。我讀書又唔叻,返工個到又做得唔係好過人,身邊個個兄弟都出哂pool,得返我戅鳩鳩咁。」
#192 2017-07-18 14:02:04 縮小字型 放大字型

其實佢咁樣講我都唔知點樣應佢好。

佢講到自己好想拍拖咁,但係同我又無一齊,咁樣算係咩?

唔通我話「你咪有我囉」咁樣呀,我都係講唔出呢啲咁核突既野。

阿信咁樣同得我講,我心入面都好清楚個答案。

佢唔鍾意我先會同我講呢啲野,就好似當我係佢一個朋友聽佢訴苦講下經咁。

我諗我真係唔應該再對佢有任何期望,少少都唔可以。

個晚返到去,我地依然同之前一樣,各自返咗房。
同之前一樣,返到房無耐,收到佢既whatsapp。

阿信:Thank You

我:Thank You for what?

阿信:For everything you did


我個心比呢句野震攝咗一下,我終於忍唔住問佢。

「其實你由頭到尾有無鍾意過我?」

「唔話你知。」佢始終都係唔肯講,其實我寧願阿信話無,咁樣我死心會死得快啲。

「你咁講我都知答案。」

「sorry,如果我再搵你係因為個啲野,你一定要屌醒我。」
#193 2017-07-18 14:03:29 縮小字型 放大字型

呢晚,我無喊,但係我食咗一枝煙。

我唔係第一次食煙,但係我本身唔係食開煙,只係以前有試過。

我因為阿信,開始食煙。

唔係咩懶型既行為,我覺得女仔食煙好醜好肉酸,食落成個老江湖咁。

我諗大部份人都唔會鍾意食煙既人,包括我自己。

所以我都唔鍾意我自己。好垃圾。

不過我真係好想食,好似咁樣先能夠抒發到啲情緒咁。

你話食完會唔會開心啲,其實又唔會,反正就係想食。

有人話一醉解千愁。

飲酒會頭痛,食煙唔會,所以我食煙。

之後既日子,我偶然都會係hall area或者我地座hall撞到阿信,我地會點個頭say個hi,大家既距離又拉返遠。

我無忘記到佢,對佢既感情唔知叫唔叫淡咗,不過總算對我生活無太大既影響。

不過每當我食煙,多數都係因為我又諗起佢。

後來去到hall一年一度既annual dinner,佢又再搵我。
#194 2017-07-18 20:58:28 縮小字型 放大字型

去到hall一年一度既annual dinner,佢又再搵我。

「你呢兩日係咪hall?可唔可以幫我做啲野?」見到久違無出現過既名出現係電話,我個心跳得好快。

我真係好唔爭氣,竟然到呢一刻都仲咁在意佢。

「做咩?」我唔知佢點解要搵我。

「我呢兩日唔返hall,但係我知annual dinner聽晚截,你可唔可以幫我報?」

我對於佢話報annual dinner係好震驚,而我驚訝係因為我從來無見過佢參加hall既活動,之前叫佢玩親佢都耍手擰頭,話毒撚唔識人唔想去。

「你有friend陪你咩?」以佢既性格無人陪一定唔會玩。

「無架,我自己報架咋,唔得架咩。」

「得,咁你想同邊個坐?」因為annual dinner會分枱坐,好多時啲人會同返自己班friend或者同層既人坐埋一齊。

「下,乜有呢個問題要諗架?咁我同你坐得唔得。」

我猶豫咗好耐,我應該點樣覆佢。

你話我想唔想同佢坐,點會唔想,但係咁樣即係又再踩返落個深淵到。

我忍唔住走去問晴晴。

「阿信話要同我坐,點算。」

「下,呢條友咁撚奇怪既,阿軒個啲唔去咩?」晴晴其實知道哂我同佢既關係,成日都話諗唔明阿信呢個人係點。

「我唔知呀,佢話無friend報喎。」

「咁呀,叫佢同我地一齊坐囉。」
#195 2017-07-18 20:59:06 縮小字型 放大字型

去到annual dinner個日,因為阿信話日頭要出去幫人補習,六點先會返黎hall。

「我好眼訓呀。」佢係whatsapp同我講。

「返黎恰一恰囉。」

「唔得架,我訓咗就醒唔返。」

「咁一係我七點幾落黎叫醒你囉,反正一定唔會準時開始。」

個晚我著咗件大露背既既黑色裙,裙尾仲有少少開叉。

我化好妝之後,見時間差唔多,就去阿信間房叫醒佢。

呀信無著上身衫、下身得條孖煙通,見佢啲衫掉咗係自己床到。

佢就攤係阿軒張床到,訓到打哂鼻寒咁。

我走去佢床邊,拍一拍佢個頭。

「喂,起身啦。差唔多要落去啦。」我盡量放輕聲線咁講,怕太大聲會嚇醒佢。

佢開一開眼,見到係我,又闔返埋對眼,然後拉低我坐係床邊。

佢無開眼,但係對手就攬住咗我條腰,個頭都挨咗落黎。

「做咩呀你,唔好訓啦,快啲醒啦。」

對於佢突如其來既擁抱,我有啲不知所措。

畢竟同佢都有好耐時間無咁樣親密過,加上佢上次講得咁清楚,我唔識比反應佢。
#196 2017-07-18 20:59:30 縮小字型 放大字型

我企返起身,之後再搖醒佢。佢起身之後無講啲咩,就一野將我㩒係床到。

佢哄個頭過黎想錫我,但係我避開咗。

「唔好咁啦你。」我側住個頭望向窗既方向同佢講。

「你今晚好靚。」講完佢又再錫落黎,今次我避唔到。

我地係床上面錫咗一陣,佢就放開咗我。

「今晚返黎食咗你。」佢開始換緊annual dinner要著既西裝,背住我講。

「痴線。」我除咗呢句都唔知可以講咩好。

去到呢一刻,其實我更加肯定佢對我除咗性之外,咩都唔係。

即使有時佢搵我係問我借下野、陪佢食下飯咁,呢啲種種既來往都唔係因為佢真係想見我,只係因為需要我。

而呢種需要係建基於我既利用價值上面。

所謂既利用價值,就係有個女仔同佢住得好近,可以比佢隨傳隨到任佢魚肉,就係咁樣。

我知道我就係一件工具,用返高登仔成日講既,咪又係雞。
#197 2017-07-18 20:59:59 縮小字型 放大字型

係annual dinner上面,佢真係坐咗係我隔離,但係佢成晚都低頭㩒電話。

晴晴拉咗我去廁所問我:「點解佢唔出聲既?又話要同你坐?」

「我都唔知呀。」我都想問下做乜粒聲都唔出。

出到去,見到阿信同隔離枱班男仔傾得好開心,我認得個班人都係踢波既。

「佢又話無frd報既?識好多人喎,仲傾得好開心咁。」晴晴係我耳邊細細聲講。

「係囉,一係叫佢調過去隔離枱囉。」我之後行埋去叫佢同返自己班frd坐,佢又話唔洗。

結果,成晚佢坐咗係我隔離又無乜點出過聲,就咁就完咗一晚。

臨走之前,我掙扎咗一陣同唔同佢影張相留個紀念,但係我都係無開口問佢。

因為我唔想佢再請我食檸檬,好似當日佢係hall出面fing開我隻手咁。

個晚臨訓覺之前,阿信問我:「點解你唔搵我影相?」

「我以為你唔想影。」我都好想同你影張相。

「你都無問我。」

我地個晚無一齊訓,我只係喺自己張床到怪自己點解唔厚面皮啲同佢影張相,因為諗諗下,呢個可能係唯一一個機會可以留個回憶比我自己。
#198 2017-07-18 21:00:35 縮小字型 放大字型

如是者,我話要放低佢,但係我根本做唔到。

我地呢種關係持續咗成個sem,平時大家撞到會好似朋友咁say個hi,我係人地面前都會顯露得非常自然,就好似同佢只係普通朋友咁。

「你今晚係hall?」呢句係佢問得我最多既問題。

無論佢有咩需要搵我,我無一次會唔出現。

唔係因為我閪痕搏屌,只係因為我想見佢,那怕只係搵我借一借野。

總之可以見到佢就好開心。

我諗呢啲就係叫沉船,好聽啲叫痴心,難聽啲咪就係戇鳩。

係呀我真係好戅鳩。

「你訓我張床啦,我訓阿軒張床。」有晚我地完事之後,佢一野撻咗落阿軒張床到。

「下,你唔同我訓呀?」以前阿信次次都會攬住我訓。

「兩個人訓埋一齊咁迫,我會訓得好差架,唔好一齊訓啦。」佢用枕頭墊住自己個頭講。

自此之後,我地多數都係分開訓。

由佢唔再同我訓個刻開始,我知以前發生過既野都唔可以當係咩一回事。

佢對我既心態一早已經唔同哂,只係得返我一個留係原地、沉溺。
#199 2017-07-18 21:01:12 縮小字型 放大字型

「好痛呀,唔好咁大力啦。」有次係我房,佢係完全無任何前戲之下就用手強行隊咗入黎。

雖然只係手指,但因為佢好大力,加上又無乜液體係下面,所以真係好痛。

「正唔正呀。」佢無視我講既野,加快咗佢郁動隻手既速度,仲要更加用力。

「唔正呀,好撚痛呀,停手啦好無呀。」我忍唔住咁講。

「你唔鍾意我咁大力咩,你之前話鍾意架。」佢放輕咗力,但我完全無任何快感。

我當然無快感,因為佢連前戲個步都慳埋,我同一個飛機杯無分別。

以前佢會同我激吻一輪先開始,但係而家唔會。

佢只會發洩自己既慾望就算,佢又點會理我既感受。

又或者咁講,根本佢從來對我都一樣,只係一開始對我既係一種手段,得手之後就唔需要再扮野。

我既定位就只係一隻垂手可得既hall雞。

計起上黎,我比起收錢既雞仲要低賤。

因為人地起碼有錢收,只係一份工;我咩都唔係,仲要投放埋感情,送上門比人屌。

你問我係咪佢sp,我覺得連sp都稱唔上。

唔好話心靈上既關心,佢連係床上面個份尊重都無比過我。

好多時佢咁樣對我,我都好想即刻走,但係我最後都係無走到。

因為我真係拎過真心出黎,但佢無。
#200 2017-07-18 21:02:08 縮小字型 放大字型

記得個段時間,羊格出咗個故叫《好多件令我好後悔既事》。

我每晚都要睇,就好似我既睡前服咁,睇少一晚都會訓唔著。

因為入面羊格既心理描寫同我諗既野好似,居然有人同我腦海入面諗緊既野係一模一樣。

最可悲係故入面既羊格係個大仆街,而現實中我就係個啲比羊格呃既女人。

我覺得好諷刺。

如果有睇過羊格既都會知,佢寫既野係會睇到人想自殺,因為真係好虐心。

而我個時每日就係咁樣過。

我做咗個test,我個時仲有輕度抑鬱症。

最差試過唔開心到嘔哂啲野出黎,但係我居然喊唔出,然後成個人會四枝無哂力咁,連行步路都覺得好辛苦。

可能呢個只係好普通既都市病,但對於一向樂天開朗既我黎講,我覺得自己實在變得太多。

除咗開始聽《這麼近,那麼遠》之外,我都因為咁而開始執起枝筆寫野。

可能有人覺得我好白痴,用口語寫一堆無病呻吟既文字,毫無意義。

雖然唔係咩文學作品,但係我好起勢咁寫,比起我做paper更加落力。

因為我怕過幾年望返轉頭我會唔記得自己曾經咁鍾意一個人。
#201 2017-07-19 21:03:30 縮小字型 放大字型

臨近quit hall既日子又到,我知阿信無報return,因為佢成日都話唔想再住hall。

我心裡面好清楚,只要佢quit hall,我地呢段關係就一定會完結。

「我住到五月頭應該就會走架啦。」個晚佢罕有地訓咗係我隔離、攬住我講。

「嗯,咁你得閒多啲比我去你到訓好無。」我無再掩飾自己有幾想見佢,反正佢一定知我鍾意佢。

「好呀。」佢之後就攬得我更加實,我地一齊訓著咗。

呢晚我攬到佢好實好實,因為我唔知自己仲有幾多次機會可以咁樣同佢訓。

佢中途訓醒會摸下我個頭,就好似以前一樣。

呢種感覺就好似返去一開頭,佢話鍾意我既時候咁。

昔日最開心既時光竟然有機會重演。

呢次都可以話係我記憶中最開心既一次,因為佢肯同我一齊訓,我地仲傾咗好耐計。

真係好卑微,明明呢啲咁基本咁普通既事,我都可以當係寶。

我地之間既關係就係咁低賤,特別係我對佢。


到exam period既前夕,大家都各有各忙,佢要溫佢既書,我都要屌我既paper,所以我地無乜聯絡。

就算有,都係佢問我借洗頭水洗衣粉之類,因為佢話就黎quit hall唔想買新。

到exam period,佢偶爾會叫我一齊食個飯,然後一齊去圖書館溫書。

我地溫書既時候唔會講野,真係各有各溫,有時佢仲會早走過我。

我唔知點解佢會叫我一齊溫書,我有幻想過佢係咪都會想見下我,但係我都係唔敢諗啲咩,因為佢係鍾意我就一早一齊咗,而唔係好似而家咁。

我一直都倒數緊,我可以見佢既日子,數數下應該得返一個月都無。

「今晚我係你到訓好無?」我主動問佢,因為我記得佢同我講佢星期一就會搬哂啲野返屋企,個晚係星期日。

「唔好啦,你返房訓啦。」

「點解呀,你唔想咩,我地以後都無機會再咁樣訓啦喎。」我好失望,無諗過臨quit hall佢都會咁樣拒絕我。

「你係到訓我驚我忍唔住又會搞你。」佢唔只一次咁樣同我講過,但係當我地一見面既時候佢都係照咁樣做,有時我真係諗緊佢係咪人格分裂。

「我病緊喎,仲想搞我?你唔怕惹你到咩?」我個時雖然考緊試但係病到死死下,病到飯都唔係幾食得落。

「怕呀,所以咪話唔好囉,哈哈。」

之後我又係lift到撞到佢,我地又好似普通朋友咁點個頭,明明頭先仲講緊去唔去佢到訓。

我返到房之後再收到佢既錄音:「你病就早啲訓啦戇鳩,唔好再溫通頂啦,你要藥既話問我拎啦。」

我反覆聽咗幾次,到底佢係咪關心緊我?

阿信有意無意既關心對我黎講就係最無情既糖衣毒藥,將我一次又一次咁推落懸崖。

隔咗一陣,佢話佢沖涼,問我一唔一齊。

所以話阿信呢個人真係好奇怪。

呢頭話驚忍唔住搞我叫我唔好去佢到;轉個頭又叫我一齊沖涼。
#202 2017-07-19 21:04:46 縮小字型 放大字型

呢次係咁耐以黎最激烈既一次。

佢一見到我就拉我入房、鎖門;佢好快就除咗我件hall tee,之後大大力咁揸落黎。

佢一路揸一路錫我,推咗我去沖涼房。

「隔離無人咩?」我細細聲咁問佢,因為平時佢隔離房都會係到,我同佢扑野都要自動靜音唔可以比人聽到。

「無呀,佢地走哂啦。」講完之後佢將我推去塊鏡面前,從後抱住我,然後好大力咁搓我個胸。

「你個波大咗好多,好撚正。」講完之後佢就隊咗入黎,就咁望住塊鏡咁推我車。

佢一邊拍打我個屁股,一路望住塊鏡咁前後移動佢個身。

我只係敢偷偷咁係鏡望一望佢個樣,我見到佢闔埋咗對眼。

佢個樣好似好享受。

我地係塊鏡面前扑完一次,佢拉咗我入去沖涼,我地又係沖涼房扑咗一次。

我地打開咗個花灑,一邊淋身一邊熱吻。

因為佢話好鍾意聽到我嗌,所以佢係咁錫我耳仔,我最敏感既部位。

成個沖涼房都係我陣味,因為佢枝沖涼液都係我借比佢。

完事之後,我沖咗個涼就出去先,我訓係佢張床到休息。

我諗住感受埋最後係佢房既時刻就返自己房。

「你真係好想係到訓呀?」佢抹住個頭走出黎,望住我講。

「係呀,都無機會啦,不過你唔想咪由佢囉。」

「算啦,你留係到囉,你病就早啲訓啦,成日朝早先訓覺邊到會好返架。」佢用個責怪既語氣同我講,皺起咗佢個眉頭。

「你又話怕我傳染你。」我有啲開心,因為佢比我留係到訓。

「拿,而家你訓覺,我就溫書,我六點嗌醒你溫書,我先去訓,咁你咪唔怕溫唔到書囉。」

「下,但係我未溫哂喎。」

「得啦,你而家病住咁溫都唔會入腦,你不如早啲休息,咁樣先會好返。唔係你食藥都無用。」

「咁好啦。」

就係咁樣,我最後一次係佢到訓,就以呢個方式完結咗。

第二日佢真係六點拍醒咗我,叫我努力啲溫書,之後佢就去訓覺。

我坐係佢張書枱溫,有時候回望返去佢張床到,望住佢訓覺個背影。

無啦,以後都無得咁樣望住。

我真係以為呢次會係最後一次。
#203 2017-07-19 21:05:35 縮小字型 放大字型

兩日後,我考哂試,阿信都考哂試。

我知道佢應該執哂野返屋企,我以後都唔會再見到呢個人。

雖然學校唔係好大,都有機會再撞到,但比起住hall,機會一定微好多。

我都係時候要放低啦。

我返返下工收到個whatsapp,居然係阿信:「今晚有無牌打?」

「你唔係quit咗hall啦咩?」我好開心,佢原來仲係hall。

「我聽日先走呀。」

之後我搵咗兩隻腳,個晚我地係hall打咗最後一次牌。

「係呢,未同過你打牌喎,你叫咩名呀?」牌腳A問阿信。

「我叫阿信,不過都唔重要啦,我聽日都quit hall囉。」

講完呢句之後,大家都靜咗落黎,牌腳A鳩笑咗兩下就帶過咗個奇怪既氣氛。

「我聽日都quit hall囉。」呢句說話係我個腦到不停重複。

我諗返起第一次見佢,佢副眼鏡仲滴緊水個狼狽樣;

諗返起第一次見佢,佢同我地講佢叫阿信既樣;

諗返起第一次見佢,我地成日撞褲然後望住大家笑個樣;

諗返起第一次同佢係床,佢話好鍾意我個樣;

好多好多第一次,但係咁快已經係最後一次。

真係最後一次喇。
#204 2017-07-19 21:06:26 縮小字型 放大字型

我地打完四圈,佢話要睇波,留咗係common到無走。

牌腳A、B走咗,得返我同佢係到。

「你今晚過唔過黎訓?」佢問我。

「訓囉。」

個晚佢仍舊訓係阿軒張床到,我就訓係佢張床到。

「你陪我訓好無?」 我從來無開口要求過佢陪我訓,但係今晚我真係好想佢訓我隔離。

「唔得。」佢答完就背住咗我,面向住佢個邊既牆。

「都最後一次啦,黎啦。」

「除非你話我聽點解你個胸大咗咁多,我咪同你訓囉。」佢擰轉個身過黎,笑淫淫咁同我講。

「屌你啦,咁我自己訓囉。」今次到我背住佢,我好想喊,點解連最後一次都唔肯比我訓係佢隔離。

「又嬲,你真係好小器。」

講完呢句之後,佢無啦啦一野彈咗上黎我訓緊張床到,之後係我身後好大力咁攬住我,仲用對腳夾實我個身。「訓啦戇鳩,又話攰。」

之後我地好平淡咁扑咗最後一次野,今次一啲都唔激烈,佢都唔係好投入,好似純粹係一件例行公事咁。

完事既時候個天開始光,我好似第一次係呢間房望住個日出。

我地兩個無攬住訓,因為佢又過返去阿軒張床到訓。

係呀,連最後一次佢都選擇自己一個訓。

我冷笑咗一下,我已經唔知可以講咩,我都唔想再求佢陪我訓。

太低賤喇。
#205 2017-07-19 21:06:56 縮小字型 放大字型

去到第二日醒,我同佢講咗聲返自己房訓,我就走咗。

我唔敢係到留太耐。
我驚我唔捨得。

我個腦諗返呢半年既所有所有情節:

唔知佢琴晚係咪特登話比我聽今日quit hall,比個機會我係佢到訓;

又問我有無牌打,好似做哂全部我地之前會做既野咁。

雖然我無親口同佢講過,但係我諗佢一定知我鍾意佢。

但我對佢係愛,佢對我只係得性,兩樣野根本唔平衝,所以我地無辦法一齊。

呢個係我地既結局。

呢段關係已經無咩遺憾,要做既已經做哂,我仲偷多咗一晚。

多謝你阿信,你真係教識咗我一課。
成個sem啦,今次真係要放低。

「你一陣幾點check out?」我諗起同佢一張相都無,我想同佢影返張相,當係留個最後既紀念比自己。

結果佢無應過我,直到而家呢一刻。

我知道佢唔會睇唔到。

只係佢唔想應我。
#206 2017-07-19 21:08:23 縮小字型 放大字型

去到quit hall period既最後一日,我同晴晴Kenny食完野返到hall,係lobby見到阿軒坐咗係到。

「喂你未走咩,又話前幾日就搬哂啲野走既。」Kenny問阿軒。

「我地今日先真係走呀,喂阿信!」
阿軒答完之後望住lift個邊既方向,我見到阿信拖住個喼行出黎。

原來佢今日先真係搬走。

佢去到最後都無同我講真話,連幾時quit hall都要講大話呃我。

我地兩個好似唔識大家咁,佢無同我say hi,只係同晴晴佢地點咗個頭就走咗。

因為約咗中學同學食飯,我返房換咗套出街衫,之後再落返去。

可能因為係quit hall period既最後一日,架lift好滿,十樓既言仔、一樓既Chris同Chloe、三樓既阿宜都係到,好似愛回家咁,去到結尾大家都會出現哂,差在未BBQ咁解。

架lift係七樓開咗,又係阿信,但佢無入黎。

「你地落去先,我等阿軒。」佢望住我地全部人講,之後架lift就閂埋咗。

我落到樓下點起咗枝煙。

都唔知話個天係咪玩我,點解要比我再見到佢。

我寧願上次係最後一次見,都唔想好似而家咁樣再見面。

呢種「最熟悉的陌生人」既感覺好難受,我啲眼淚就黎湧出黎。

我行咗落去巴士站等車,呢個時候我第三次見到阿信。

佢無望我,只係一路望緊佢部電話。
阿軒見到我,同我講咗聲byebye。

「byebye」我趁阿信行過我身邊,我拍一拍佢同佢講。

「byebye」佢由此至終都無望過黎,講呢句既時候已經背住咗我向前行緊。

我望住佢個背影係心裡面講咗句「再見」,我就頭也不回上咗巴士。

佢既hall life咁就完咗,我地都就咁就完咗。

-完-
#207 2017-07-19 22:41:57 縮小字型 放大字型

後記、

話咁快就寫咗十一個故事,連自己都擺埋上台,而呢個post都黎到尾聲。

同大家講聲唔好意思先,一開頭我都唔係想刻意隱瞞自己既性別,只係唔想大家抱住個我一定係寫緊自己既故事既心態去睇故,我都想知自己寫男同女視覺係咪都掌握自如,所以就一路無講。

一開始抱住個即管試下開post既心態,無諗過有無人睇,我又唔係冰心,無出過咩散文集,只係想分享下自己既文字。到最後居然三個post都過千正皮,其實我真係受寵若驚,好多謝大家支持。原來有人想睇自己寫既野係咁有成功感。

我每日既工作變成打文,我連返工都會偷偷mon住個post。係床又好係電腦枱前又好,打文就係我最想做既野。見住一篇一篇故事出爐,真係好有滿足感、好開心,好耐無試過笑得咁開心。

當然,到後期流失咗好多讀者,可能因為我寫甜唔夠好,所以有啲人睇睇下都無再追。其實呢個系列我最想寫既唔係啲人點樣扑野,而係佢地點解會扑野,所以我一直都注重劇情多啲,而唔係甜位。亦有人屌我係臭雞,連登黎講女人是原罪,我都預咗,所以點屌我都會繼續寫。

不過聽到身邊既人問我有無追呢個post,我心入面真係好興奮,原來讀者群已經擴展到身邊既朋友。我自細就好想做個作家,從來都無諗過會實現,而家總算係圓咗一半夢。

而最後一個故,我幾乎將kate同阿信現實中既經歷完完全全咁呈現出黎,如果識我既話應該唔難估到係我寫,我深信阿信有睇既話實會知寫緊佢。本來好怕會自爆,但我修飾唔到任何一部分,因為唔寫哂出黎根本睇唔到kate有幾鍾意阿信。

自從過咗十八歲之後kate就係個好少喊既人,但居然曾經因爲阿信仰天嚎哭過一次,就係一次咁大把。之後無論幾傷心就無再喊過,呢種痛苦真係非筆墨可以形容,我話你知真係好難捱。

可能大家好想知,到底阿信同kate而家點,仲有無聯絡?其實早係兩個月前,kate一個人係日本寫咗低呢個故事,然後再whatsapp同阿信講哂自己心入面既諗法。阿信無講任何野,連一個句號都無留低,就咁就真係完咗。個次之後kate已經同自己講,唔好再諗呢個人。

而kate事隔兩個月後,亦都係開咗呢個post之後,居然係學校撞返阿信。
個下好似一道雷劈落黎咁,表面上既平靜只係掩飾緊心入面既激動:點解又要再見到。

呢次之後,阿信又搵返kate,好似若無其事咁,仲話一齊食飯。kate心入面仲未放低阿信,平時連佢睇自己ig story都會好觸動到,但已經寫咗七萬幾字有關hall男男女女既故事,入面仲有萬八字係令kate徹夜難眠既文字,係咪係時候要醒呢?

好多謝身邊長期支持我既hallmates,我呢個post既成功都係你地有份創造出黎,多謝你地,Chris、 Chloe。仲有羊格,我真係要多謝你令我寫返野,你對我既影響都真係頗大。記得我send個故俾你,你話好睇我先敢開post,好多謝你既鼓勵。仲有你啲虐心文真係陪伴咗我好多個寂寞既夜晚。當然仲有一眾巴絲,我由10年上高登到而家,原來連登真係有愛,每個留言我都有睇,而家每日我都默默低頭望電話,一訓醒唔係睇whatsapp而係上黎睇你地講咩,你地都係我既強心針。

最後都要多謝阿信,唔係有你出現,我都無呢個勇氣同動機去寫第一個故事,你教識我一課,比起大學任何一課更重要,多謝。雖然我深信你唔會有耐性追一個咁長既故,你應該唔會睇到呢個post,不過都好想同你講,你唔好再咁負面消極喇。仲有,希望你唔好再咁對女仔,好無呀。

我都唔會放棄寫野,應承大家會愛自己多啲,各位巴絲,有緣再上黎同你地講下故仔。

btw 知我邊間u又或者識我既話唔好相認啦,我怕醜。